ضيــــــــــــــــــــــــــاع الدرح11

ﻣﺤﻤﺪ ﻣﻬﺪﻱ
ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 11
. ..
ﺍﻟﺠﻴﻠﻲ ﺍﻧﺴﺠﻦ ﻓﻲ ﺟﺪﻩ ﻓﻲ ﻗﻀﻴﺔ ﻣﺨﺪﺭﺍﺕ ..
ﺩﻩ ﺍﻟﺨﺒﺮ .. ﺑﺪﻭﻥ ﺗﻔﺎﺻﻴﻞ .. ﺍﻟﺨﺒﺮ ﺑﺎﻟﺘﻔﺎﺻﻴﻞ ﻏﻴﺮ ﻛﺪﺍ ﺗﻤﺎﻣﺎ ..
ﻗﺒﻞ ﻣﺎﻧﺴﺎﻓﺮ ﺍﻟﺴﻮﺩﺍﻥ ﻧﺤﻦ ﻣﺎﺷﻴﻦ ﻟﺤﺒﻴﺒﻨﺎ ﺍﻟﺠﻴﻠﻲ ﻓﻲ ﺍﻟﺴﺠﻦ ﻻﻧﻮ ﻗﺎﻟﻮ
ﺣﺎﺻﻠﻪ ﻣﻌﺎﻫﻮ ﻣﺸﻜﻠﺔ ..
ﻓﻲ ﺍﻟﺴﺠﻦ ﺍﻟﺠﻴﻠﻲ ﻣﺎﺭﺱ ﺍﺧﻼﻕ ﺍﻟﺮﺟﺎﻝ .. ﺑﻜﻞ ﻣﻌﺎﻧﻴﻬﺎ ﻓﻲ ﺍﻟﺼﺒﺮ
ﻭﺍﻻﺣﺘﻤﺎﻝ .. ﻭﺣﻤﺎﻳﺔ ﺍﻟﻤﻈﻠﻮﻣﻴﻦ ﻭﺍﻟﻀﻌﻔﺎﺀ ﺿﺪ ﺍﻟﻤﺠﺮﻣﻴﻦ ﻭﻣﻌﺘﺎﺩﻱ
ﺍﻻﺟﺮﺍﻡ ..
ﻭﺍﻟﻤﺤﺎﻓﻈﻪ ﻋﻠﻰ ﺻﻼﺗﻮ ﻭﺑﺮﺍﺀﺓ ﺍﻫﻠﻮ ﺍﻟﻐﺒﺶ ..
ﻭﻣﺎ ﺩﺧﻞ ﻓﻲ ﺭﺍﺳﻮ ﻓﻬﻢ ﺍﻧﻮ ﻣﺴﺎﻋﺪﺓ ﺍﻟﻨﺎﺱ ﺑﺘﻌﻤﻞ ﻟﻴﻬﻮ ﻣﺸﺎﻛﻞ ..
ﻻﻧﻮ ﺩﻱ ﺣﺎﺟﺎﺕ ﺟﺎﺭﻳﻪ ﻓﻲ ﺩﻣﻮ ﻣﻦ ﻣﺠﺘﻤﻊ ﺍﻟﺤﻠﻪ ﻭﻣﻦ ﻫﻮ ﻃﻔﻞ ..
ﻋﻴﺐ ﻋﻨﺪﻧﺎ ﺗﺸﻮﻑ ﺍﻟﻈﻠﻢ ﻭﺗﻘﻌﺪ ﺗﺘﻔﺮﺝ ..
ﻋﻴﺐ ﺍﻧﻚ ﻳﻜﻮﻥ ﻋﻨﺪﻙ ﺍﻟﻘﺪﺭﻩ ﺗﺴﺎﻋﺪ ﻭﺗﻘﻮﻝ ..ﺍﻧﺎ ﻣﺎﻟﻲ .؟
.. ﺍﻧﺎ ﺍﻟﺪﺧﻠﻨﻲ ﺷﻨﻮ ..؟
ﺻﺤﻴﺢ ﺣﻴﺎﺓ ﺍﻟﻤﺪﻥ ﻏﻴﺮﺕ ﺍﻟﻨﺎﺱ ..
ﻭﻛﺘﺮﺓ ﺍﻟﺨﻴﺎﻧﺎﺕ ﻭﺍﻟﻐﺪﺭ ﺧﻠﺖ ﺑﻌﺾ ﺍﻟﻨﺎﺱ ﺗﺘﺨﻠﻰ ﻋﻦ ﺍﻟﻤﺮﻭﺀﺓ ﻭﺍﻟﺸﻬﺎﻣﻪ ..
ﻟﻜﻦ ﺍﻻﺻﻴﻞ ﺍﺻﻴﻞ ..
ﻭﺍﻻﺻﻴﻞ ﺑﺘﻌﺎﻣﻞ ﺑﻲ ﺍﺻﻠﻮ ..
ﻭﻣﺎﺑﺘﺎﺛﺮ ﺑﺎﻟﺸﺮ ﺍﻟﺤﻮﻟﻪ ..
ﻓﻲ ﺍﻟﺴﺠﻦ .. !!
.
ﺍﻟﻤﺴﺎﺟﻴﻦ ﺑﻘﻮ ﻣﻼﺣﻈﻴﻦ ﺍﻟﺰﻭﻝ ﺍﻻﻏﺒﺶ ﺩﻩ ﻭﺗﺼﺮﻓﺎﺗﻮ .. ﻭﺍﻟﺸﺠﺎﻋﺔ ﺍﻟﻤﺎﻟﻴﺔ
ﻋﻴﻮﻧﻮ .. ﻭﺍﻧﻮ ﺩﺍﻳﻤﺎ ﻓﻲ ﺍﻟﺴﺠﻦ ﺑﺼﺎﺣﺐ ﺍﻟﻨﺎﺱ ﺍﻟﻤﺴﺎﻛﻴﻦ .. ﻭﺍﻟﻤﺴﺎﻟﻤﻴﻦ ..
ﻣﻊ ﺍﻧﻮ ﺍﻟﺰﻭﻝ ﺍﻟﺒﺨﺶ ﺍﻟﺴﺠﻦ ﺟﺪﻳﺪ ﺑﺤﺎﻭﻝ ﻳﺒﻨﻲ ﻋﻼﻗﺎﺕ ﻣﻊ ﺍﻟﺸﻔﺎﺗﺔ
ﻭﺍﻻﺷﺮﺍﺭ .. ﻋﺸﺎﻥ ﻳﻀﻤﻦ ﺳﻼﻣﺘﻮ ﻭﺣﻤﺎﻳﺘﻮ ..
ﺍﻟﺠﻴﻠﻲ ﻛﺎﻥ ﺑﻔﺘﺶ ﻟﻠﻨﺎﺱ ﺍﻟﺒﺸﺒﻬﻮﻫﻮ ..
ﻟﻜﻦ ﻃﺒﻌﺎ ﺩﻳﻞ ﺑﻜﻮﻧﻮﺍ ﻧﺎﺩﺭﻳﻦ ﻓﻲ ﺍﻟﺴﺠﻦ ..
ﻳﻮﻡ ﺑﺎﻟﻠﻴﻞ ﻛﺪﺍ .. ﺳﻤﻊ ﺷﻠﻪ ﻣﻦ ﺍﻟﻤﺠﺮﻣﻴﻦ ﺍﻟﻤﺴﺎﺟﻴﻦ ﺑﺘﻜﻠﻤﻮ ﻣﻊ ﺑﻌﺾ ..
ﻭﻧﺎﻭﻳﻦ ﺍﻧﻬﻢ ﻳﻌﺘﺪﻭﺍ ﻋﻠﻰ ﻭﺍﺣﺪ .. ﺍﻋﻮﺫ ﺑﺎﻟﻠﻪ ﻣﻦ ﺍﻟﺨﺰﻱ ﻭﺍﻟﺨﺬﻻﻥ ..
ﻭﺍﻟﻮﻟﺪ ﺍﻟﺒﺘﻜﻠﻤﻮ ﻋﻨﻮ ﺍﻟﺠﻴﻠﻲ ﺑﻴﻌﺮﻓﻮ ..
ﻭﻟﺪ ﻋﻤﺮﻩ ﻋﺸﺮﻳﻦ ﺳﻨﻪ ﻭﺿﻌﻴﻒ ﻻﺣﻮﻝ ﻟﻪ ﻭﻻﻗﻮﺓ ..
ﻋﺎﻳﺰﻳﻦ ﻳﻌﺘﺪﻭ ﻋﻠﻴﻪ ﺍﻋﺘﺪﺍﺀ ﺍﻟﻠﻌﻨﻪ ..ﻭﻳﻔﺘﻜﻮ ﺑﻲ ﺭﺟﻮﻟﺘﻪ .. ﻭﺑﺨﻄﻄﻮ ..
ﺍﻟﺼﺒﺎﺡ ﺍﻟﺠﻴﻠﻲ ﻻﻗﺎ ﺍﻟﻮﻟﺪ ﻭﺍﺗﻌﺮﻑ ﻋﻠﻴﻬﻮ .. ﻋﻦ ﻗﺮﺏ ﻋﺸﺎﻥ ﻳﺤﺬﺭﻩ ..
ﺍﻟﻮﻟﺪ ﺍﺳﻤﻮ ﺣﺴﻦ ﻣﻦ ﺟﻨﻮﺏ ﻣﺼﺮ ..
ﺣﺴﻦ ﻣﺴﺠﻮﻥ ﻓﻲ ﻗﻀﻴﺔ ﺗﺤﺮﺵ ﺟﻨﺴﻲ ..
ﺩﻩ ﺍﻟﺨﺒﺮ ﺍﻟﻌﺎﻡ .. ﻟﻜﻦ ﺍﻟﺘﻔﺎﺻﻴﻞ ﻏﻴﺮ ﻛﺪﺍ ﺧﺎﻟﺺ..
ﺷﻔﺘﻮ ﺍﻭﻝ ﻣﻦ ﻣﺎ ﻗﻠﺖ ﻟﻴﻜﻢ ﺗﺤﺮﺵ ﺟﻨﺴﻲ ﺍﻱ ﺯﻭﻝ ﺑﻄﻨﻮ ﻃﻤﺖ ﻣﻦ ﺣﺴﻦ ..
ﻋﺎﺭﻑ ..
ﻟﻜﻦ ﺍﻟﺘﻔﺎﺻﻴﻞ ﺷﻨﻮ؟ ﻭﺍﻟﺤﻘﻴﻘﺔ ﺷﻨﻮ؟
ﺑﺤﻜﻲ ﺣﺴﻦ ﻻﺧﻮﻧﺎ ﺍﻟﺠﻴﻠﻲ ..
ﻗﺎﻝ ﻟﻴﻬﻮ ﺍﻧﺎ ﺍﺻﻼ ﺷﻐﺎﻝ ﻣﻊ ﻛﻔﻴﻠﻲ ﻋﻨﺪﻭ ﻣﺤﻼﺕ ﺑﺘﺎﻋﺔ ﺍﻗﻤﺸﺔ ﻛﺒﻴﺮﺓ ..
ﻭﺳﺎﻛﻦ ﻓﻲ ﺍﻟﺒﻴﺖ ﺑﺘﺎﻋﻮ ..ﻻﻧﻲ ﺍﻟﻌﺼﺮﻳﺔ ﺑﺸﺘﻐﻞ ﺟﻨﺎﻳﻨﻲ ﻓﻲ ﺍﻟﻔﻠﻪ ﺍﻟﻜﺒﻴﺮﺓ
ﺍﻟﺴﺎﻛﻨﻴﻦ ﻓﻴﻬﺎ ..
ﻓﻲ ﻏﺮﻓﺔ ﺧﺎﺭﺟﻴﺔ ﺳﺎﻛﻦ ﻓﻴﻬﺎ ﻣﻜﻮﺟﻲ ﺑﺘﺎﻉ ﺍﻟﻌﻴﻠﻪ .. ﻭﻫﻮ ﺑﺎﻛﺴﺘﺎﻧﻲ ..
ﻛﺎﻧﺖ ﻓﻲ ﺑﺖ ﻣﺮﺍﻫﻘﺔ ﻣﻦ ﻧﺎﺱ ﺍﻟﺒﻴﺖ .. ﻳﻌﻨﻲ ﺑﺖ ﺍﻟﺮﺍﺟﻞ ﺍﻟﻠﻲ ﺍﻧﺎ ﺷﻐﺎﻝ
ﻣﻌﺎﻫﻮ ..
ﻋﻨﺪﻫﺎ ﻋﻼﻗﺔ ﻣﺤﺮﻣﺔ ﻣﻊ ﺍﻟﻤﻜﻮﺟﻲ .. ﻭﺍﻧﺎ ﻣﺎﻛﻨﺖ ﻋﺎﺭﻑ ..
ﻳﻮﻡ ﺍﻟﻈﺎﻫﺮ ﻧﺴﻮ ﺍﻟﺒﺎﺏ ﻓﺎﺗﺢ .. ﻭﺍﻧﺎ ﺟﻴﺖ ﻟﻘﻴﺘﻬﻢ ..
ﻭﻗﻠﺖ ﻟﻴﻬﺎ ﺍﻧﺎ ﺡ ﺍﻛﻠﻢ ﺍﺑﻮﻙ .. ﻗﺎﻟﺖ ﻟﻲ ﻣﺎﺗﻜﻠﻤﻮ ﻭﺍﻧﺎ ﺑﺘﻔﺎﻫﻢ ﻣﻌﺎﻙ ..
ﻭﺑﻜﻮﻥ ﺗﺤﺖ ﻃﻮﻋﻚ .. !!!
ﻭﺍﻧﺎ ﻳﺎ ﺍﻟﺠﻴﻠﻲ ﻋﻨﺪﻱ ﻭﻻﻳﺎ ﻭﺍﺧﻮﺍﺕ ..
ﻣﺴﺘﺤﻴﻞ ﺍﺧﻮﻥ ﺍﻟﺮﺍﺟﻞ ﺍﻟﻠﻲ ﺍﻧﺎ ﺑﺎﻛﻞ ﺧﻴﺮﻩ ..
ﻟﻤﻦ ﺭﻓﻀﺘﺎ ﻭﺍﺻﺮﻳﺖ ﺍﻧﻲ ﺍﻛﻠﻢ ﺍﺑﻮﻫﺎ .. ﻻﻥ ﺍﻟﺒﺖ ﺻﻐﻴﺮﺓ .. ﻭﺍﺣﺘﻤﺎﻝ ﺗﺠﻴﺐ
ﻟﻬﺎ ﻋﻴﺒﻪ ﻻﻫﻠﻬﺎ ..
ﻟﻤﻦ ﺍﺻﺮﻳﺖ .. ﺳﺒﻘﺘﻨﻲ ﻭﻛﻠﻤﺖ ﺍﺑﻮﻫﺎ ﻗﺎﻟﺖ ﻟﻴﻬﻮ ( ﺍﻟﻤﺼﺮﻱ ﺍﺗﺤﺮﺵ ﻓﻴﺎ ...
ﻭﻣﺴﻜﺴﻨﻲ ﺑﺎﻟﻘﻮﺓ .. ﻭﻫﺪﺩﻧﻲ ﺍﻧﻮ ﺣﻴﺘﻬﻤﻨﻲ ﺑﺎﻟﺒﺎﻛﺴﺘﺎﻧﻲ ﻟﻮ ﺭﻓﻀﺖ ..
) ﺩﻩ
ﻛﻼﻡ ﺍﻟﺒﺖ ..
ﺷﻮﻓﺖ ﻳﺎ ﺍﻟﻘﻴﻠﻲ . ﺍﺗﻬﻤﺘﻨﻲ ﻛﺪﺍ ﺑﺎﻟﺪﻏﺮﻱ .. ﻭﻛﺬﺑﺖ ﻓﻲ ﻭﺟﻬﻲ ... ﻭﻗﺪﺭ
ﻣﺎ
ﺩﺍﻓﻌﺖ ﻋﻦ ﻧﻔﺴﻲ ﻣﺎﺣﺪ ﺭﺍﺿﻲ ﻳﺼﺪﻗﻨﻲ .. ﺍﻟﺒﺖ ﻛﺎﻧﺖ ﺑﺘﺒﻜﻲ ﺑﺤﺮﺍﺭﻩ
ﻭﺩﻣﻮﻋﻬﺎ ﻣﺎﻟﻴﺎﺕ ﺧﺪﻭﺩﻫﺎ ..
ﻛﻞ ﺍﻟﻠﻲ ﺷﺎﻓﻬﺎ ﻋﻤﺎﻝ ﻳﻠﻌﻦ ﻓﻴﺎ .. ﻭﺑﻜﺪﺍ ﺍﻧﺎ ﻓﻲ ﺍﻟﺴﺠﻦ ﻳﺎﺑﺎﺷﺎ ..
ﺍﻟﺠﻴﻠﻲ ﻗﺎﻝ ﻟﻴﻬﻮ .. ﻭﺍﻟﻠﻪ ﺻﺪﻕ ﺍﻟﻘﺎﻝ .. ﺗﺸﻮﻑ ﻣﺼﻴﺒﺔ ﻏﻴﺮﻙ ﺗﻬﻮﻥ ﻋﻠﻴﻚ
ﻣﺼﻴﺒﺘﻚ .. ﺍﻧﺖ ﺁﺯﻭﻝ ﻣﻈﻠﻮﻡ ﻇﻠﻢ ﺍﻟﺤﺴﻦ ﻭﺍﻟﺤﺴﻴﻦ ..
ﺍﻟﻤﻬﻢ ﻳﺎﺣﺴﻦ ﻳﺎﺧﻮﻱ .. ﻓﻲ ﺍﻟﺸﻠﺔ ﺑﺘﺎﻋﺔ ﻧﺎﺱ ﻓﻼﻥ ﺩﻳﻚ ﻋﺎﻣﻠﻴﻦ ﻓﻴﻬﺎ ﺭﺟﺎﻝ
ﻭﺍﻧﺎ . ﺳﻤﻌﺘﻬﻢ ﺑﻘﻮﻟﻮ ﻛﻴﺖ ﻛﻴﺖ ..
ﺍﻟﻮﻟﺪ ﺧﺎﻑ ﺧﻮﻑ ﻋﺠﻴﺐ ﻭﻗﻠﻊ ﻋﻴﻮﻧﻮ ﻣﻦ ﺭﺍﺳﻮ ..
ﻭﻗﺎﻝ ﻟﻠﺠﻴﻠﻲ .. ﻃﻴﺐ ﺍﻧﺎ ﺍﻋﻤﻞ ﺷﻨﻮ؟ ( ﺟﺰﺀ ﻣﻦ ﺍﻟﻨﺺ ﻣﻔﻘﻮﺩ )
ﺍﻟﺠﻴﻠﻲ ﻗﺎﻟﻲ ﺣﺴﻦ ﻳﺎﺯﻭﻝ ﺃﺭﺡ ﻭﺍﻟﻠﻪ ﺍﻧﺎ ﻣﻌﺎﻙ ﺍﻟﺤﺒﺔ ﻣﺎﺑﺘﺠﻴﻚ ﺍﺻﻠﻚ
ﻣﺎﺗﺨﺎﻑ ..
ﻭﺍﻟﻠﻪ ﻣﺎﺗﻌﺎﻳﻦ ﻟﻲ ﺯﺭﺍﺭﻳﻬﻢ ﺍﻟﻤﻔﺘﺤﺔ ﺩﻱ .. ﻫﺴﻊ ﺍﻗﻮﻡ ﺍﻧﻘﻠﺐ ﻟﻬﻢ ﻋﻔﺮﻳﺖ
ﺍﺧﻠﻴﻬﻢ ﻟﻴﻚ ﻳﺰﺭﻗﻮ .. ﺣﺴﻦ ﺍﻟﻤﺼﺮﻱ ﻗﺎﻝ ﻟﻴﻬﻮ .. ﺍﻧﺖ ﻋﻤﺎﻝ ﺑﺘﺆﻭﻝ ﻓﻲ ﺍﻳﻪ
ﻳﺎ ﺍﻗﻴﻠﻲ ..؟ ..
ﻗﺎﻝ ﻟﻴﻬﻮ ﺑﻘﻮﻝ ﻟﻴﻚ ﻣﺎﺗﺨﺎﻑ ﺃﺑﺘﺠﻴﻚ ﻋﻮﺟﺔ ﺗﺐ ﺍﻧﺎ ﻣﻌﺎﻙ ..
ﻋﺎﻳﻦ ﺑﺘﻘﺪﺭ ﺗﺘﺤﺼﻞ ﻟﻴﻨﺎ ﻋﻠﻰ ﺳﻜﻴﻦ .. ﺣﺪﻳﺪﺓ ﻣﻨﻚ ﻣﻦ ﺯﻭﻝ .. ﺍﻥ ﺷﺎ ﺍﻟﻠﻪ
ﺗﺴﺮﻗﻬﺎ ﻣﻦ ﺍﻟﻤﻄﺒﺦ ..
ﻗﺎﻝ ﻟﻴﻬﻮ ﻣﻤﻜﻦ ﺍﻧﺎ ﻋﻨﺪﻱ ﻣﻘﺺ ﻛﺒﻴﺮ .. ﻣﻌﺎﻱ ﻓﻲ ﺍﻟﺸﻨﻄﺔ ..
ﻗﺎﻝ ﻟﻴﻬﻮ ﺍﻳﻮﺍﺍﺍ .. ﺩﻩ ﻛﻔﺎﻳﺔ ﺟﺪﺍ ﺍﺭﺡ ﻋﻠﻴﻬﻮ ﻧﺸﻮﻓﻮ .. ﻣﺸﻰ ﻟﻘﻰ ﻋﻨﺪﻭ
ﻣﻘﺺ ﻗﺎﺗﻞ ..
ﻓﻜﺎﻫﻬﻮ ﻋﻠﻰ ﻗﻄﻌﺘﻴﻦ ﻫﻮ ﻣﺴﻚ ﻗﻄﻌﺔ ﻭﺍﺩﺍﻫﻮ ﻗﻄﻌﺔ .. ﻭﺟﺎﺏ ﻟﻴﻬﻮ ﻗﻄﻌﺔ
ﻗﻤﺎﺵ ﻭﻟﻔﺎﻫﺎ ﻓﻲ ﻣﺤﻞ ﺍﻟﺪﺍﻳﺮﻩ ﺍﻟﻔﻲ ﺍﻟﻤﻘﺺ ﺑﺘﺎﻋﺔ ﺍﻻﺻﺎﺑﻊ .. ﻭﺑﻘﺖ
ﻣﺴﻜﺘﻬﺎ ﻣﺮﻳﺤﺔ ﻭﺧﻄﺮﺓ ﺟﺪﺍ " ﺭﺑﻚ ﻳﺴﺘﺮ ..
ﺍﻟﺠﻴﻠﻲ ﺩﻩ ﺷﻜﻠﻮ ﻣﺎ ﺩﺍﻳﺮ ﻳﺠﻴﺒﻬﺎ ﺍﻟﺒﺮ ..
ﻗﺎﻝ ﻟﻴﻬﻮ ﻳﺎﺣﺴﻦ .. ﻇﺒﻂ ﺍﻟﺒﺘﺎﻋﺔ ﺩﻱ ﺯﻱ ﺣﻘﺘﻲ ﺩﻱ .. ﻭﺧﻠﻴﻬﺎ ﻣﻌﺎﻙ
ﻭﻣﺎﺗﺒﻌﺪ ﻣﻦ ﺟﻤﺒﻲ ..
ﺍﻟﻨﺎﺱ ﺩﻳﻞ ﻛﺎﻥ ﻓﻴﻬﻢ ﻭﺍﺣﺪ ﺟﺎ ﻣﺎﺷﻲ ﻋﻠﻴﻚ .. ﻭﻋﻤﻞ ﺍﻱ ﺣﺮﻛﺔ ﻣﺎﻳﺎﻫﺎ ..
ﻧﻘﺪﺩﻫﻢ ﻃﻮﺍﻟﻲ ..
ﻛﻞ ﺣﺎﺟﺔ ﻭﻻ ﻗﻠﺔ ﺍﻻﺩﺏ ﺩﻱ ﺍﻟﺤﺎﺟﺔ ﺍﻟﻨﺤﻦ ﺑﻨﻜﺘﻞ ﻓﻴﻬﺎ ..
ﻭﻗﺎﻝ ﻟﻴﻬﻮ ﺑﺎﻟﻠﻴﻞ ﺗﻜﻮﻥ ﻣﻌﺎﻱ ﻭﺗﻨﻮﻡ ﻗﺮﻳﺐ ﻣﻨﻲ .. ﻭﺣﺴﻦ ﻣﺴﺘﻐﺮﺏ ﻓﻲ
ﺍﻟﺰﻭﻝ ﺍﻟﻐﺮﻳﺐ ..
ﺍﻟﺒﺘﻌﺎﻣﻞ ﻣﻌﺎﻫﻮ ﻛﺎﻧﻪ ﺍﺧﻮﻩ ﻭﺩ ﺍﻣﻮ ﻭﺍﺑﻮﻩ ..
ﺗﺎﻧﻲ ﻳﻮﻡ ﻗﺒﻞ ﺍﻟﻠﻴﻞ ﻣﺎﻳﺪﺧﻞ ﻛﻮﻳﺲ .. ﻓﻲ ﺗﻼﺗﺔ ﻣﻦ ﺍﻟﺸﻠﻪ ﺍﻟﻤﻠﻌﻮﻧﻪ ﺟﻮ
ﻣﺎﺷﻴﻦ ﻋﻠﻰ ﺣﺴﻦ ..
ﻭﺍﻟﺠﻴﻠﻲ ﻛﺎﻥ ﺟﻤﺒﻮ .. ﻭﺍﻻﺗﻨﻴﻦ ..ﺣﺴﻦ ﻭﺍﻟﺠﻴﻠﻲ ﺩﺍﺳﻴﻦ ﻗﻄﻊ ﺍﻟﺤﺪﻳﺪ ﺣﻘﺎﺕ
ﺍﻟﻤﻘﺺ ﻭﺟﺎﻫﺰﺓ ﻟﻠﻄﻌﻦ ..
ﻭﺩﻱ ﺣﺘﻜﻮﻥ ﺟﺮﻳﻤﺔ ﻗﺘﻞ .. ﻭﻣﻌﺮﻭﻑ ﻋﻘﺎﺑﻬﺎ .. ﻭﺍﻟﻤﺤﻜﻤﺔ ﻣﺎﺑﺘﻌﺮﻑ ﺍﻟﻜﻼﻡ
ﺍﻟﻘﺎﻟﻮ ﺍﻟﻌﺴﻜﺮﻱ ..
ﻭﺍﻟﺠﻴﻠﻲ ﺷﻜﻠﻮ ﻓﺎﻫﻢ ﻏﻠﻂ ..ﻭﻧﺎﻭﻱ ﻧﻴﺔ ﺳﻮﺩﺍﺀ ﻋﻠﻰ ﺍﻟﻤﺠﺮﻣﻴﻦ ..
ﺍﻟﻰ ﺍﻟﻠﻘﺎﺀ