ﺿﻴﺎﻉ ﺍﻟﺪﺭ .
ﺍﻟﺤﻠﻘﺔ 12 .
ﺍﻟﺠﻴﻠﻲ ﻟﻤﻦ ﺷﺎﻑ ﺍﻟﺠﻤﺎﻋﻪ ﺟﻮ ﻣﺎﺷﻴﻦ ﻋﻠﻴﻬﻮ ﻗﺎﻝ ﻟﺤﺴﻦ ﺍﻧﺖ ﻋﺎﺭﻑ
ﻳﺎﺣﺴﻦ ﺍﻻﺷﻜﺎﻝ ﺩﻱ ﺍﻛﺘﺮ ﻧﺎﺱ ﻫﺮﻃﺎﺕ ﻭﻫﺮﺍﺷﻴﻦ ؟ ﻗﺎﻝ ﻟﻴﻬﻮ ﺍﻧﺖ ﺑﺘﺆﻭﻝ
ﺍﻳﻪ ﻳﺎﻋﻢ ؟ ﻗﺎﻝ ﻟﻴﻬﻮ ﺍﺻﺒﺮ ﺍﺻﺒﺮ ﺍﻧﺎ ﺑﻮﺭﻳﻚ ..
ﺍﻭﻝ ﺍﻟﺠﻤﺎﻋﺔ ﺍﻟﺸﻔﺎﺗﺔ ﻣﺎ ﻭﺻﻠﻮ .. ﺍﻟﺠﻴﻠﻲ ﻣﺴﻚ ﺣﺴﻦ ﻣﻦ ﻳﺪﻭ .. ﻭﻗﺎﻝ
ﻟﻴﻬﻮ
ﺧﻠﻴﻚ ﺳﺎﻛﺖ ﺍﻧﺎ ﺑﺘﻜﻠﻢ ..
ﺑﺲ ﺍﻧﺖ ﻃﻠﻊ ﺳﻼﺣﻚ ﺑﺮﺓ .. ﺍﻫﺎ ﻗﺒﻞ ﻣﺎﻳﺘﻜﻠﻤﻮ .. ﺍﻟﺠﻴﻠﻲ ﻗﺎﻝ ﻟﻴﻬﻢ
ﺍﺗﻔﻀﻠﻮ ... ﻧﺤﻦ ﻋﻨﺪﻧﺎ ﻣﺸﻜﻠﺔ ..
ﻭﻋﺎﻳﺰﻳﻦ ﻧﻄﺮﺣﻬﺎ ﻟﻴﻜﻢ .. ﺍﻭﻝ ﺣﺎﺟﺔ ﻧﺤﻦ ﺳﻤﻌﻨﺎ ﺍﻣﺒﺎﺭﺡ ﺍﻧﻮ ﻓﻲ ﻧﺎﺱ
ﻋﺎﻳﺰﻳﻦ ﻳﻌﺘﺪﻭ ﻋﻠﻰ ﺣﺴﻦ ﺍﺧﻮﻱ ﺩﻩ .. ﻭﺍﺗﻌﺎﻫﺪﻧﺎ ﺍﻧﺎ ﻭﺣﺴﻦ ﺍﻭﻝ
ﻣﺎﻧﺸﻮﻓﻬﻢ ﻧﻄﻌﻌﻨﻬﻢ ﺑﺪﻭﻥ ﻣﻔﺎﻫﻤﺔ .. ﻭﺍﻧﺎ ﻣﺎﻋﻨﺪﻱ ﻣﺸﻜﻠﺔ ﺍﺳﺎﺳﺎ " ﻗﻨﻌﺎﻥ
ﻣﻦ ﻧﻔﺴﻲ ﻭﺯﻫﺠﺖ ﻣﻦ ﺍﻟﺤﻴﺎﺓ ﺩﻱ ﻭﻋﺎﻳﺰ ﻟﻲ ﺍﻋﺪﺍﻡ ﻣﺴﺘﻌﺠﻞ .. ﺍﺣﺴﻦ
ﻳﻌﺪﻣﻮﻧﻲ ﻓﻲ ﺍﻟﺤﻖ ﻭﺍﻟﺪﻓﺎﻉ ﻋﻦ ﺍﻻﺧﻮﺍﻥ ﺑﺘﻜﻠﻢ .. ﻭﻋﻴﻮﻧﻮ ﺣﻤﺮ .. ﻭﻏﻀﺒﺎﻥ
ﺟﺪﺍ " ﻭﺑﺮﺟﻒ . (ﻭ ﺍﻟﺠﻴﻠﻲ ﺯﻭﻝ ﺟﺎﻣﺪ ﻭﺟﺴﻤﻪ ﻣﻬﻴﺐ .. ﻳﻌﻨﻲ ﻣﺎﺿﻌﻴﻒ
ﺯﻱ
ﺣﺴﻦ ) .
ﻗﺎﻝ ﻟﻴﻬﻢ ﻓﻨﺤﻦ ﻋﺎﻳﺰﻳﻦ ﻣﻨﻜﻢ ﻣﺴﺎﻋﺪﻩ ﻓﻲ ﺍﻟﻔﺘﺎﺷﺔ . ﻭﻟﻮ ﻛﻤﺎﻥ ﻣﺪﻳﺘﻮ ﻟﻴﻨﺎ
ﻳﺪ ﺍﻟﻤﺸﺎﺭﻛﻪ ..ﻭ ﺍﺷﺘﺮﻛﺘﻮ ﻣﻌﺎﻧﺎ ﻓﻲ ﺍﻟﺤﺮﺏ ﻧﺤﻦ ﺗﺎﻧﻲ ﺣﻨﺘﻌﺎﻭﻥ ﻣﻌﺎﻛﻢ ..
ﺑﺲ ﺍﻟﺤﺮﺏ ﺗﻜﻮﻥ ﻟﻠﺤﻖ ﻣﻮ ﻟﻠﺒﺎﻃﻞ .. ﺍﻫﺎ ﺭﺍﻳﻜﻢ ﺷﻨﻮ؟
ﻃﺒﻌﺎ " ﻣﺎ ﺍﺩﺍﻫﻢ ﺍﻱ ﻓﺮﺻﻪ ﻳﺘﻜﻠﻤﻮ .. ﺑﻘﻮﺍ ﻳﻌﺎﻳﻨﻮ ﻟﺒﻌﺾ ﻭﻇﻬﺮ ﻋﻠﻴﻬﻢ
ﺧﻮﻑ ﻭﺍﺭﺗﺒﺎﻙ ﻏﺮﻳﺐ .. ﻗﺎﻝ ﻟﻬﻢ ﺍﻧﺘﻮ ﻳﺎﺭﺟﺎﻟﻪ . ﻇﺎﻫﺮ ﻋﻠﻴﻜﻢ ﺍﻟﺸﻬﺎﻣﺔ
ﻭﺍﻟﺮﺟﺎﻟﻪ .. ﻟﻮ ﻓﻲ ﺯﻭﻝ . ﻋﺎﻳﺰ ﻳﻌﺘﺪﻱ ﻋﻠﻰ ﺍﺧﻮﻛﻢ ﺑﺎﻟﻔﺎﺣﺸﺔ ﺑﺘﻌﻤﻠﻮ ﻟﻴﻬﻮ
ﺍﻳﻪ
؟ .. ﻣﺶ ﺍﻟﻤﻮﺕ؟ ﻗﺎﻟﻮ ﻟﻴﻬﻮ ﺻﺢ. ﻗﺎﻝ ﻟﻬﻢ ﺍﻧﺎ ﺍﻟﻠﻴﻠﺔ ﺡ ﺃﻗﺘﻞ .ﻭﻃﻠﻊ ﺳﻼﺣﻮ
(ﺣﺪﻳﺪﺓ ﺍﻟﻤﻘﺺ ) ﻭﻛﻒ ﺿﺮﺍﻋﻮ . ﻋﺸﺎﻥ ﻳﻮﺭﻳﻬﻢ ﺍﻟﻌﻀﻼﺕ ﺍﻟﻤﺎﺧﻤﺞ .
ﻭﺑﻘﻰ ﻳﻘﺪﺩ ﻓﻲ ﺍﻻﺭﺽ ..
ﻭﺣﺴﻦ ﺍﻟﻤﺼﺮﻱ ﺑﻌﻤﻞ ﻓﻲ ﻧﻔﺲ ﺍﻟﻌﻤﻠﻴﺔ.. ﻃﺒﻌﺎ " ﺍﻟﺘﺼﺮﻑ ﺩﻩ ﺭﺑﻨﺎ ﻫﺪﺍﻫﻮ
ﻟﻴﻬﻮ ﻟﻜﻲ ﻳﺼﺮﻓﻪ ﻣﻦ ﺍﻟﺸﺮ ﻭﺍﻟﻮﻗﻮﻉ ﻓﻲ ﺍﻟﺸﺮ .. ﻭﻛﺎﻥ ﺗﺼﺮﻑ ﻣﺨﻴﻒ
ﻓﻌﻼ ..
ﻭﺣﺘﻰ ﻫﻢ ﺍﻟﺠﺎﻳﻴﻦ ﻧﺎﻭﻳﻦ ﻟﻠﺸﺮ ﻧﻜﺮﻭﺍ ﺑﺎﻻﺗﻔﺎﻕ ﺍﻟﺴﻜﻮﺗﻲ .. ﻭﻏﻴﺮﻭﺍ ﻛﻞ
ﺍﻟﻨﻮﺍﻳﺎ ﺍﻟﻜﺎﻧﺖ ﺳﻴﺌﺔ ﺗﺠﺎﻩ ﺍﺣﻤﺪ ﺍﻟﻤﺼﺮﻱ ﺍﻟﺮﺟﻞ ﺍﻟﻄﻴﺐ ..
ﺍﻫﺎ .. ﻗﺎﻟﻮ ﻟﻴﻬﻮ ﺍﻧﺖ ﺍﺳﻤﻚ ﻣﻴﻦ ﻣﺎﻛﺎﻥ ﻳﺎﺳﻮﺩﺍﻧﻲ .. ﻛﻼﻣﻚ ﺻﺤﻴﺢ .. ﻭﺍﻧﺖ
ﺯﻭﻝ ﺣﻤﺶ ..ﻭﻧﺤﻦ ﻣﻌﺎﻙ ﺑﻤﺠﺮﺩ ﻣﺎﺗﻠﻘﻰ ﺍﻟﻠﻲ ﻗﺎﻝ ﻛﺪﺍ ﻭﺭﻳﻨﺎ ﻭﻧﺤﻦ
ﺑﻨﺮﺑﻴﻴﻬﻮ ..
ﺑﺲ ﻳﺎﺳﻮﺩﺍﻧﻲ ﺍﻟﻘﺘﻞ ﺻﻌﺐ .. ﻭﻣﺎﺗﻠﺠﺄ ﻟﻠﻘﺘﻞ ﻋﻠﻰ ﻃﻮﻝ ﻛﺪﺍ .. ﺍﻟﻤﺸﻜﻠﺔ
ﺩﻱ ﺑﺴﻴﻄﺔ ﻭﺑﺘﺘﺤﻞ ﺑﺎﻟﻬﺪﺍﻭﺓ .. ﻭﻧﺤﻦ ﻟﻤﻦ ﻧﻠﻘﻰ ﺍﻟﻨﺎﺱ ﺍﻟﻘﺎﻟﻮ ﻛﺪﺍ ..
ﺑﻨﺪﻳﻬﻢ ﻋﻠﻘﺔ ﻣﻈﺒﻮﻃﺔ .. ﻭﻛﺪﺍ ﻛﻔﺎﻳﺔ .. ﻗﺎﻝ ﻟﻴﻬﻢ ﺑﺲ ﻻﺯﻡ ﺍﻟﻌﻠﻘﺔ ﺑﻌﺪﻫﺎ
ﻳﻜﻮﻥ ﻓﻲ ﻣﺴﺘﺸﻔﻲ ﻭﻛﺴﻮﺭ .. ﻗﺎﻟﻮ ﻟﻴﻬﻮ ﻫﺪﻱ ﺍﻋﺼﺎﺑﻚ ﻳﺎﻣﻌﻠﻢ .. ﻗﻌﺪﻭ
ﻣﻌﺎﻫﻢ . ﻭﻛﺎﻧﻬﻢ ﻣﺎﻛﺎﻥ ﻋﻨﺪﻫﻢ ﺍﻟﻨﻴﻪ ﺍﻟﻘﺬﺭﻩ ﺩﻳﻚ .. ( ﻧﺎﺱ ﺗﺨﺎﻑ
ﻣﺎﺗﺨﺘﺸﻴﺶ ) . ..
ﻭﻓﻌﻼ . ﺍﻟﺬﻱ ﻻﻳﺨﺎﻑ ﺍﻟﻠﻪ ﻳﺨﺎﻑ ﻣﻦ ﻛﻞ ﺷﺊ ... ﻭﺍﻟﺬﻱ ﻳﺨﺎﻑ ﺍﻟﻠﻪ ﻳﺨﺎﻑ
ﻣﻨﻪ ﻛﻞ ﺷﻲ . ﻭﻗﺎﻟﻮ ﻟﻴﻬﻮ ﻧﺤﻦ ﺣﻨﻜﻮﻥ ﺍﺻﺤﺎﺏ ﻳﺎ ﺯﻭﻝ ﻳﺎﺳﻮﺩﺍﻧﻲ .. ﻗﺎﻝ
ﻟﻴﻬﻢ ﻣﺮﺣﺐ .
ﻭﺍﻟﺠﻴﻠﻲ ﺩﺧﻞ ﻓﻲ ﺍﻟﺸﻠﺔ ﺩﻱ ﺯﺍﺗﻬﺎ . ﻭﻫﻮ ﻋﺎﺭﻑ ﺷﺮﻭﺭﻫﻢ .. ﺑﺲ ﻋﺎﻳﺰ
ﻳﻌﻤﻞ ﻟﻴﻬﻢ ﺷﻠﻞ ﺩﺍﺧﻠﻲ ﻓﻲ ﺍﻟﺘﻜﻮﻳﻦ ﺍﻟﻬﻴﻜﻠﻲ
ﺍﺍﻫﺎ .. ﺍﺗﻌﺮﻑ ﻋﻠﻴﻬﻢ ﻭﺍﺣﺪ ﻭﺍﺣﺪ .. ﻭﺑﻘﻰ ﻛﻞ ﻳﻮﻡ ﺑﻘﺮﺏ ﻣﻦ ﻭﺍﺣﺪ ..
ﻭﻳﻌﻤﻞ ﻣﻌﺎﻫﻮ ﻋﻼﻗﺔ ﺧﻮﺓ ﻭﺻﺪﺍﻗﺔ ﺧﺎﺻﺔ ﻭﻳﺠﺮﻭ ﻣﻌﺎﻫﻮ .. ﻭﺣﺴﻦ ﺍﻟﻤﺼﺮﻱ
ﻣﻌﺎﻫﻮ ﺯﻱ ﺍﺧﻮﻩ .. ﻭﻃﻴﻠﺔ ﺍﻟﻔﺘﺮﺓ ﻣﺎﻓﻲ ﺯﻭﻝ ﻗﺪﺭ ﻳﻌﺎﻳﻦ ﻟﺤﺴﻦ ﺍﻱ ﻧﻈﺮﺓ
ﺣﻘﺎﺭﺓ . ﻭﺑﻘﻰ ﻓﻲ ﺣﻤﺎﻳﺔ ﺍﻟﺠﻴﻠﻲ . ﻭﻛﻞ ﻳﻮﻣﻴﻦ ﻳﺠﻴﻬﻢ ﻭﺍﺣﺪ ﻳﻨﻀﻢ ﻟﻴﻬﻢ ..
ﻟﻐﺎﻳﺔ ﻣﺎ ﺷﻠﺔ ﺍﻟﺠﻴﻠﻲ ﺑﻘﺖ ﺍﻛﺘﺮ ﻣﻦ 7 ﺃﻧﻔﺎﺭ .. ﻧﺎﺱ ﻃﻴﺒﻴﻦ
ﻭﻣﺴﺎﻣﺤﻴﻦ .. ﺍﻟﺘﻘﻮﻝ ﻣﺎﻣﺴﺎﺟﻴﻦ .. ﺑﺼﻠﻮ ﻓﻲ ﺍﻟﺠﺎﻣﻊ . ﻭﻣﺎ ﺑﺪﺧﻨﻮ . ﻭﻻ
ﺑﻘﻮﻟﻮ ﻛﻼﻡ ﻓﺎﺭﻍ ..
ﻭﺑﺤﻠﻮ ﺍﻟﻤﺸﺎﻛﻞ ﻛﺎﻥ ﺑﺎﻟﺤﺴﻨﺔ ﻛﺎﻥ ﺑﺎﻟﺮﺟﺎﻟﻪ ..
ﻭﺍﻱ ﺯﻭﻝ ﻳﻌﻤﻞ ﺣﻘﺎﺭﺍﺕ ..ﺍﻟﻨﺎﺱ ﺑﺤﺬﺭﻭﻫﻮ ﻣﻦ ﺷﻠﺔ ﺍﻟﺠﻴﻠﻲ .. ﺑﺎﻻﺧﺘﺼﺎﺭ
ﺍﻟﺠﻴﻠﻲ ﺑﻘﻰ ﻣﺮﻛﺰ ﺗﺤﻮﻝ ﻓﻲ ﺍﻟﺴﺠﻦ ﺑﺎﻓﻌﺎﻟﻪ ﻭﺗﺼﺮﻓﺎﺗﻪ .. ﻭﺑﺪﻭﻥ ﺍﻱ
ﻣﺤﺎﺿﺮﺍﺕ ﻭﻻﺩﺭﻭﺱ ﻋﻠﻤﻴﺔ ..
ﺣﺘﻲ ﺑﻌﺾ ﺍﻟﻤﺴﺎﺟﻴﻦ ﻗﺎﻟﻮ ﻟﻠﺠﻴﻠﻲ .. ﺧﺴﺎﺭﺓ ﻳﺎ ﺳﻮﺩﺍﻧﻲ ﺍﻧﺖ ﻓﺘﺮﺗﻚ ﻓﻲ
ﺍﻟﺴﺠﻦ ﻗﺼﻴﺮﺓ ..
ﺍﻧﺖ ﻣﻤﺎ ﺟﻴﺖ ﺍﻟﺴﺠﻦ ﺍﻟﻨﺎﺱ ﺩﻳﻞ ﺍﺗﺄﺩﺑﻮ .. ﻭﺍﻟﺠﻴﻠﻲ ﺑﻘﻰ ﻣﺤﻞ ﺍﺣﺘﺮﺍﻡ
ﺟﻤﻴﻊ ﺍﻟﺴﺠﻨﺎﺀ .. ﺣﺘﻲ ﺍﻟﻨﺎﺱ ﺑﺘﺤﺘﺮﻡ ﺍﺻﺤﺎﺑﻮ ﻋﺸﺎﻥ ﺧﺎﻃﺮﻭ .. (ﻭﺍﻟﻨﻴﻪ
ﺯﺍﻣﻠﺔ ﺳﻴﺪﺍ ) ..
ﻭﻋﻤﻚ ﻣﻬﺪﻱ ﻛﻞ ﻳﻮﻡ ﺟﻤﻌﺔ ..ﺑﺠﻲ ﺯﻳﺎﺭﺓ ﻟﻠﺠﻴﻠﻲ .. ﻭﻗﺎﻝ ﺍﻧﻮ ﺧﻼ ﻣﻜﺎﻥ
ﺍﻟﺴﻜﻦ ﺍﻟﻘﺪﻳﻢ ﻭﺳﻜﻦ ﻓﻲ ﻣﻨﻄﻘﺔ ﺗﺎﻧﻴﺔ ..
ﻭﺍﻟﻜﻔﻴﻞ ﺍﻟﺮﺍﺟﻞ ﺍﻟﻄﻴﺐ ﺑﺮﺿﻮ ﺑﺠﻲ ﻳﺰﻭﺭﻭ ﻣﺮﻩ ﻣﺮﺓ ..
ﻭﻧﺸﺄﺕ ﺻﺪﺍﻗﺔ ﻃﻴﺒﻪ ﺑﻴﻨﻮ ﻭﺑﻴﻦ ﺍﻟﺠﻴﻠﻲ .. ﻭﺑﺠﻴﺐ ﻫﺪﺍﻳﺎ ﻭﻣﺼﺎﺭﻳﻒ ..
ﻟﻠﺠﻴﻠﻲ ﻭﺍﺻﺤﺎﺑﻮ . ﻭﺍﻟﺠﻴﻠﻲ ﺭﺿﻴﺎﻥ ﺑﺤﻴﺎﺗﻮ ﺍﻟﻔﻲ ﺍﻟﺴﺠﻦ ﻭﺩﺍﻳﻤﺎ ﺑﺎﻟﻠﻴﻞ
ﺑﻘﻌﺪ ﻳﻨﻮﻧﻲ ﻭﻳﺪﻭﺑﻲ .. ﻓﻮﻕ ﺍﻟﺒﺪﻭﺭ ﻭﺑﺘﺬﻛﺮﻫﺎ ﻃﻮﺍﺍﺍﺍﻟﻲ ..
ﻓﻲ ﻳﻮﻡ ﻣﻦ ﺫﺍﺕ ﺍﻻﻳﺎﻡ ﻭﻓﻲ ﻳﻮﻡ ﺍﻟﺰﻳﺎﺭﺍﺕ ﺍﻟﺠﻴﻠﻲ ﻧﺪﻫﻮ ﺍﺳﻤﻮ ..
ﺍﻧﻮ ﻓﻲ ﺯﻭﻝ ﻋﺎﻳﺰ ﻳﻘﺎﺑﻠﻮ ﻓﻲ ﺯﻭﻝ ﺟﺎﻫﻮ ﺯﻳﺎﺭﺓ ..
ﻗﺎﻝ ﻟﻠﻌﺴﻜﺮﻱ ﺍﻟﺠﺎﻧﻲ ﻣﻨﻮ؟ ﻛﻔﻴﻠﻲ ؟ ﻗﺎﻝ ﻟﻴﻬﻮ ﻻ ..
ﻃﻴﺐ ﻣﻨﻮ ﺧﺎﻟﻲ ﻣﻬﺪﻱ؟ ﻗﺎﻝ ﻟﻴﻬﻮ ﻻ .. ﺯﻭﻝ ﺳﻮﺩﺍﻧﻲ ﺍﻭﻝ ﻣﺮﺓ ﻳﺠﻲ ..
ﻻﺣﻮﻝ ﻭﻻﻗﻮﺓ ﺍﻻ ﺑﺎﻟﻠﻪ .. ﻣﻌﻨﺎﻫﺎ ﺷﻤﺎﺭ ﺍﻟﺴﺠﻦ ﺡ ﻳﺼﻞ ﺍﻟﺒﻠﺪ ﻭﺍﻟﺒﻠﺪﻳﻦ ..
ﺭﺑﻚ ﻳﺴﺘﺮ
موضوع: ضيــــــــــــــــــــــــــاع الدرح12 
الأحد أبريل 27, 2014 9:09 am
