ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ ﺍﻟﺴﺎﺑﻌﺔ ..
ﺍﻟﺠﻴﻠﻲ ﺑﻌﺪ ﻣﺎﻭﺻﻞ ﺍﻟﺴﻌﻮﺩﻳﺔ .. ﻭﻗﺎﺑﻞ ﺍﻟﻜﻔﻴﻞ .. ﺍﻟﻌﻤﻞ ﻛﺎﻥ ﻓﻲ ﻣﺼﻨﻊ
ﺑﺘﺎﻉ ﺑﻠﻮﻙ ..ﻓﻲ ﺿﺎﺣﻴﺔ ﻣﻦ ﺿﻮﺍﺣﻲ ﺟﺪﺓ .
ﻭﺍﺳﺘﻘﺒﻠﻮ ﺍﺧﻮ ﺻﺎﺣﺒﻮ ﺻﺎﺣﺒﻮ ﺍﺳﻤﻪ ﻧﺎﺻﺮ .. ﻧﺎﺻﺮ ﺟﺎﻫﻮ ﻣﺨﺼﻮﺹ ﻣﻦ
ﺍﻟﻄﺎﻳﻒ ..ﻋﺸﺎﻥ ﻳﺴﺘﻘﺒﻠﻮ . ﻭﺳﻠﻤﻪ ﺍﻟﻜﻔﻴﻞ ﻭﻛﺎﻥ ﺍﻟﻜﻔﻴﻞ ﺻﺪﻳﻖ ﻟﻨﺎﺻﺮ ..
ﺍﻟﻤﻬﻢ ﻣﻦ ﺗﺎﻧﻲ ﻳﻮﻡ ﻃﻮﺍﻟﻲ ﺍﻟﺠﻴﻠﻲ ﺑﺎﺷﺮ ﺍﻟﻌﻤﻞ ﺑﻜﻞ ﺟﺪﻳﺔ .. ﻭﺍﺳﺘﻤﺮ ﻛﻢ
ﻳﻮﻡ ﻛﺎﻥ ﻓﻲ ﺳﻜﻦ ﻓﻲ ﺍﻟﻤﺼﻨﻊ ﻣﻊ ﺍﻟﻌﻤﺎﻝ
ﻫﻨﻮﺩ ﻭﺑﻨﻐﺎﻟﺔ ﻭﺑﺘﺎﻉ .. ﻗﻌﺪ ﻣﻌﺎﻫﻢ .. ﻭﻓﻲ ﺍﻻﻳﺎﻡ ﺍﻻﻭﻟﻰ ﻛﺎﻥ ﻋﻨﺪﻩ ﻣﺸﻜﻠﺔ
ﻓﻲ ﺍﻻﻛﻞ ..
ﻻﻧﻬﻢ ﺑﻄﺒﺨﻮ ﺍﻛﻠﻬﻢ ﺑﺮﺍﻫﻢ ﻭﻛﻞ ﺍﻻﻛﻼﺕ ﺍﻟﺒﻌﻤﻠﻮﻫﺎ..
ﺍﻟﺠﻴﻠﻲ ﻣﺎﺑﻴﺎﻛﻠﻬﺎ .. ﻳﺎﺧﻲ ﺩﻳﻞ ﺑﻄﺒﺨﻮﺍ ﺷﻄﺔ ﻳﻤﻠﻮ ﺑﻴﻬﺎ ﺍﻟﺤﻠﺔ ﻭﻳﺎﻛﻠﻮﻫﺎ ..
ﻭﻋﻨﺪﻫﻢ ﺍﻛﻼﺕ ﻏﺮﻳﺒﺔ .
ﺑﺠﻴﺒﻮ ﻟﻴﻬﻢ ﻋﻴﺶ ﺍﺳﻤﻮ ﺍﻟﺘﺒﻴﺰ ﺑﺲ ﻣﺮﺍﺕ ﺍﻟﺠﻴﻠﻲ ﺑﻘﺮﺽ ﻣﻨﻪ. ﻭﺍﻟﻠﻴﻞ ﻛﻠﻮ
ﻳﻮﺭﺟﻐﻮ.. ( ﻳﻨﻘﻨﻘﻮ ) .. ﺍﺳﺒﻮﻉ ﺑﺲ ﺍﻟﺠﻴﻠﻲ ﻣﺎﻗﺪﺭ ﻳﺘﺄﻗﻠﻢ ﻣﻊ ﺍﻟﻤﻮﺿﻮﻉ ..
ﻭﻛﻠﻢ ﺍﻟﻜﻔﻴﻞ ﻗﺎﻝ ﻟﻴﻬﻮ ﺍﻧﺎ ﺩﺍﻳﺮ ﻟﻲ ﺳﻮﺩﺍﻧﻴﻴﻦ ﺍﺳﻜﻦ ﻣﻌﺎﻫﻢ ..ﺍﻟﻌﻤﺎﻝ ﺩﻳﻞ
ﻣﺎ . ﺑﻨﻔﻌﻮ ﻣﻌﺎﻱ ..
ﺍﻟﻜﻔﻴﻞ ﻗﺎﻝ ﻟﻴﻬﻮ ( ﻭﺵ ﺍﻛﺜﺮ ﻣﻦ ﺍﻟﺴﻮﺍﺩﻧﻪ ﺭﻭﺡ ﺩﻭّﺭ ﺭﻭﺡ ﻋﻠﻰ ﺑﺎﺏ ﻣﻜﻪ
ﺑﺎﺏ ﺷﺮﻳﻒ .. ﺭﻭﺡ ﺑﻨﻲ ﻣﺎﻟﻚ .. ﺭﺍﺡ ﺍﺗﺤﺼﻞ ﺍﻟﺴﻮﺍﺩﺍﻧﻪ ﻫﺎ ﺍﻟﻜﺜﺮ )
ﻳﻮﻡ ﺑﻌﺪ ﺍﻟﺸﻐﻞ ﻣﺸﻰ ﻋﻠﻰ ﺳﻮﻕ ﺍﺳﻤﻮ (ﺑﺎﺏ ﻣﻜﺔ ) ﻓﻴﻬﻮ ﺍﻟﺴﻮﺩﺍﻧﻴﻦ ﻛﻤﻴﺔ
ﻣﺒﺎﻟﻐﺔ ﺗﻘﻮﻝ ﺑﺲ ﺳﻮﻕ ﻟﻴﺒﻴﺎ ..
ﺍﻟﺠﻴﻠﻲ ﻟﻤﻦ ﺷﺎﻓﻬﻢ ﺍﺗﻜﻴﻒ ﻛﻴﻒ ﻗﺮﺏ ﻳﺎﺧﺪﻟﻮ ﺗﺒﻪ .. ( ﻳﻌﻨﻲ ﻳﻌﺮﺽ ) ..
ﺑﻘﻰ ﻳﺴﻠﻢ ﻋﻠﻴﻬﻢ ﻣﻦ ﻃﺮﻑ ﺑﻼ ﻭﻋﻰ .. ﻭﺍﻟﺠﻤﺎﻋﺔ ﻋﺮﻓﻮﻩ ﺯﻭﻝ ﺟﺎﻱ ﻛﺮﺕ
ﻣﻦ ﺍﻟﺴﻮﺩﺍﻥ ..
ﻭﺑﻘﻮ ﻳﺴﺄﻟﻮ ﻓﻴﻬﻮ ﻣﻦ ﺍﺣﻮﺍﻝ ﺍﻟﺒﻠﺪ .. ﻗﻌﺪ ﻟﻴﻬﻮ ﻓﻲ ﻧﺎﺻﻴﺔ ﻛﺪﺍ ﻣﻊ ﻋﻤﻚ
ﻛﺒﻴﺮ ﺑﺘﺎﻉ ﺍﻗﻤﺸﺔ .. ﻗﻠﺒﻮ ﺍﻧﻔﺘﺢ ﻟﻴﻬﻮ ﻛﺪﺍ ..
ﺍﻟﺰﻭﻝ ﺑﺒﻴﻊ ﻣﻘﺎﻃﻊ ﺟﻼﻟﻴﺐ .. ﻣﻮﺟﺮ ﻟﻴﻬﻮ ﺑﻮﺍﺑﻪ ﺑﺘﺎﻋﺔ ﻣﺘﺠﺮ .. ﻭﺍﻟﺠﻴﻠﻲ ﻗﻌﺪ
ﺍﺗﻮﻧﺲ ﻣﻌﺎﻫﻮ ﻭﻋﺰﻣﻮ ﺟﺒﻨﺔ ﺳﻮﺩﺍﻧﻴﺔ (ﺍﻱ ﺟﺒﻨﺔ ﺳﻮﺩﺍﻧﻴﺔ )
ﻗﻠﺖ ﻟﻴﻚ ﺍﻟﺤﺘﺔ ﺩﻱ ﻣﻤﻜﻦ ﺗﻠﻘﻰ ﻓﻴﻬﺎ ﺣﺠﺎﺕ ﺍﻟﻔﻮﻝ ﻋﺎﺩﻱ ﺣﺎﻳﻤﺎﺕ ﺑﺎﻟﺘﺴﺎﻟﻲ
ﻭﺍﻟﻘﻠﻨﻘﻠﻴﺰ .. ﻭﺍﻟﺠﻴﻠﻲ ﺍﺗﺒﺴﻂ ﻭﻋﺮﻑ ﻟﻴﻬﻮ ﺩﺭﺏ ..
ﺍﻟﻤﻬﻢ ﻋﻤﻚ ﺩﻩ ﺍﺳﻤﻮ ﺣﺎﺝ ﻣﻬﺪﻱ ﺯﻭﻝ ﻃﻴﺐ ﻭﻛﺮﻳﻢ ﻛﺮﻡ ﻣﺒﺎﻟﻎ ﻓﻴﻬﻮ ..
ﻃﻮﺍﻟﻲ ﺍﻟﺠﻴﻠﻲ ﺳﺄﻟﻪ
ﺍﻧﺖ ﺳﺎﻛﻦ ﻭﻳﻦ ﻳﺎﻋﻢ ﻣﻬﺪﻱ ..ﻗﺎﻟﻴﻬﻮ ﺍﻧﺎ ﺳﺎﻛﻦ ﻓﻲ ﻣﻨﻄﻘﻪ ﺍﺳﻤﻬﺎ ﻛﻴﻠﻮ
8 ..
ﻫﻬﻬﻬﻪ ﺍﻟﺠﻴﻠﻲ ﺿﺤﻚ ﻗﺎﻝ ﻟﻴﻬﻮ ﻛﻴﻠﻮ ﺗﻤﺎﻧﻴﺔ ﺩﻩ ﻣﺶ ﻓﻲ ﺍﻟﺤﻠﻔﺎﻳﻪ؟ .
ﻗﺎﻝ ﻟﻴﻬﻮ ﻫﻨﺎ ﺑﺮﺿﻮ ﻓﻲ ﻛﻴﻠﻮ 8 .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻋﻢ ﻣﻬﺪﻱ ﺣﻘﻮ ﺟﺪﺓ
ﺟﺪﺓ ﺩﻱ ﻳﺮﻓﻌﻮﺍ ﻓﻮﻗﻬﺎ ﺻﻮﺭﺓ ﺍﻟﻨﻤﻴﺮﻱ ..ﻳﺎﺧﻲ ﺩﻱ ﺍﺳﺘﻮﻟﻴﺘﻮ ﻋﻠﻴﻬﺎ ﻛﻠﻮ
ﻛﻠﻮ ..
ﺍﻟﻤﻬﻢ ﻗﺎﻝ ﻟﻴﻬﻮ ﺍﻟﺴﺎﻛﻦ ﻣﻌﺎﻙ ﻣﻨﻮ؟ ﻗﺎﻝ ﻟﻴﻬﻮ ﺳﺎﻛﻨﻴﻦ ﻧﺤﻦ ﺗﻼﺗﺔ ﻋﺰﺍﺑﺔ
ﺍﻧﺎ ﻭﻣﻌﺎﻱ ﺍﺗﻨﻴﻦ ﺷﺒﺎﺏ ﻛﺪﺍ .. ﻗﺎﻝ ﻟﻴﻬﻮ ﻣﻤﻜﻦ ﺍﺟﻲ ﺍﺳﻜﻦ ﻣﻌﻜﻢ ﻭﺍﺷﺘﺮﻙ
ﻓﻲ ﺣﻖ ﺍﻻﺟﺎﺭ ﺑﻲ ﺣﻘﻲ ؟
ﻗﺎﻝ ﻟﻴﻬﻮ ﺃﻧﺎ ﻣﺎﻋﻨﺪﻱ ﻣﺎﻧﻊ ﺑﺲ ﺗﺪﻳﻨﻲ ﻓﺮﺻﺔ ﺍﺷﺎﻭﺭ ﺍﻟﺸﺒﺎﺏ ﻭﺑﻜﺮﺓ ﺑﺪﻳﻚ
ﺧﺒﺮ.
ﺍﻧﺖ ﺑﻜﺮﺓ ﺑﺘﺠﻲ ﺍﻟﺴﻮﻕ؟
ﻗﺎﻝ ﻟﻴﻬﻮ ﺍﻳﻮﺓ ﺑﺠﻲ ﻣﺨﺼﻮﺹ ..ﺍﻧﺎ ﺷﻐﺎﻝ ﻓﻲ ﻣﺼﻨﻊ ﻭﺳﺎﻛﻦ ﻟﻲ ﻣﻊ ﺟﻤﺎﻋﺔ
ﺭﻃﺎﻧﺔ ﻛﺪﻱ ..
ﻭﻣﺎﻧﻲ ﻗﺎﺩﺭ ﺍﻋﻴﺶ ﻣﻌﺎﻫﻢ .. ﻗﺎﻟﻴﻬﻮ ﻳﺎﺯﻭﻝ ﺍﻧﺖ ﺷﻜﻠﻚ ﻭﺩ ﺣﻼﻝ ..
ﻭﺍﻧﺖ ﻭﺍﻟﻠﻪ ﺍﺧﻴﺮ ﻟﻲ ﻣﻦ ﺍﻟﺠﻤﺎﻋﺔ ﺍﻟﺴﺎﻛﻨﻴﻦ ﻣﻌﺎﻱ ..
ﻻﻧﻪ ﺷﺎﻓﻮ ﻗﺎﻡ ﺍﺗﻮﺿﺎ ﻭﺻﻠﻰ .. ﻭﺍﻟﻈﺎﻫﺮ ﺍﻟﺸﺒﺎﺏ ﺍﻟﻤﻌﺎﻫﻮ ﻣﺎﺑﺼﻠﻮ ..
ﺍﻟﻤﻬﻢ ﻋﻤﻚ ﻣﻬﺪﻱ ﻣﺸﻰ ﻛﻠﻢ ﺍﻟﺸﺒﺎﺏ .. ﻭﻗﺎﻝ ﻟﻴﻬﻢ ﻓﻲ ﺯﻭﻝ ﺟﺎﻱ ﻳﺴﻜﻦ
ﻣﻌﺎﻧﺎ .. ﻭﺑﺸﺘﺮﻙ ﻣﻌﺎﻧﺎ ﺣﻖ ﺍﻻﻳﺠﺎﺭ ..
ﻗﺎﻟﻮ ﻟﻴﻬﻮ ﻣﺎﻓﻲ ﻣﺸﻜﻠﺔ .. ﻭﺑﻜﺮﺓ ﻃﻮﺍﻟﻲ ﺍﻟﺠﻴﻠﻲ ﺟﺎﺀ ﺍﻟﺴﻮﻕ ﺑﺴﺄﻝ ﻣﻦ
ﺍﻟﻤﻮﺿﻮﻉ ..ﻭﺣﺎﺝ ﻣﻬﺪﻱ ﺑﺸﺮﻭ ﺑﺎﻟﻤﻮﺿﻮﻉ ..
ﻭﻗﻌﺪﻭ ﺍﺗﻮﻧﺴﻮ ﻛﺘﻴﺮ .. ﻭﺍﻟﺠﻴﻠﻲ ﺣﻜﻰ ﻟﺤﺎﺝ ﻣﻬﺪﻱ ﻗﺼﺘﻮ .. ﻭﻗﺎﻝ ﻟﻴﻬﻮ
ﺍﻧﺎﻓﻲ
ﺗﺤﺪﻱ ﻣﻊ ﺍﻟﺰﻣﻦ ﻳﺎﻋﻢ ﻣﻬﺪﻱ ..
ﻭﺣﺎﺝ ﻣﻬﺪﻱ ﺍﺗﻌﺎﻃﻒ ﺟﺪﺍ ﻣﻊ ﺍﻟﺠﻴﻠﻲ ﻭﺣﺒﺎﻫﻮ .. ﻭﺣﻜﺎ ﻟﻠﺠﻴﻠﻲ ﻋﻦ ﺣﻴﺎﺗﻮ ..
ﻭﻗﺎﻝ ﻟﻴﻬﻮ ﺍﻧﺎ ﻋﻨﺪﻱ ﺧﻤﺲ ﺑﻨﺎﺕ ﻭﺻﻐﺎﺭ ﻟﺴﻪ .. ﻻﻧﻲ ﺍﺗﺰﻭﺟﺖ ﻣﺘﺄﺧﺮ ﻻﻧﻲ
ﻭﺍﻟﺤﻤﺪ ﻟﻠﻪ ﻣﻦ ﺍﻟﻔﻘﺮﺍﺀ ..
ﻭﻣﺎﻋﻨﺪﻱ ﺍﻱ ﻭﻟﺪ .. ﻭﺷﻐﺎﻝ ﺑﺮﺑﻲ ﻓﻲ ﺑﻨﺎﺗﻲ .. ﻣﺎﻋﻨﺪﻱ ﻣﻌﻴﻦ ﺍﻻ ﺭﺏ
ﺍﻟﻌﺎﻟﻤﻴﻦ .. ﻛﺎﻥ ﻳﻮﻡ ﺳﺎﻱ ﻣﺴﻜﺘﻨﻲ ﺣﻤﻰ . ﺑﻨﺎﺗﻲ ﻭﺯﻭﺟﺘﻲ ﺑﻴﺎﺧﺪﻥ ﺍﻟﺠﻮﻉ .
ﻟﻐﺎﻳﺔ ﻣﺎﺭﺑﻨﺎ ﻓﺘﺤﻬﺎ ﻟﻲ ﺑﺎﻟﺸﻐﻞ ﺩﻩ. ﺍﻟﺤﻤﺪ ﻟﻠﻪ ﺷﻬﺮﻳﺎ ﺑﺮﺳﻞ ﻟﻴﻬﻢ
ﺍﻟﻤﺼﺎﺭﻳﻒ ..ﻭﻣﺴﺘﻮﺭﻳﻦ ﻧﺤﻤﺪ ﺍﻟﻠﻪ .. ﺑﺲ ﻫﺴﻲ ﺍﻟﻤﺼﺎﺭﻳﻒ ﺯﺍﺩﺕ ﻻﻧﻮ
ﺯﻭﺟﺘﻲ ﻣﺮﻳﻀﺔ ..
ﻭﻣﻮﺍﺻﻠﺔ ﻋﻼﺝ ﻣﺪﻯ ﺍﻟﺤﻴﺎﺓ .. ﻭﺍﻟﻌﻼﺝ ﻏﺎﻟﻲ .. ﻭﺍﻟﻠﻪ ﻳﺎ ﺍﻟﺠﻴﻠﻲ ﻳﺎﻭﻟﺪﻱ
ﺑﻜﺎﺑﺲ ﻓﻲ ﻣﻜﺎﺑﺴﻪ..
ﻭﻛﺖ ﺍﺻﻞ ﺑﺎﻟﻠﻴﻞ ﺍﻟﺴﺮﻳﺮ ﺑﺤﺲ ﺑﺄﻧﻲ ﺩﺍﻳﺮ ﺍﻃﺮﺵ ﻣﻦ ﺍﻟﺘﻌﺐ ﻭﺍﻻﺭﻫﺎﻕ ..
ﻭﺍﺭﻳﺘﻮ ﺑﻲ ﻛﻠﻮ ﻳﺠﻴﺐ ( ﻣﺮﻳﺴﺔ ﺍﻝ ......... ) ﺩﻩ ﻣﺜﻞ ﻛﺪﺍ ﻣﺎﺗﺸﺘﻐﻠﻮ
ﺑﻴﻬﻮ .. ﻣﻌﻨﺎﻫﻮ ﻳﺎﺭﻳﺘﻮ ﻳﺠﻴﺐ ﻓﺎﻳﺪﺓ ..
ﺍﻟﺠﻴﻠﻲ ﻃﻮﺍﻟﻲ ﻭﺩﻉ ﻣﻬﺪﻱ ﻭﻛﺎﻥ ﻣﺒﺴﻮﻁ ﺑﺴﻂ ﻏﺮﻳﺐ .. ﻭﺣﺲ ﺍﻧﻮ ﻣﻊ ﺣﺎﺝ
ﻣﻬﺪﻱ ﺣﻴﺮﺗﺎﺡ ﻓﻲ ﺍﻟﺴﻜﻦ ﻭﻳﺸﺘﻐﻞ ﺑﻲ ﻣﺰﺍﺝ .. ﻭﺑﻜﺮﺓ ﻃﻮﺍﻟﻲ ﺍﺳﺘﺄﺫﻥ ﻣﻦ
ﺻﺎﺣﺐ ﺍﻟﻌﻤﻞ .. ﻭﺷﺎﻝ ﺷﻨﻄﺘﻮ ﻭﻣﺴﺘﻠﺰﻣﺎﺗﻮ ﻭﺑﻘﻰ ﻣﺎﺷﻲ ..
ﻭﻣﺸﻰ ﺍﻟﺴﻮﻕ ﺍﻧﺘﻈﺮ ﺣﺎﺝ ﻣﻬﺪﻱ ﻟﻐﺎﻳﺔ ﻣﺎﺧﻠﺺ ﺷﻐﻠﻪ .. ﻭﺭﻛﺐ ﻣﻌﺎﻫﻮ
ﻭﻣﺸﻮ ﻋﻠﻰ ﺍﻟﺴﻜﻦ ..
ﻟﻜﻦ ﺍﻟﺠﻴﻠﻲ ﺑﻌﺪ ﻭﺻﻞ ﺍﺗﻔﺎﺟﺄ ﺟﺪﺍ ﺑﺎﻟﻠﻘﺎﻫﻮ . ﻭﻧﺪﻡ ﻓﻲ ﺟﻴﺘﻮ ﻭﺳﻒ ﺍﻟﺘﺮﺍﺏ
موضوع: ضيــــــــــــــــــــــــــاع الدر7 
الأحد أبريل 27, 2014 9:06 am
