ضيــــــــــــــــــــــــــاع الدرح18

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 18 ....
ﺍﻟﺒﻨﺎﺕ ﺻﺤﻮ ﻣﻦ ﺍﻟﻨﻮﻡ .. ﻭﻓﺘﺤﻮ ﺍﻟﻐﺮﻓﺔ ﻭﻟﻘﻮ ﺑﺪﺭﻳﺔ ﻣﺎﻓﻴﺸﺔ .. ﻃﺒﻌﺎ ﻣﺮﺕ
ﺳﺎﻋﺔ ﻛﺎﻣﻠﺔ ﻭﻫﻦ ﻧﺎﻳﻤﺎﺕ .. ﻳﻼ ﻭﻗﻌﺪﻥ ﻳﺘﺼﺎﺭﺧﻦ .. ﻭﻛﻞ ﻭﺍﺣﺪﻱ ﺟﺮﺕ
ﻋﻠﻰ ﺟﻴﻬﺔ .. ﻭﻓﻲ ﺧﻤﺴﺔ ﺩﻗﺎﻳﻖ ﺍﻟﺤﻠﺔ ﻛﻠﻬﺎ ﺟﺎﻃﺖ.. ﻭﺍﻟﺒﻨﺎﺕ ﻳﺘﺠﺎﺭﻥ
ﺣﻔﺎﻳﺎﺕ ..ﻭﺍﻟﺒﻼﻗﻮﻫﺎ ﻛﻠﻬﺎ ﺗﻘﻮﻝ ( ﺍﻟﻌﺮﻭﺱ ﻣﺎﻓﻴﺸﺔ ) .. ﺍﻟﻌﺮﻭﺱ ﺭﺍﻳﺤﺔ ..
ﻓﻲ ﺗﻼﺗﺔ ﺷﺒﺎﺏ ﺑﺲ ﺟﺮﻭ ﻋﻠﻰ ﺍﻟﺒﺤﺮ .. ﻻﻧﻬﻢ ﺳﻤﻌﻮﺍ ﺑﺎﻧﻬﺎ ﻋﺎﻳﺰﺓ ﺗﻘﻊ
ﺍﻟﺒﺤﺮ ..
ﻭﺍﻣﻬﺎ ﺟﺎﺕ ﺟﺎﺭﻳﺔ .. ﻭﺗﺴﺄﻝ ﻣﻦ ﺇﺣﺴﺎﻥ .. ﺍﺣﺴﺎﻥ ﺩﻱ ﺧﺎﻟﺘﻬﺎ ﺍﻟﺤﺮﺳﻮﻫﺎ
ﻟﻴﻬﺎ .. ﺍﺣﺴﺎﻥ ﻭﻳﻨﻬﺎ .. ﺍﻧﺎ ﻣﺎﻗﻠﺖ ﻟﻴﻬﺎ ﺭﺍﻗﺒﻴﻬﺎ .. ﻭﻳﻨﺎ ﺍﻟﻤﺮﺍﻗﺒﺔ .. ﺷﻮﻓﻮ
ﻟﻲ ﺍﺣﺴﺎﻥ ﺩﻱ .. ﻭﺣﺎﺕ ﺍﻟﻠﻴﻠﺔ ﺍﻻ ﺍﻣﻌﻄﻬﺎ ﻭﺍﺯﻋﻄﻬﺎ .. ﻭﻣﺎ ﺇﺣﺴﺎﻥ
ﻭﺣﺪﻫﺎ؟؟ .. ﺍﻟﺤﺮﻳﻢ ﺍﻟﻜﺎﻧﻦ ﻣﻊ ﺍﻟﻌﺮﻭﺱ .. ﻛﻠﻬﻦ ﻻﻳﺼﺎﺕ ﻭﻣﺎﻓﻲ ﺯﻭﻝ
ﻻﻗﻴﻬﻦ .. ﺟﺎﺭﻳﺎﺕ ﺑﺎﻟﺸﻮﺍﺭﻉ ﺯﻱ ﺍﻟﻤﺠﺎﻧﻴﻦ .. ﻭﻳﻘﺼﻮ ﻓﻲ ﺍﻟﺪﺭﻭﺏ ﻭﺍﻻﺗﺎﺭ ..
ﻛﻠﻬﺎ ﺩﻗﺎﺋﻖ ﻭﺟﺎ ﻭﺍﺣﺪ ﻣﻦ ﺍﻟﺸﺒﺎﺏ ﺍﻟﻤﺸﻮ ﺍﻟﺒﺤﺮ .. ﻭﺍﻟﺨﻴﺒﺔ ﻭﺍﻟﺨﺴﺎﺭﺓ
ﻣﺮﺳﻮﻣﺔ ﻋﻠﻰ ﻭﺟﻬﻪ .. ﻭﻗﺎﻝ ﻟﻴﻬﻢ .. ﻳﺎﺟﻤﺎﻋﺔ ﺧﻼﺹ .. ﻣﺎﺗﻔﺘﺸﻮﺍ .. ﺑﺪﺭﻳﺔ
ﻏﺮﻗﺖ .. ﺍﻟﺒﻘﺎﺀ ﻟﻠﻪ ﻭﺣﺪﻩ ..
ﺍﻧﺤﻦ ﻟﻘﻴﻨﺎ ﺳﻔﺠﺘﻬﺎ ﺩﻱ ﻓﻮﻕ ﺍﻟﻘﻴﻔﺔ .. ﻭﻋﻠﻴﻬﺎ ﺍﺛﺮ ﺍﻟﺤﻨﺔ .. ﻭﺩﺭﺑﻬﺎ ﺩﺧﻠﺖ
ﻋﻠﻰ ﺍﻟﻤﻮﻳﺔ ..
ﺑﺲ ﺷﻮﻓﻮ ﻟﻴﻨﺎ ﻧﺎﺱ ﻳﻄﻠﻌﻮ ﺍﻟﺠﺜﺔ ﻣﻦ ﺍﻟﺒﺤﺮ ..
ﻭﺍﻣﻬﺎ ﻗﻌﺪﺕ ﺗﻜﻮﺭﻙ ﻛﻀﺐ .. ﻛﻀﺐ .. ﻣﻮﺻﺢ .. ﺑﺪﺭﻳﺔ ﺑﺘﻜﻮﻥ .. ﻓﻲ ..
ﻓﻲ .. ﺷﻮﻓﻮﻫﺎ ﻓﻲ ﺑﻴﺖ ﻧﺎﺱ ﺻﻔﻴﺔ ﺍﻣﺸﻮ ﺷﻮﻓﻮﻫﺎ .. ﺍﻟﻮﻟﺪ ﻗﺎﻝ ﻟﻴﻬﺎ
ﻳﺎﺣﺠﺔ ﺍﺳﺘﻬﺪﻱ ﺑﺎﻟﻠﻪ ﻭﺍﺳﺘﻐﻔﺮﻱ .. ﺍﻟﻤﻮﺕ ﺣﻖ ..
ﻭﺍﻟﺰﻋﻴﻢ ﺟﺎ ﻣﺎﺭﻕ ﺑﺴﺄﻝ ﺍﻟﺤﺎﺻﻞ ﺷﻨﻮ .. ﻗﺎﻟﻮ ﻟﻴﻬﻮ ﺑﺪﺭﻳﺔ ﻏﺮﻗﺖ ﻓﻲ
ﺍﻟﺒﺤﺮ .. ﺩﺧﻞ ﺟﻮﺓ ﻃﻮﺍﻟﻲ .. ﺳﺎﻕ ﺟﻤﺎﻋﺔ ﻣﻦ ﺍﻟﻨﺎﺱ .. ﻭﻣﺸﻮ ﻋﻠﻲ
ﺍﻟﺒﺤﺮ ..
ﻭﻗﺎﻝ ﻟﻬﻢ ﺍﻣﺸﻮ ﻧﺎﺩﻭ ﻟﻴﻨﺎ ﻓﻼﻥ ﻭﻓﻼﻥ .. ﺩﻳﻞ ﻏﻄﺎﺳﻴﻦ ﻭﺣﻮﺍﺗﺔ ﻭﻧﺎﺱ
ﺑﺤﺮ ..
ﻭﻛﻞ ﺍﻟﻨﺎﺱ ﻣﺸﻮ ﻋﻠﻰ ﺍﻟﺒﺤﺮ .. ﺣﺘﻰ ﺍﻫﻞ ﺍﻟﻌﺮﻳﺲ .. ﻭﺍﺑﻮﻫﻮ ..
ﻣﺬﻫﻮﻟﻴﻦ .. ﻭﻣﺎﻋﺎﺭﻓﻴﻦ ﺍﻧﻮ ﺍﻟﻌﺮﻭﺱ ﺭﺍﻓﻀﺔ ﻭﻟﺪﻫﻢ ..
ﻟﻤﻦ ﻭﺻﻠﻮ ﺍﻟﺒﺤﺮ . ﺍﺑﻮ ﺍﻟﻌﺮﻳﺲ ﺳﺄﻝ ﺍﻟﺰﻋﻴﻢ ﻗﺎﻝ ﻟﻴﻬﻮ ﻳﺎﺣﺎﺝ ﻫﻲ ﺑﺪﺭﻳﺔ
ﺗﻨﺘﺤﺮ ﻳﻮﻡ ﺯﻭﺍﺟﻬﺎ ﻟﻴﻪ ؟ ﺍﻟﻤﻮﺿﻮﻉ ﺩﻩ ﻋﻨﺪﻭ ﺗﻔﺴﻴﺮ ﻭﺍﺣﺪ ﻳﺎﺣﺎﺝ ﻣﻊ ﺍﺣﺘﺮﺍﻣﻲ
ﻟﻴﻚ . ﻣﻌﻨﺎﻫﺎ ﺍﻟﺒﺖ ﺩﻱ ﻣﺎﺷﺮﻳﻔﺔ .. ﻭﺑﺘﻜﻮﻥ ﻋﺎﻣﻠﺔ ﻓﻲ ﺭﻭﺣﻬﺎ ﻋﻤﻠﺔ ﻭﺍﻧﺖ
ﻋﺎﻳﺰﻳﻦ ﺗﻜﻠﻔﺘﻮﻧﺎ ﺑﻴﻬﺎ ..
ﺍﻟﺰﻋﻴﻢ ﻗﺎﻝ ﻟﻴﻬﻮ ﻋﻠﻲ ﺍﻟﻄﻼﻕ ﻟﻮ ﻣﺎﺑﻘﻴﺖ ﺿﻴﻔﻲ .. ﺍﻧﺎ ﻛﺎﻥ ﻗﺪﻳﺖ ﻟﻚ ﻛﺮﺷﻚ
ﺩﻱ ﺑﺴﻜﻴﻨﻲ ﺍﻟﻔﺮ ﺿﺮﺍﻋﻲ ﺩﻱ .. ﻳﺎ ﺭﺍﺟﻞ ﻳﺎﺧﺎﻳﺐ ..
ﻭﺍﻟﻜﻼﻡ ﺩﻩ ﻛﺎﻥ ﺑﻴﻨﻬﻢ ﺍﻻﺗﻨﻴﻦ .. ﻳﻌﻨﻲ ﻣﺎﻓﻲ ﺯﻭﻝ ﺳﻤﻌﻬﻢ .. ﺍﻟﻨﺎﺱ ﻛﻠﻬﺎ
ﻣﺸﻐﻮﻟﻴﻦ ﺑﻔﺘﺸﻮ ﻟﻠﺠﺜﺔ ..
ﻋﻠﻰ ﻃﻮﻝ ﺍﻟﺮﺍﺟﻞ ﺍﻟﺨﺎﻳﺐ ﻣﺸﻰ ﻟﺠﻤﺎﻋﺘﻮ .. ﻭﻗﺎﻝ ﻟﻲ ﻣﻌﺘﺼﻢ .. ﺍﻫﺎ ﻳﺎﻭﻟﺪﻱ
ﺭﺍﻳﻚ ﺷﻨﻮ؟ ﻧﻘﻌﺪ ﻧﻜﻤﻞ ﺍﻟﻔﺘﺎﺷﺔ ﻣﻌﺎﻫﻢ ؟ ﻣﻌﺘﺼﻢ ﻗﺎﻝ ﻟﻴﻬﻮ .. ﺍﺑﺪﺍ " ﻳﺎ
ﺑﻮﻱ
ﻧﺤﻦ ﻭﺭﺍﻧﺎ ﻣﺸﺎﻏﻞ . .. ﻭﺍﻟﺠﻨﺎﺯﺓ ﺍﺣﺘﻤﺎﻝ ﺗﻼﺗﺔ ﻳﻮﻡ ﻣﺎﺗﺘﻠﻘﻲ .. ﻧﺤﻦ ﻧﺴـﺎﺫﻥ
ﻣﻨﻬﻢ ﻭﻧﻤﺸﻲ ﻃﻮﺍﻟﻲ ..
ﺍﻟﺮﺍﺟﻞ ﺍﻟﺨﺎﻳﺐ ﻗﺎﻝ ﻟﻲ ﺍﻟﺠﻤﺎﻋﺔ ﻳﻼ ﻳﺎﺟﻤﺎﻋﺔ ﺭﺑﻨﺎ ﻳﺠﻤﻊ .. ﻭﺍﻟﺒﺮﻛﺔ ﻓﻴﻜﻢ
ﻧﺤﻦ ﻣﺎﺷﻴﻦ .. ﻓﻲ ﻭﺍﺣﺪ ﻣﻦ ﻧﺎﺱ ﺍﻟﺤﻠﺔ .. ﻣﻦ ﺍﻟﻨﺎﺱ ﺍﻟﻤﻨﻐﻮﻟﻴﻴﻦ ﺍﻟﺒﺘﻜﻠﻤﻮ
ﺑﻲ ﺑﺮﺍﺀﺓ ﺩﻳﻚ .. ﻗﺎﻝ ﻟﻴﻬﻮ ﻳﺎﺣﺎﺝ ﺍﻧﺖ ﺍﺑﻮ ﺍﻟﻌﺮﻳﺲ ..ﻭﺩﺍﻳﺮ ﺗﻤﺸﻲ ﻗﺒﻞ
ﺍﻟﻌﺮﻭﺱ ﺗﺘﻠﻘﻲ ؟ ﺍﻧﺎ ﻟﻮ ﺑﻘﻴﺖ ﺑﺪﺭﻳﺔ ﻣﺎﺑﻌﺮﺱ ﻭﻟﺪﻙ .. ﺑﻘﻊ ﺍﻟﺒﺤﺮ ..
ﻭﺍﻟﺰﻋﻴﻢ ﻳﻌﺎﻳﻦ ﻟﻴﻬﻢ .. ﻭﻗﺎﻝ ﺑﺼﻮﺕ ﻋﺎﻟﻲ .. ﺍﻟﺤﻤﺪ ﻟﻠﻪ ﺍﻝ ﺑﺪﺭﻳﺔ ﻭﻗﻌﺖ
ﺍﻟﺒﺤﺮ ﻭﻣﺎﺩﺧﻠﺖ ﻋﻠﻴﻜﻢ .. ﻋﻠﻰ ﺍﻟﺤﺮﺍﻡ .. ﺍﻧﺘﻮ ﻣﺎﻛﻦ ﺭﺟﺎﻝ ﻧﺴﺐ .. ﻭﺭﻛﺒﻮ
ﻋﺮﺑﺎﺗﻬﻢ ﻭﻓﺎﺗﻮ ..
ﻭﻣﺎﺯﺍﻝ ﺍﻟﺒﺤﺚ ﺟﺎﺭﻳﺎ " .. ﻣﻦ ﺍﻟﺴﺎﻋﺔ 2 ﺿﻬﺮﺍ " ﻟﻌﺎﻳﺔ ﺍﻟﻤﻐﺮﺏ .. ﻗﺒﻞ
ﺍﻟﻤﻐﺮﺏ ﺑﺸﻮﻳﺔ .. ﺍﻟﺠﻤﺎﻋﺔ ﻃﻠﻌﻮﺍ ﻗﻄﻌﺔ ﻗﻤﺎﺵ ﻭﺍﻟﻨﺎﺱ ﻗﺎﻟﻮ ﺩﻱ ﻃﺮﺣﺘﻬﺎ
ﺍﻟﻜﺎﻧﺖ ﻻﺑﺴﺎﻫﺎ .. ﻭﺩﻭ ﺍﻟﻘﻄﻌﺔ ﻻﻣﻬﺎ ﻭﻗﺎﻟﺖ ﻓﻌﻼ ﺩﻱ ﻃﺮﺣﺔ ﺑﺪﺭﻳﺔ ..
ﻭﻛﺪﺍ ﺍﻱ ﺍﻣﻞ ﻋﻨﺪ ﺍﻣﻬﺎ ﺍﻧﻮ ﺑﺘﻬﺎ ﻣﺎﻏﺮﻗﺖ ﺍﺗﻼﺷﻰ .. ﻭﺍﺗﺄﻛﺪﺕ ﻣﻦ ﻭﻓﺎﺓ
ﺑﺘﻬﺎ .. ﻭﺑﻜﺖ ﺗﺒﻜﻲ ﺑﻤﺮﺍﺭﺓ .. ﻭﺗﻘﻮﻝ ﺍﻟﻠﻪ ﻳﻨﺘﻘﻢ ﻣﻨﻚ ﻳﺎ ﺍﺣﺴﺎﻥ .. ﻭﺍﺣﺴﺎﻥ
ﻣﺎﺟﺎﺗﻬﺎ ﻣﻼﻗﺘﻬﺎ ﻧﻬﺎﺋﻲ .. ﻗﺎﻟﺖ ﺍﻣﺸﻮ .. ﻓﺘﺸﻮ ﻟﻲ ﺃﺣﺴﺎﻥ ﺟﻴﺒﻮﻫﺎ ﻟﻲ ﻣﻦ
ﺳﺎﺑﻊ ﺍﺭﺽ .. ﻣﺸﻮ ﻟﻘﻮ ﺍﺣﺴﺎﻥ ﻣﺘﺪﺳﻴﺔ ﺗﺒﻜﻲ ﻭﺗﺮﺟﻒ ﻓﻲ ﺍﻟﺒﻴﺖ ﺍﻟﻜﺎﻧﺖ
ﻓﻴﻬﻮ ﺍﻟﻌﺮﻭﺱ .. ﻭﺷﻜﻠﻬﺎ ﻛﺪﺍ ﻣﺨﻬﺎ ﻣﺎﻣﺰﺑﻮﻁ ..ﻻﻧﻬﺎ ﺑﺘﺒﻜﻲ ﻭﺗﺴﻜﺖ ..
ﻭﺗﺴﺮﺡ .. ﻭﺗﺎﻧﻲ ﺗﺼﺮﺥ ..
ﻭﻛﺎﻥ ﻳﻮﻡ ﻣﻦ ﺃﺳﻮﺀ ﺍﻻﻳﺎﻡ ﺍﻟﻤﺮﺕ ﻋﻠﻰ ﺍﻟﻘﺮﻳﺔ .. ﺍﻱ ﺯﻭﻝ ﻳﺒﻜﻲ ﺑﻲ ﺟﻴﻬﺔ
ﺑﺮﺍﻫﻮ .. ﻭﻣﺎﻓﻲ ﺯﻭﻝ ﻻﻳﻢ ﺍﻟﺰﻋﻴﻢ ..
ﻻﻧﻮ ﺷﺎﻭﺭ ﻧﺎﺱ ﺍﻟﺤﻠﺔ ﻓﻲ ﺍﻱ ﺗﺼﺮﻑ ﻛﺎﻥ ﻋﺎﻳﺰ ﻳﺘﺼﺮﻓﻮﺍ .. ﺣﺘﻰ ﺯﻭﺟﺘﻮ
ﻣﺎﻻﻳﻤﺎﻫﻮ .. ﺍﻟﻨﺎﺱ ﻛﻠﻬﻢ ﻻﻳﻤﻴﻦ ﺍﻟﺠﻴﻠﻲ ﻻﻧﻪ ﺧﺬﻟﻬﻢ .. ﻭﻣﺸﻰ ﺍﺷﺘﻐﻞ ﻓﻲ
ﺍﻟﻤﺨﺪﺭﺍﺕ ﻋﻠﻰ ﺣﺴﺐ ﺍﻻﺧﺒﺎﺭ ( ﺍﻟﻐﻴﺮ ﺻﺤﻴﺤﺔ ﺑﺎﻟﻄﺒﻊ ) ..
ﺍﻟﻐﺮﻳﺐ ﻓﻲ ﺍﻻﻣﺮ ﺍﻧﻮ ﺍﻟﺰﻋﻴﻢ ﻣﺎﺭﻣﻰ ﻭﻻﺩﻣﻌﺔ ﻋﻠﻰ ﺑﻴﺘﻮ ﻛﺎﻥ ﺑﺘﻌﺎﻣﻞ
ﻋﺎﺩﻱ ..
ﻣﻊ ﺍﻧﻮ ﺍﻟﻨﺎﺱ ﻛﻠﻬﺎ ﻣﺘﺄﺛﺮﺓ .. ﺭﺍﺟﻞ ﻗﻠﺒﻮ ﻗﺎﺳﻲ ..
ﻟﻤﻦ ﺟﺎ ﺍﻟﻤﻐﺮﺏ ﻭﺍﻟﻮﺍﻃﺎ ﺿﻠﻠﻤﺖ ..ﺍﻟﺰﻋﻴﻢ ﻗﺎﻝ ﻟﻠﻨﺎﺱ ﻋﻠﻰ ﺍﻟﻄﻼﻕ .. ﺍﻱ
ﺯﻭﻝ ﻳﻤﺸﻲ ﻋﻠﻰ ﺍﻫﻠﻮ .. ﻭﺻﺒﺎﺣﺎﺕ ﺍﻟﻠﻪ ﺑﻴﻀﺎ .. ﻣﺎﻓﻲ ﺯﻭﻝ ﻳﻔﺘﺶ ﺑﺎﻟﻠﻴﻞ
ﺩﺍ . ﺍﻟﺒﺤﺮ ﻛﻠﻪ ( ﺑﺮﺩ ) .. ( ﺍﻟﺒﺮﺩﻩ ﻧﻮﻉ ﻣﻦ ﺍﻟﺴﻤﻚ ﻓﻴﻬﺎ ﺗﻴﺎﺭ ﻛﻬﺮﺑﻲ ﻋﺎﻟﻲ
ﻭﻫﻲ ﺳﺒﺐ ﻏﺮﻕ ﻛﺘﻴﺮ ﻣﻦ ﺍﻟﺴﺒﺎﺣﻴﻦ ﺍﻟﻤﻬﺮﺓ ) .. ﺍﻟﺰﻋﻴﻢ ﻗﺎﻝ ﺍﻧﺎ ﻣﺎ ﻣﺴﺘﻌﺪ
ﺍﻓﻘﺪ ﻟﻲ ﺯﻭﻝ ﺗﺎﻧﻲ ..
ﺍﻣﺮﻗﻮ ﻻﺑﺮﺓ ﺍﻣﺸﻮ ﻋﻠﻰ ﺑﻴﻮﺗﻜﻢ ﻧﺠﻲ ﺍﻟﺼﺒﺎﺡ .. ﻭﺍﻟﻨﺎﺱ ﺩﻱ ﺍﻟﻠﻴﻞ ﻛﻠﻮ
ﻳﺒﻜﻮ ..
ﻭﺑﻴﺖ ﺍﻟﻔﺮﺡ ﺍﺗﺤﻮﻝ ﻟﻲ ﻓﺮﺍﺵ ﺑﻜﺎ .. ﻭﺑﻜﺎ ﺣﺎﺭ ﻛﻤﺎﻥ ﻣﻮ ﺑﻜﺎ ﻫﻴﻦ .
ﺧﻠﻮﻧﺎ ﻧﻤﺸﻲ ﻣﻦ ﺟﻮ ﺍﻻﺣﺰﺍﻥ ﺩﻩ ﻋﻠﻰ ﺧﺒﺮ ﺍﻟﺠﻮﺍﺏ .. ﺍﻟﺠﻮﺍﺏ ﻭﺻﻞ
ﺍﻟﺴﻌﻮﺩﻳﺔ ..
ﻭﻭﺻﻞ ﻟﻨﺎﺻﺮ ﻭﻓﺘﺤﻮ ﻗﺮﺍﻫﻮ ﻭﻟﻘﺎ ﻓﻴﻬﻮ ﺍﻧﻮ .. ﺣﺎﻣﺪ ﻛﺎﺗﺐ :
ﻭﺻﻞ ﺇﻟﻴﻨﺎ ﺧﻄﺎﺏ ﻣﻦ ﻃﺮﻑ ﻧﺎﺻﺮ ﻭﻓﻴﻪ ﺍﻥ ﺍﻟﺠﻴﻠﻲ ﻣﺴﺠﻮﻥ ﻓﻲ ﻗﻀﻴﺔ
ﻣﺨﺪﺭﺍﺕ ..
ﻭﺍﻟﺨﺒﺮ ﻋﻤﻞ ﺑﻠﺒﻠﺔ ﻓﻲ ﺍﻟﺒﻠﺪ ﻭﻓﻀﻴﺤﺔ ﻛﺒﻴﺮﺓ ﻭﺣﺎﺝ ﺍﺣﻤﺪ ﻓﺴﺦ ﺧﻄﻮﺑﺔ
ﺍﻟﺠﻴﻠﻲ ...
ﻭﺍﻟﺒﻠﺪ ﻛﻠﻬﺎ ﺑﺘﻠﻌﻦ ﻓﻲ ﺍﻟﺠﻴﻠﻲ .. ﺍﻟﺮﺟﺎﺀ ﺍﻥ ﺗﻮﺍﻓﻮﻧﺎ ﺑﺎﻻﺧﺒﺎ ﺭﺑﺎﻟﺘﻔﺼﻴﻞ ..
ﻃﺒﻌﺎ ﺍﻟﺠﻮﺍﺏ ﺍﺗﻜﺘﺐ ﻗﺒﻞ ﺧﺒﺮ ﺍﻟﻮﻓﺎﺓ .. ﻳﻌﻨﻲ ﻣﺎﻓﻴﻬﻮ ﺍﻱ ﺧﺒﺮ ﻋﻦ ﻭﻓﺎﺓ
ﺑﺪﺭﻳﺔ ..
ﺍﻫﺎ ﻧﺎﺻﺮ ﻟﻤﻦ ﻗﺮﺍ ﺟﻮﺍﺏ ﺣﺎﻣﺪ .. ﺧﺎﻑ ﺟﺪﺍ " ﻣﻦ ﺍﻧﻮ ﺍﻟﺠﻴﻠﻲ ﻳﻌﺮﻑ ﺍﻧﻮ
ﺟﻮﺍﺏ ﻧﺎﺻﺮ ﻛﺎﻥ ﺍﻟﺴﺒﺐ .. ﻭﺍﺭﺗﺒﻚ ﺍﺭﺗﺒﺎﻙ ﺷﺪﻳﺪ .. ﻓﻲ ﺍﻟﻨﻬﺎﻳﺔ ﻗﺮﺭ ﺍﻧﻮ
ﻳﺤﻜﻲ ﻟﺤﺎﺝ ﻣﻬﺪﻱ ..
ﻭﻳﻜﺘﻤﻮ ﺍﻟﺨﺒﺮ ﻋﻠﻰ ﺍﻟﺠﻴﻠﻲ .. ﻭﻣﻬﺪﻱ ﻭﻧﺎﺻﺮ ﻣﺸﻮ ﻟﻤﺴﻌﺪ ﻭﺣﻜﻮ ﻟﻴﻬﻮ ﻓﻲ
ﺳﺮﻳﺔ ﺗﺎﻣﺔ ..
ﻭﻗﺎﻟﻮ ﻟﻴﻬﻮ ﻧﺤﻦ ﻋﺎﻳﺰﻳﻦ ﻧﻌﺎﻟﺞ ﺍﻟﻘﻀﻴﺔ ﺩﻱ ﺑﺪﻭﻥ ﺍﻟﺠﻴﻠﻲ ﻣﺎﻳﻌﺮﻑ ..
ﻭﻣﺎﻛﺎﻧﻮ ﻋﺎﺭﻓﻴﻦ ﺍﻧﻮ ﺍﻟﻠﻴﻠﺔ ﺑﺪﺭﻳﻪ ﻓﻲ ﺧﺒﺮ ﻛﺎﻥ ..
ﻟﻮ ﻋﺮﻓﻮ ﺍﻟﺤﺎﺻﻞ ﺩﻩ ﻛﺎﻧﻮ ﻏﻴﺮﻭ ﺭﺍﻳﻬﻢ ﻣﻦ ﺍﻟﻔﻜﺮﺓ ﻣﻦ ﺃﺳﺎﺳﺎ..
ﺍﻟﻤﻬﻢ ﻗﻌﺪﻭ ﻭﺍﺗﺸﺎﻭﺭﻭ ﻛﺘﻴﺮ ﺟﺪﺍ .. ﻭﻋﻤﻠﻮ ﺧﻄﺔ ﻣﺤﻜﻤﺔ ﻭﻟﻜﻨﻬﺎ ﻣﺨﻄﻄﺔ ﻋﻠﻲ
ﻏﻴﺮ ﻫﺪﻯ ﻻﻧﻬﻢ ﻣﺎﻋﺎﺭﻓﻴﻦ ﺍﻟﻤﺴﺘﺠﺪﺍﺕ ..
ﺍﻟﻤﻬﻢ .. ﺍﻟﻰ ﺍﻟﻠﻘﺎﺀ