ضيــــــــــــــــــــــــــاع الدرح17

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 17..
ﻃﺒﻌﺎ " ﺯﻱ ﻣﺎ ﻛﻠﻨﺎ ﻣﺎﻋﺎﺭﻓﻴﻦ .. ﺍﻟﺒﺪﻭﺭ ﻛﺎﻧﺖ ﺣﺎﻟﻔﻪ ﻭﻣﺘﺠﺰﻣﺔ .. ﻣﺎﻓﻲ
ﺯﻭﻝ
ﺑﻤﺴﻚ ﻳﺪﻫﺎ ﻏﻴﺮ ﺍﻟﺠﻴﻠﻲ .. ﻻﻣﻌﺘﺼﻢ ﻭﻻﻏﻴﺮﻭ .. ﺍﻫﺎ ﻟﻤﻦ ﺧﺎﻟﻬﺎ ﺣﻜﺎ ﻟﻴﻬﺎ
ﺍﻟﺤﺼﻞ .. ﻗﺎﻟﺖ ﻟﻴﻬﻮ ﺍﺳﻤﻌﻨﻲ .. ﺍﻧﺎ ﺍﻗﺴﻢ ﺑﺠﻼﻝ ﺍﻟﻠﻪ .. ﻭﺑﺤﻠﻒ ﺑﺎﻟﻐﻴﺐ
ﺗﺮﺍﻧﻲ ﻣﺎﻧﻲ ﺣﺎﺿﺮﺓ .. ﺍﻻ ﺍﻟﻜﻼﻡ ﺩﻩ ﻣﻮﺻﺢ .. ﺍﺻﻠﻮ ﺍﻟﺠﻴﻠﻲ ﻣﺎﻣﻤﻜﻦ ﻳﺘﺎﺟﺮ
ﻓﻲ ﺍﻟﺤﺮﺍﻡ .. ﻭﺍﻧﺎ ﻭﺍﻟﻠﻪ ﻣﺎﺑﻘﺒﻞ ﺑﺎﻟﺰﻭﺍﺝ ﺩﻩ .. ﻣﺎﻟﻢ ﺍﺗﺄﻛﺪ ﻣﻦ ﺍﻟﺠﻴﻠﻲ ﺫﺍﺕ
ﻧﻔﺴﻮ .. ﻭﻫﻮ ﺑﺮﺍﻫﻮ ﻳﻘﻮﻝ ﻟﻲ .. ﺍﺍﺫﺍ ﻫﻮ ﻓﻌﻼ " ﺑﺸﺘﻐﻞ ﻓﻲ ﺍﻟﺸﻐﻠﺔ ﺩﻱ
ﻭﻻ ﻻ ..
ﻭﻟﻮ ﺳﻤﺤﺖ ﻳﺎﺧﺎﻟﻲ .. ﻧﺎﺩﻱ ﻟﻲ ﺍﺑﻮﻱ ﻫﺴﻊ .. ﻗﺎﻝ ﻟﻴﻬﺎ ﺍﺑﻮﻙ ﺗﺎﻧﻲ
ﻣﺎﺑﺘﺮﺍﺟﻊ .. ﻻﻧﻮ ﻛﻠﻢ ﺍﻟﻮﻟﺪ ﻳﺠﻴﺐ ﺍﻫﻠﻮ .. ﻭﺍﻟﻮﻟﺪ ﺳﺎﻓﺮ .. ﻗﺎﻟﺖ ﻟﻴﻬﻮ ﺑﺲ
ﺍﻧﺖ ﻧﺎﺩﻳﻬﻮ ﻟﻲ ﻟﻮ ﻣﺎﻓﻴﻬﺎ ﺗﻌﺐ ﻟﻴﻚ .. ﻗﺎﻝ ﻟﻴﻬﺎ ﻻﺗﻌﺐ ﻭﻻﺣﺎﺟﺔ .. ﻫﺴﻲ
ﺑﻤﺸﻲ ﺍﻧﺎ ﺩﻳﻬﻮ ﻣﺸﻲ .. ﻛﻠﻤﻮ ﺑﺮﺍﺣﺔ ﻗﺎﻝ ﻟﻴﻬﻮ ﺑﺪﺭﻳﻪ ﺩﺍﻳﺮﺍﻙ ..
ﺍﻟﺤﺎﺝ ﻃﻮﺍﻟﻲ ﻟﻔﺢ ﺷﺎﻟﻮ .. ﻭﺟﺎ ﺩﺍﺧﻞ ﻋﻠﻰ ﺑﺘﻮ .. ﻗﺎﻝ ﻟﻴﻬﺎ ﻧﻌﻢ .. ﻓﻲ
ﺷﻨﻮ؟
ﻗﺎﻟﺖ ﻟﻴﻬﻮ .. ﻳﺎﺑﺎ ﺍﻧﺎ ﻣﻦ ﺍﻟﻠﻪ ﺧﻠﻘﻨﻲ .. ﻣﺎﻋﺼﻴﺖ ﻟﻴﻚ ﻛﻠﻤﺔ .. ﻭﻻ ﻛﺴﺮﺕ
ﻟﻴﻚ ﺍﻣﺮ ..
ﺍﺑﻮﻱ ﺍﻟﻜﻼﻡ ﺍﻟﻘﺎﻟﻮﻫﻮ ﻋﻦ ﺍﻟﺠﻴﻠﻲ ﺩﻩ ﻣﻮﺻﺎﺡ .. ﺍﻧﺘﻈﺮ ﻟﻤﻦ ﺗﺴﻤﻊ ﻣﻦ
ﺍﻟﺠﻴﻠﻲ ..
ﻗﺎﻝ ﻟﻴﻬﺎ ﺍﺳﻤﻊ ﻣﻨﻮ ﻭﻳﻦ .. ﺍﻧﺎ ﻣﺎ ﻧﻌﺎﺭﻑ ﻟﻴﻬﻮ ﻋﻨﻮﺍﻥ ﻭﻻﺗﻠﻔﻮﻥ ..
ﻗﺎﻟﺖ ﻟﻴﻬﻮ ﻃﻴﺐ ﺍﺻﺒﺮ ﻟﻤﻦ ﺗﺘﻢ ﺍﻟﻔﺘﺮﺓ ﺍﻻﺩﻳﺘﻬﺎ ﻟﻴﻬﻮ ..
ﻗﺎﻝ ﻟﻴﻬﺎ ﺍﻟﻤﻮﺿﻮﻉ ﺩﻩ ﺍﻧﺘﻬﻰ .. ﻭﺍﻧﺎ ﺍﺩﻳﺖ ﺍﻟﻨﺎﺱ ﻛﻠﻤﺔ .. ﻗﺎﻟﺖ ﻟﻴﻬﻮ ﻳﺎﺑﺎ
ﺍﻧﺖ ﻏﻠﻄﺎﻥ ..
ﻛﻴﻒ ﺗﺪﻱ ﺍﻟﻨﺎﺱ ﻛﻠﻤﺔ ﺑﺪﻭﻥ ﻣﺎﺗﺎﺧﺪ ﺭﺍﻱ ﺍﻧﺎ ..؟
ﻗﺎﻝ ﻟﻴﻬﺎ ﻣﺎﻋﻨﺪﻙ ﺭﺍﻱ ﻋﻨﺪﻱ .. ﻣﺶ ﻗﻠﺘﻲ ﻻﻣﻚ ﺩﺍﻳﺮﺓ ﺗﻨﺘﺤﺮﻱ .. ﺍﺷﺮﺑﻲ
ﺻﺒﻐﺔ ﺍﺷﻨﻘﻲ ﺭﻭﺣﻚ .. ﺍﻗﻌﻲ ﺍﻟﺒﺤﺮ .. ﺍﻟﻔﻲ ﺭﺍﺳﻚ ﺳﻮﻳﻬﻮ ﺍﻧﺎ ﻣﺎﺑﺘﺮﺍﺟﻊ ..
ﻗﺎﻟﺖ ﻟﻴﻬﻮ ﻳﺎﺑﺎ .. ﺍﻧﺖ ﻟﻮ ﻋﻨﻴﺪ .. ﺍﻧﺎ ﺑﺘﻚ .. ﻭﺩﻣﻚ ﺟﺎﺭﻱ ﻓﻲ ﻋﺮﻭﻗﻲ ..
ﺍﻧﺎ ﻣﺎﻧﻲ ﺩﺍﻳﺮﺍﻙ ﺑﻌﺪﻳﻦ ﺗﻨﺪﻡ ..
ﻗﺎﻝ ﻟﻴﻬﺎ ﻳﺎﺑﺖ ﺍﻧﺘﻲ ﻫﺒﻠﺔ .. ﺍﻧﺘﻲ ﻟﻮ ﺗﺎﻧﻲ ﻓﺘﺤﺘﻲ ﺧﺸﻤﻚ .. ﺑﻜﺘﻠﻚ ﺍﻧﺎ ﻣﺎ
ﺑﻨﺘﻈﺮﻙ ﺗﻜﺘﻠﻲ ﺭﻭﺣﻚ ﻓﺎﻫﻤﺔ؟ .. ﻗﻮﻣﻲ ﺷﻮﻓﻲ ﺍﻭﺿﺎﻋﻚ ﻣﺎ ﺍﻟﺼﻖ ﻟﻚ
ﻛﻒ ..
ﻗﺎﻟﺖ ﻟﻴﻬﻮ ﻛﻮﻳﺲ ﻳﺎﺑﻮﻱ .. ﻣﺎﻓﻲ ﻣﺸﻜﻠﺔ ﺍﻋﻤﻞ ﺍﻟﻌﺎﻳﺰﻭ ..ﻭﺍﻧﺎ ﺑﻌﻤﻞ ﺍﻟﻔﻲ
ﺭﺍﺳﻲ ..
ﺑﺲ ﺍﻧﺎ ﺑﻘﻮﻝ ﻟﻚ ﻗﺪﺍﻡ ﺍﻣﻲ ﻭﺧﺎﻟﻲ ﻭﺧﺎﻟﺘﻲ .. ﻛﻠﻬﻢ ﻳﺎﻫﻮﺩﻳﻞ ﺣﺎﺿﺮﻳﻦ ﺍﻧﺎ
ﻣﺎ ﺑﺘﺰﻭﺝ ﺍﻟﺰﻭﻝ ﺩﻩ ﻧﻬﺎﺋﻲ .. ﻭﻟﻮ ﻣﺎﺕ ﻣﺎﺑﻤﺴﻚ ﻳﺪﻱ ..
ﺍﻻ ﺑﺸﺮﻁ ﻭﺍﺣﺪ .. ﺍﺳﻤﻊ ﻣﻦ ﺍﻟﺠﻴﻠﻲ ﺍﻋﺘﺮﺍﻑ .. ﺍﻧﻮ ﻓﻌﻼ ﺑﺸﺘﻐﻞ ﺗﺠﺎﺭﺓ
ﻣﺨﺪﺭﺍﺕ ..
ﻗﺎﻝ ﻟﻴﻬﺎ ﻳﺎﺑﺖ ﺍﺗﻠﻤﻲ ﻭﻟﻤﻲ ﻋﻠﻴﻚ ﺧﺸﻤﻚ .. ﻭﻃﻠﻊ ﻃﻮﺍﻟﻲ ..
ﻭﺑﺪﺍ ﻃﻮﺍﻟﻲ ﻓﻲ ﺍﻟﺘﺠﻬﻴﺰﺍﺕ .. ﻭ ﻋﻤﻞ ﺑﻮﻣﺎﺳﺘﻚ ﺟﺪﻳﺪ ﻟﻠﺪﻳﻮﺍﻥ .. ﻭﺿﺮﺏ
ﺍﻻﺑﻮﺍﺏ ﺑﻮﻫﻴﺔ ..
ﻭﺍﻟﺴﺮﺍﻳﺮ ﺍﻟﻤﺎﺷﺎﺩﺓ ﺣﻴﻼ .. ﻛﻠﻬﺎ ﻋﻤﻞ ﻟﻴﻬﺎ ﺻﻴﺎﻧﺔ ﻭﺍﻋﺎﺩﺓ ﺗﺠﻠﻴﺪ
ﻭﺍﻟﻠﺤﺎﻓﺎﺕ .. ﻭﺍﺷﺘﺮﻭﺍ ﺍﻟﻤﻼﻳﺎﺕ ..
ﺍﻟﻤﻬﻢ ﺍﻟﺘﺠﻬﻴﺰﺍﺕ ﺍﻻﻭﻟﻴﺔ ﻟﺘﻬﻴﺌﺔ ﻣﻜﺎﻥ ﺍﻟﺪﻋﻮﺓ ﻭﺍﻟﻌﺮﺱ .. ﻛﻠﻬﺎ ﻗﺎﻡ ﺑﻴﻬﺎ ﻓﻲ
72 ﺳﺎﻋﺔ..
ﻓﻲ ﺍﻟﻮﻗﺖ ﺩﻩ ﺣﺎﻣﺪ ﺍﺧﻮ ﺍﻟﺠﻴﻠﻲ ﺳﺎﻓﺮ ﺍﻟﺨﺮﻃﻮﻡ ..
ﺗﻘﺮﻳﺒﺎ ﻣﺎﺷﻲ ﻳﺸﻮﻑ ﻃﺮﻳﻘﺔ ﺍﺗﺼﺎﻝ ﺑﺎﻟﺠﻴﻠﻲ .. ﺍﻭ ﺑﻲ ﻧﺎﺻﺮ ﺻﺎﺣﺐ
ﺍﻟﺠﻮﺍﺏ .. ﻋﺸﺎﻥ ﻳﺘﺄﻛﺪ ﻣﻦ ﺍﻟﺤﺎﺻﻞ .. ﻻﻧﻪ ﻣﺎ ﻣﻘﺘﻨﻊ ﺍﺑﺪﺍ ﺑﺎﻟﺸﻲ ﺍﻟﺒﺤﻜﻮ
ﻓﻴﻬﻮﻭ ﺍﻟﻨﺎﺱ .. ﻭﻃﺒﻌﺎ ﺍﻟﺴﻔﺮﻳﺔ ﻟﻐﺎﻳﺔ ﺍﻟﺨﺮﻃﻮﻡ .. ﺑﺘﺎﺧﺪ ﻳﻮﻣﻴﻦ
ﺑﺎﻟﻠﻮﺍﺭﻱ ..
ﻻﻧﻮ ﻣﺎﻓﻲ ﺯﻟﻂ ﻭﻻ ﺳﻴﺎﺣﻲ ..
ﺍﻫﺎ ﻟﻤﻦ ﻭﺻﻞ ﺑﻴﺖ ﺍﻟﻌﺰﺍﺑﺔ .. ﻭﻛﻠﻬﻢ ﻣﺎﻛﺎﻥ ﻋﻨﺪﻫﻢ ﺧﺒﺮ ﺑﺎﻟﺤﺎﺻﻞ ﻓﻲ
ﺍﻟﺒﻠﺪ .. ﺣﻜﺎ ﻟﻴﻬﻢ ﻭﻛﻠﻬﻢ ﺍﺳﺘﻐﺮﺑﻮﺍ ﻛﻴﻒ ﺍﻟﺠﻮﺍﺏ ﺍﺗﺴﺮﺏ ﺑﺎﻟﺴﺮﻋﺔ ﺩﻱ
ﻟﻠﺒﻠﺪ .. ﻭﻛﻞ ﺯﻭﻝ ﺑﺪﺃ ﻳﺴﺎﻝ ﻓﻲ ﻧﻔﺴﻮ .. ﻭﺍﻱ ﺯﻭﻝ ﺷﻜﺎ ﻓﻲ ﺍﻟﺘﺎﻧﻲ ..
ﺣﺎﻣﺪ ﻗﺎﻝ ﻟﻴﻬﻢ .. ﻫﺴﻊ ﺩﻩ ﻣﻮﻭﻛﺖ ﻟﻮﻡ .. ﻭﺍﻟﻔﺎﺕ ﻣﺎﺑﺠﻲ ..ﻭﺍﻟﻤﺎ ﺍﻻﻧﺠﻠﻎ
ﻣﺎﺑﻨﻔﻌﻮ ﺍﻟﻠﻤﻠﻴﻢ .. ( ﻳﻌﻨﻲ ﺍﻟﻤﻮﻳﺔ ﻟﻮ ﺍﻧﺪﻓﻘﺖ ﺗﺎﻧﻲ ﻣﺎﺑﺘﺘﻠﻤﻠﻢ .. ) ﻫﺴﻊ
ﻧﺤﻦ
ﺩﺍﻳﺮﻳﻦ ﻧﻤﺮﺓ ﺗﻠﻔﻮﻥ ﺳﺮﻳﻊ .. ﻧﻀﺮﺑﻮ ﻟﻠﻨﺎﺱ ﺩﻳﻞ ﻓﻲ ﺍﻟﺴﻌﻮﺩﻳﺔ ﻋﺸﺎﻥ
ﻳﺨﺒﺮﻭﻧﺎ ﺍﻟﺤﺎﺻﻞ ..
ﺍﻟﺠﻮﺍﺏ ﻣﻜﺘﻮﺏ ﻓﻴﻬﻮ ﻧﺺ ﺳﻄﺮ ﺑﺲ .. ﺷﻮﻓﻮ ﻟﻲ ﻧﻤﺮﺓ ﻟﻠﺠﻴﻠﻲ ﻭﻻ ﺍﻟﺰﻭﻝ
ﺍﻟﺸﻐﺎﻝ ﻣﻌﺎﻫﻮ ..
ﻭﻻ ﺷﻮﻓﻮ ﻟﻲ ﻧﻤﺮﺓ ﻧﺎﺻﺮ .. ﺍﺗﺼﺮﻓﻮ ..
ﻗﺎﻟﻮ ﻟﻴﻬﻮ ﻭﺍﻟﻠﻪ ﻳﺎﺣﺎﻣﺪ ﻧﺤﻦ ﻣﺎﻧﻲ ﺧﺎﺑﺮﻳﻦ ﺍﻱ ﻧﻤﺮﺓ .. ﺍﻟﻨﺎﺱ ﺩﻳﻞ ﻣﻮﺍﺻﻠﺘﻨﺎ
ﻣﻌﺎﻫﻮ ﺑﺎﻟﺠﻮﺍﺑﺎﺕ ..
ﻭﺍﻟﺠﻮﺍﺏ ﺑﻴﺎﺧﺪ ﺳﺘﺔ ﻳﻮﻡ ﻭﻻ ﺍﺳﺒﻮﻉ ﻋﺸﺎﻥ ﻳﺼﻞ ..
ﻭﺍﻟﺮﺩ ﻣﺎﻣﻌﺮﻭﻑ ﻳﺠﻲ ﻣﺘﻴﻦ ..
ﺍﻟﻤﻬﻢ ﺳﻌﻮ ﻛﻠﻬﻢ ﺑﺎﻻﺳﺌﻠﺔ ﻭﺍﻟﻜﻼﻡ ﻭﺍﻻﺳﺘﻔﺴﺎﺭﺍﺕ .. ﻣﺎﻟﻘﻮ ﺍﻱ ﻃﺮﻳﻘﺔ
ﺍﺗﺼﺎﻝ ﺑﺎﻟﻨﺎﺱ ﺩﻳﻞ ﻓﻲ ﺍﻟﺴﻌﻮﺩﻳﺔ .. ﺍﻟﻤﻬﻢ ﻓﻲ ﺍﻟﻨﻬﺎﻳﺔ ﺍﺿﻄﺮﺍ ﺣﺎﻣﺪ ﻳﻜﺘﺐ
ﺟﻮﺍﺏ ﺗﺎﻧﻲ ﻟﻲ ﻧﺎﺻﺮ ﻭﺭﺳﻠﻮﻫﻮ ..
ﻭﺯﺍﺩﻭ ﻋﻠﻴﻬﻮ ﻋﺪﺩ ﺍﻟﺪﻣﻐﺎﺕ ﻋﺸﺎﻥ ﻳﺼﻞ ﺳﺮﻳﻊ ..
ﻟﻜﻦ ﺍﻟﻤﺸﻜﻠﺔ ﻛﺎﻧﺖ ﺍﻧﻮ ﺍﻟﺰﻣﻦ ﺍﻧﺘﻬﻰ ﻭﺍﻻﺳﺒﻮﻉ ﺟﺎﺀ ﺳﺮﻳﻊ ..
ﻭﺍﻟﻨﺎﺱ ﻫﻨﺎﻙ ﻓﻲ ﺍﻟﺒﻠﺪ ﻛﻠﻬﻢ ﻣﺴﺘﻌﺪﻳﻦ ﻟﻠﻌﺮﺱ ﺍﻟﻠﻬﻮ .. ﺣﻴﻜﻮﻥ ﺣﺪﺙ ﻣﺎ
ﺑﻌﺪﻭ ﺣﺪﺙ ..
ﺃﻫﻞ ﺍﻟﺠﻴﻠﻲ ﻣﻘﺎﻃﻌﻴﻦ ﺍﻟﻤﻨﺎﺳﺒﺔ .. ﻭﻣﺎﻋﻨﺪﻫﻢ ﺍﻱ ﻭﺵ ﻳﻘﺎﺑﻠﻮ ﺍﻟﻨﺎﺱ
ﻻ ﺃﻣﻮ ﻭﻻﺑﻮﻫﻮ ﻭﻻ ﺍﺧﺘﻮ ﺻﻔﻴﺔ ﺍﻟﻠﻬﻲ ﺻﺪﻳﻘﺔ ﺍﻟﻌﺮﻭﺱ .. ﻣﻦ ﻗﺒﻞ 4 ﻳﻮﻡ
ﻣﻦ ﺍﻟﺰﻭﺍﺝ ﺗﺎﻧﻲ ﻣﺎﻣﺸﺖ ﻋﻠﻰ ﻧﺎﺱ ﺍﻟﻌﺮﺱ ,,
ﻭﺑﺪﺭﻳﺔ ﺭﺳﻠﺖ ﻟﻴﻬﺎ ﻛﻢ ﻣﺮﺓ .. ﻗﺎﻟﺖ ﻟﻴﻬﺎ ﺍﻧﺎ ﻣﺤﺘﺎﺟﺔ ﻟﻴﻚ ﺗﻘﻴﻔﻲ ﻣﻌﺎﻱ ..
ﻗﺎﻟﺖ ﻟﻴﻬﺎ ﺍﻧﺎ ﺍﺳﻔﺔ ﻭﺍﻟﻠﻪ ﻣﺎﺑﻘﺪﺭ ﺍﺟﻴﻜﻢ ﻣﺎﻋﻨﺪﻱ ﻭﺵ ﺍﻗﺒﺎﺑﻞ ﺑﻴﻬﻮ ﺍﻟﺤﺮﻳﻢ ..
ﺣﺎﺳﺔ ﻋﻴﻮﻧﻬﻢ ﺑﺘﺘﻜﻠﻢ ﻣﻌﺎﻱ .. ﻭﻣﺎﻓﺎﺿﻞ ﻟﻲ ﺍﻻ ﺍﺩﺧﻞ ﻓﻲ ﺿﻔﻮﺭﻱ ﻣﻦ
ﺍﻟﺨﺠﻠﺔ ..
ﻭﻳﻮﻡ ﺍﻟﺤﻨﺔ ﺍﻡ ﺑﺪﺭﻳﺔ ﻗﺎﻟﺖ ﻟﻲ ﺧﺎﻟﺘﻬﺎ ﺧﻠﻴﻚ ﻗﺮﻳﺐ ﻣﻦ ﺑﺪﺭﻳﺔ ﺩﻱ ..
ﻣﺎﺗﺸﺮﺏ ﻟﻴﻬﺎ ﻣﺼﻴﺒﺔ ..
ﺗﻤﻮﺕ .. ﺃﺣﺮﺳﻴﻬﺎ ﺑﺲ ﻟﻤﻦ ﻧﺴﻠﻤﻬﻢ ﻋﺮﻭﺳﻬﻢ .. ﺗﺎﻧﻲ ﻋﻨﺪﻫﻢ ﻛﺎﻥ ﺩﺍﻳﺮﺓ
ﺗﻤﻮﺕ ﺍﻟﺘﻤﻮﺕ ..
ﻭﺑﺪﺭﻳﺔ ﺣﺴﺖ ﺑﺎﻧﻮ ﺧﺎﻟﺘﻬﺎ ﻣﺮﺍﻗﺒﺎﻫﺎ .. ﻗﺎﻟﺖ ﻟﻴﻬﺎ ﻳﺎﺧﺎﻟﺘﻲ ﺍﻧﺘﻲ ﺣﺘﺮﺍﻗﺒﻴﻨﻲ
ﻟﻤﺘﻴﻦ ..
ﺍﻟﺮﻭﺡ ﺩﻱ ﺭﻭﺣﻲ ﺍﻧﺎ .. ﻭﻛﺖ ﺍﺩﻭﺭ ﺍﻣﺮﻗﻬﺎ ﻣﺎﻓﻲ ﺯﻭﻝ ﺑﻘﺪﺭ ﻳﺤﺼﻠﻨﻲ ..
ﻭﻻﻫﺴﻊ ﺍﻟﻔﺮﺻﺔ ﻣﻌﺎﻛﻢ .. ﺍﺗﻼﻓﻮ ﺍﻟﻘﺼﺔ ﻭﻟﻤﻮ ﺍﻟﻤﻮﺿﻮﻉ ﺩﻩ ..
..
ﻭﻻﻓﻲ ﺯﻭﻝ ﺍﺳﺘﻤﻊ ﻟﻴﻬﺎ .. ﻭﻛﻞ ﺍﻟﻨﺎﺱ ﻗﺎﻳﻠﻨﻬﺎ ﺑﺘﻬﺮﺵ ﻓﻴﻬﻢ .. ﻭﺑﺘﻜﻀﺐ
ﻋﻠﻴﻬﻢ ..
ﻣﺎﻋﺪﺍ ﺍﻣﻬﺎ ﻭﺧﺎﻟﺘﻬﺎ ﻛﺎﻧﻮ ﺣﺎﺳﻴﻦ ﺍﻧﻬﺎ ﻣﻤﻜﻦ ﺗﻌﻤﻞ ﺣﺎﺟﺔ ..
ﺍﻟﺤﺎﺻﻞ ﻳﺎﺟﻤﺎﻋﺔ ﺑﻜﺮﺓ ﺍﺻﺒﺢ ﺍﻟﻴﻮﻡ ﺍﻻﺧﻴﺮ ﻭﺍﻟﻌﻘﺪ ﺑﻌﺪ ﺻﻼﺓ ﺍﻟﻌﺼﺮ .. ﻭﺑﺪﺭﻳﺔ
ﻣﺸﺖ ﻣﻊ ﺧﺎﻟﺘﻬﺎ ﻭﺑﻨﺎﺕ ﻋﻤﺎﺗﻬﺎ ﻟﺒﻴﺖ ﻣﻦ ﺑﻴﻮﺕ ﺍﻟﺠﻴﺮﺍﻥ ﻋﺸﺎﻥ ﻳﺠﻬﺰﻭﻫﺎ
ﻟﻠﻌﺮﺱ ..
ﻻﻧﻮ ﻟﻤﻦ ﺗﺠﻲ ﺑﻌﺪﻳﻦ ﻟﻲ ( ﻗﻄﻊ ﺍﻟﺮﺣﻂ ) ﻭﺍﻟﺮﻗﻴﺺ ..
ﻻﺯﻡ ﺗﻜﻮﻥ ﻓﻲ ﺍﺑﻬﻲ ﺯﻱ ﻭﺍﺣﺴﻦ ﻫﻴﺌﺔ ..
ﻭﺍﻟﻌﻘﺪ ﺑﺎﻗﻲ ﻟﻴﻬﻮ ﺗﻼﺗﺔ ﺳﺎﻋﺎﺕ ﺑﺪﺭﻳﺔ ﻗﺎﻟﺖ ﻟﻴﻬﻢ ﺍﻧﺎ ﻧﻌﺴﺎﻧﺔ ﺷﺪﻳﺪ ﻃﻠﻌﻮ
ﻟﻲ ﺍﻟﺤﻨﺔ ..
ﻭﺍﻣﺮﻗﻦ ﺑﺮﺓ ﺧﻠﻨﻲ ﺍﺧﺪ ﻟﻲ ﻧﻮﻣﺔ .. ﻭﺗﻀﺤﻚ ﻭﺗﺘﻮﻧﺲ ﻛﺎﻧﻮ ﻣﺎﻓﻲ ﺣﺎﺟﺔ ..
ﺑﺲ ﻣﺮﻗﻦ ﺑﻴﺠﺎﻱ ﻫﻲ ﻃﻠﻌﺖ ﺑﺎﻟﺸﺒﺎﻙ .. ﻭﻣﺮﻗﺖ ﺑﺎﻟﺸﻮﺍﺭﻉ ﺍﻟﻤﻴﺘﺔ ﺍﻟﻤﺎﻓﻴﻬﺎ
ﺍﻱ ﺯﻭﻝ .. ﺷﻮﺍﺭﻉ ﺯﺭﺍﻳﺐ ﻭﺟﻨﺎﻳﻦ .. ﻭﻻﺑﺴﺔ ﺍﻟﻔﻨﺠﺔ ﺑﺲ ..
ﻭﻋﻠﻰ ﻭﻳﻦ ؟؟ .. ﻋﻠﻰ ﺩﺭﺑﺎ " ﻣﺸﻦ ﺑﻴﻬﻮ ﺑﻨﺎﺕ ﻛﺘﺎﺭ .. ﻭﺭﺍﺣﻦ ﺗﺎﻧﻲ
ﻣﺎﺭﺟﻌﻦ ..
ﻭﺑﻘﺖ ﻗﺼﺼﻬﻢ ﺗﺤﻜﻲ ﻟﻠﻨﺎﺱ ﺣﻜﺎﻳﺎﺕ .. ﺑﺪﺭﻳﻪ ﻣﻠﺼﺖ ﺳﻔﻨﺠﺘﻬﺎ ﻭﺳﻠﻜﺖ ﻧﻔﺲ
ﺍﻟﺪﺭﺏ .. ﺍﻟﻠﻬﻮ ﺩﺭﺏ ﺍﻟﺒﺤﺮ ..
ﻭﺍﻟﺒﻨﺎﺕ ﻗﺎﻋﺪﺍﺕ ﻓﻲ ﺍﻟﺒﻴﺖ ﻗﺎﻳﻼﺗﻨﻬﺎ ﻧﺎﻳﻤﺔ ..
ﺍﺗﻮﻧﺴﻦ ﻟﻦ ﻧﻌﺴﻦ ﻭﻧﺎﻣﻦ ..
ﺍﻟﻰ ﺍﻟﻠﻘﺎﺀ