لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدر10

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدر10   الأحد أبريل 27, 2014 9:08 am

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ ﺍﻟﺘﺎﺳﻌﻪ ....
ﺍﻟﺠﻴﻠﻲ ﻇﻬﺮﺕ ﻣﻌﺎﻫﻮ ﻣﻌﺎﻧﺎﻩ ﻋﺠﻴﺒﺔ .. ﻓﻲ ﺍﻟﺘﺤﻘﻴﻖ ﺍﻻﻭﻟﻰ ﺣﻮﻝ
ﺍﻟﻤﺨﺪﺭﺍﺕ .. ﺳﺎﻟﻮﻩ .. ﻫﻞ ﺍﻧﺖ ﺑﺘﺒﻴﻊ ﺍﻟﻤﺨﺪﺭﺍﺕ؟ ﻗﺎﻝ ﻟﻴﻬﻢ ﺍﺑﺪﺍ " ﻫﻞ ﺍﻧﺖ
ﺑﺘﺴﺘﻌﻤﻞ ﻣﺨﺪﺭﺍﺕ ؟ ﻗﺎﻝ ﻟﻴﻬﻢ ﺍﺑﺪﺍ ".. ﻗﺎﻟﻮ ﻟﻴﻬﻮ ﻃﻴﺐ ﺍﻟﺠﺎﺑﻬﺎ ﻟﺸﻨﻄﺘﻚ
ﺷﻨﻮ؟ ﺳﻜﺖ .. ﻭﺭﻓﺾ ﻳﺘﻜﻠﻢ ﻛﻠﻮ ﻛﻠﻮ .. ﻭﺩﻱ ﺑﺲ ﺍﻻﺟﺎﺑﺎﺕ ﺍﻻﺟﺎﺏ ﻋﻠﻴﻬﺎ ..
ﻭﻛﺎﻥ ﺍﻟﻤﺤﻘﻖ ﺭﺟﻞ ﺳﻌﻮﺩﻱ ﻣﻦ ﺍﻟﺮﺍﺋﻌﻴﻦ ﻭﺍﻻﺫﻛﻴﺎﺀ ﺟﺪﺍ " ﻗﺎﻝ .. ﻫﺬﺍ
ﺍﻟﺮﺟﺎﻝ
ﻻﻳﻜﺬﺏ .. ﻭﻟﻜﻦ ﺍﻷﺧﺮﻳﻦ ﻗﺎﻟﻮ ﻟﻴﻴﻬﻮ ﺍﻻﻋﺘﺮﺍﻑ ﺳﻴﺪ ﺍﻻﺩﻟﻪ .. ﻗﺎﻡ ﺍﻟﻤﺤﻘﻖ
ﻗﺎﻝ ﻟﻴﻬﻢ ﺍﺫﺍ ﻭﺟﺪﺕ ﺍﻟﻤﺨﺪﺭﺍﺕ ﺑﺤﻮﺯﺓ ﺍﺣﺪ ﻓﻲ ﺍﻟﺤﻴﺎﺯﺓ ﺍﻟﻐﺎﻳﺒﻪ .. ﻻﻳﻌﻨﻲ
ﺗﺤﻘﻴﻘﺎ " ﺍﻧﻬﺎ ﻟﻪ .. ﻭﻛﻠﻤﺔ ﻓﻲ ﺍﻟﺤﻴﺎﺯﻩ ﺍﻟﻐﺎﻳﺒﻪ ﻳﻌﻨﻲ ( ﻓﻲ ﺑﻴﺘﻪ ﺍﻭ ﻓﻲ
ﻋﻔﺸﻪ ﻭﻫﻮ ﻣﺎﺷﺎﻳﻔﻬﺎ ) ﻭﻣﺎﺩﺍﻡ ﺍﻧﻪ ﻣﺎﺷﺎﻳﻼ ﻓﻲ ﻳﺪﻭ ﻓﻴﺒﻘﻰ ﻓﻲ ﺷﻚ
ﻭﺭﻳﺐ .. ﺍﻧﺎ ﺑﺮﻱ ﺍﻧﻪ ﺗﻄﻮﻝ ﻓﺘﺮﺓ ﺍﻟﺘﺤﻘﻴﻖ ..ﺣﺘﻲ ﻧﺤﺼﻞ ﻋﻠﻰ ﺍﻟﺤﻘﺎﺋﻖ
ﺍﻟﻴﻘﻴﻨﻴﺔ .. ﻭﻟﻜﻦ ﺍﻟﺸﻲ ﺍﻟﻠﻲ ﺃﻧﺎ ﻣﺘﺄﻛﺪ ﻣﻨﻪ . ﺍﻧﻮ ﻫﺬﺍ ﺍﻟﺴﻮﺩﺍﻧﻲ ﻳﺨﻔﻲ
ﺷﻲ ؟ ﻫﻮ ﺍﻳﺶ ﺍﻟﻠﻪ ﺍﻋﻠﻢ ..
ﻓﻘﺒﻞ ﻣﺎ ﺗﻘﺪﻣﻮﻩ ﻟﻠﻤﺤﺎﻛﻤﺔ .. ﺧﻠﻮﻧﺎ ﻧﺘﻤﻬﻞ ﻣﻌﺎﻫﻮ ﻓﻲ ﺍﻟﺘﺤﻘﻴﻖ ..
ﻭﺍﺧﺪﻭﺍ ﻳﻮﻣﻴﻦ ﻣﻊ ﺍﻟﺠﻴﻠﻲ ﻣﺎﻋﻨﺪﻭ ﻏﻴﺮ ﺍﻻﺟﺎﺑﺎﺕ ﺍﻻﺭﺑﻌﻪ .. ( ﺍﻟﺸﻨﻄﺔ
ﺣﻘﺘﻲ .. ﺍﻟﻤﺨﺪﺭﺍﺕ ﻣﺎﺣﻘﺘﻲ .. ﺍﻧﺎ ﻣﺎﺑﻴﻴﻊ ﻣﺨﺪﺍﺭﺕ .. ﺍﻧﺎ ﻣﺎﺑﺸﺮﺏ
ﻣﺨﺪﺭﺍﺕ .. ) ﺭﻣﻮﻩ ﻓﻲ ﺍﻟﺤﺒﺲ ﻋﻠﻰ ﺫﻣﺔ ﺍﻟﺘﺤﻘﻴﻖ ﻭﺑﺲ ..
ﻃﺒﻌﺎ " ﻋﻤﻚ ﻣﻬﺪﻱ ﻟﻤﻦ ﺟﺎ ﻣﻦ ﺍﻟﺴﻮﻕ ﻭﻟﻘﻰ ﺍﻟﺠﻴﻠﻲ ﻣﺎﻓﻲ ﺍﺳﺘﻐﺮﺏ ..
ﻭﻣﺎﻋﺮﻑ ﺍﻧﻮ ﻣﺸﻰ ﻭﻳﻦ ..
ﻭﺍﻓﺘﻜﺮ ﺍﻧﻮ ﺍﻟﺠﻴﻠﻲ ﺯﻫﺞ ﻣﻦ ﺍﻟﺴﻜﻦ ﻭﺭﺟﻊ ﻟﻲ ﺍﻟﺴﻜﻦ ﺍﻟﻔﻲ ﺍﻟﻤﺼﻨﻊ .. ﻟﻜﻦ
ﺍﻟﻤﺸﻜﻠﺔ ﺣﺎﺟﺎﺗﻮ ﻗﺎﻋﺪﺓ ..
ﺍﻟﺸﻨﻄﺔ ﻭﻫﺪﻭﻣﻮ ﺍﻟﻤﻌﻠﻘﻪ .. ﻭﺍﻟﺸﺒﺸﺐ .. ﺑﺲ ﻣﺎﻣﻤﻜﻦ ﺍﻟﺰﻭﻝ ﺩﻩ ﻳﻐﻴﺐ
ﻳﻮﻣﻴﻦ ﻭﺑﻲ ﻏﻴﺎﺭ ﻭﺍﺣﺪ ..
ﺑﺎﻛﺮ ﺍﻟﺼﺒﺎﺡ ﻋﻤﻚ ﻣﻬﺪﻱ ﻃﻠﻊ ﻣﻦ ﺍﻟﺒﻴﺖ ﺑﺪﺭﻱ ﻭﻣﺸﻰ ﺍﻟﻤﺼﻨﻊ ﻋﻠﻰ ﺣﺴﺐ
ﻭﺻﻒ ﺍﻟﺠﻴﻠﻲ . ﻭﺳﺄﻝ ﻧﺎﺱ ﺍﻟﻤﺼﻨﻊ ﻗﺎﻟﻮ ﻟﻴﻬﻮ ﺍﻟﺠﻴﻠﻲ ﻣﺎﺟﺎ ﻭﻛﻤﺎﻥ ﻟﻴﻬﻮ
ﺗﻼﺗﺔ ﻳﻮﻡ ﻣﺎﺟﺎ ﺍﻟﺸﻐﻞ ﻭﺻﺎﺣﺐ ﺍﻟﻌﻤﻞ ﻛﻮﺭﻙ ﻭﻫﺎﺝ ﻭﻗﺎﻝ ﻣﺎﺑﺴﻴﺒﻮ ( ﻣﻦ ﺃﻭﻝ
ﺍﻳﺎﻡ ﺍﻟﺴﻮﺩﺍﻧﻲ ﻳﺒﻐﻲ ﻳﺘﻤﺰﺭﻍ .. ) ﺍﻟﻤﻬﻢ ﻋﻤﻚ ﻣﻬﺪﻱ ﻗﻠﺒﻮ ﺃﻛﻠﻮ ﺍﻧﻮ ﺍﻟﺠﻴﻠﻲ
ﻻﺯﻡ ﺣﺎﺻﻠﺔ ﻟﻴﻬﻮ ﺣﺎﺟﺔ ..
ﻭﺷﻚ ﻓﻔﻲ ﺍﻧﻮ ﺍﻟﻮﻟﺪﻳﻦ ﺍﻟﻔﻲ ﺍﻟﺴﻜﻦ ﻳﻜﻮﻧﻮﺍ ﻋﻤﻠﻮ ﻓﻴﻬﻮ ﺟﺮﻳﻤﺔ ﻭﻫﻮ ﻧﺎﻳﻢ ﺍﻭ
ﻗﺘﻠﻮﻩ ﺍﻭﺷﻲ ﻣﻦ ﻫﺬﺍ ﺍﻟﻘﺒﻴﻞ .. ﻻﻧﻬﻢ ﻣﺎﻣﻀﻤﻮﻧﻴﻦ .. ﻭﺑﻌﺪﻳﻦ ﺍﻟﺠﻴﻠﻲ
ﻣﺎﺑﺪﻭﺭﻫﻢ ﻛﻠﻮ ﻛﻠﻮ .. ﺍﺣﺘﻤﺎﻝ ﻳﻜﻮﻥ ﺍﺗﻜﻠﻢ ﻣﻌﺎﻫﻢ ﺍﻭ ﺍﺗﺸﺎﻛﻞ ﻣﻌﺎﻫﻢ .. ﻭﻫﻢ
ﺿﺮﺑﻮﻫﻮ ﺍﻭ ﺍﻭ .. ﻣﺨﻮ ﺑﻘﻰ ﻳﻮﺩﻱ ﻭﻳﺠﻴﺐ ..
ﺭﺟﻊ ﺍﻟﺴﻮﻕ ﻭﺍﻟﻴﻮﻡ ﻛﻠﻮ ﻋﻤﻚ ﻣﻬﺪﻱ ﺑﻔﻜﺮ ﻭﺷﺎﻳﻞ ﻫﻢ ﺍﻟﻮﻟﺪ ﺍﻟﻤﺴﻜﻴﻦ
ﻭﻣﺎﻋﺎﺭﻑ ﺍﻟﺤﺼﻞ ﻟﻴﻬﻮ ﺷﻨﻮ؟
ﻓﻲ ﺍﺧﺮ ﺍﻟﻴﻮﻡ ﻃﻠﻊ ﻣﺸﻰ ﺍﻟﺒﻴﺖ ﺑﺪﺭﻱ .. ﻭﻣﺸﻰ ﻋﺸﺎﻥ ﻳﺴﺎﻝ ﺍﻟﺸﺒﺎﺏ ..
ﻟﻘﺎﻫﻢ ﻣﺸﻮ ﻟﺠﻤﺎﻋﺔ ﺍﺻﺤﺎﺑﻬﻢ ﻓﻲ ﺣﻲ ﺑﻌﻴﺪ ﺷﻮﻳﻪ ﺍﺳﻤﻮ ﺣﻲ ﺍﻟﻨﺰﻫﻪ ..
ﻃﻠﻊ ﻋﻤﻚ ﻋﻠﻰ ﺍﻟﺒﻘﺎﻟﺔ ﻳﺠﻴﺐ ﺣﺎﺟﻪ .. ﺑﺘﺎﻉ ﺍﻟﺒﻘﺎﻟﻪ ﺳﺄﻟﻪ ﻭﻫﻮ ﻛﺎﻥ ﺗﻘﺮﻳﺒﺎ "
ﻳﻤﻨﻲ . ﻗﺎﻝ ﻟﻴﻬﻮ ﻧﺎﺱ ﺍﻟﺸﺮﻃﺔ ﻣﺎﻟﻬﻢ ﻣﻌﻜﻢ . ﻳﻮﻡ ﺍﻟﺠﻤﻌﺔ ﺍﺧﺪﻭ ﻭﺍﺣﺪ ﻣﻦ
ﺍﻟﺴﻮﺩﺍﻧﻴﻴﻦ ﺍﻟﺴﺎﻛﻨﻴﻦ ﻣﻌﺎﻛﻢ ﻓﻲ ﺍﻟﺒﻴﺖ .. ﻗﺎﻝ ﻟﻴﻪ ﻭﺻﻔﻪ . ﻗﺎﻡ ﻭﺻﻒ ﻟﻴﻬﻮ
ﺍﻟﺠﻴﻠﻲ .
ﻃﻮﺍﻟﻲ ﻋﻤﻚ ﻣﻬﺪﻱ ﺭﻛﺐ ﻣﺸﻰ ﺍﻗﺮﺏ ﻣﺮﻛﺰ ﺷﺮﻃﻪ ﻋﺸﺎﻥ ﻳﺴﺄﻝ .. ﻭﻟﻘﻰ
ﺍﻟﺠﻴﻠﻲ ﻓﻲ ﻛﺮﻛﻮﻥ ﺍﻟﺸﺮﻃﺔ ﻋﻠﻰ ﺫﻣﺔ ﺍﻟﺘﺤﻘﻴﻖ .. ﻭﻟﻤﻦ ﺟﺎ ﻗﺎﻝ ﻟﻴﻬﻢ ﺍﻧﺎ
ﺧﺎﻟﻪ .. ﻭﻧﺎﺱ ﺍﻟﺸﺮﻃﺔ ﺍﺳﺘﺒﺸﺮﻭﺍ ﻻﻧﻬﻢ ﻣﺎﻭﺻﻠﻮ ﻻﻱ ﺣﻘﺎﻳﻖ ﻣﻊ ﺍﻟﺠﻴﻠﻲ ..
ﻭﺣﺎﺑﺴﻨﻮ ﻻﻧﻬﻢ ﻣﻌﺘﻘﺪﻳﻦ ﺍﻧﻪ ﺣﻴﺴﺨﻦ ﻓﻴﻬﻮ ﺍﻟﺤﺒﺲ ﻭﺍﻟﻤﻌﺎﻣﻠﺔ
ﺍﻟﻘﺎﺳﻴﺔ ..ﻭﻳﻌﺘﺮﻑ .. ﺑﺎﻟﺤﻘﺎﻳﻖ ﻟﻜﻦ ﺍﻟﺠﻴﻠﻲ ..ﺛﺎﺑﺖ ﺯﻱ ﺍﻟﺠﺒﻞ .. ﺍﻟﻤﻬﻢ
ﺍﻟﺸﺮﻃﻪ ﻗﻌــﺪﻭ ﻣﻊ ﻋﻢ ﻣﻬﺪﻱ .. ﻭﻋﺎﻳﺰﻳﻦ ﻳﻔﻬﻤﻮ ﻣﻨﻪ .. ﺍﻟﺤﺎﺻﻞ ﻭﻗﺎﻝ
ﻟﻴﻬﻢ
ﺧﻠﻮﻧﻲ ﺍﺩﺧﻞ ﻋﻠﻴﻬﻮ .. ﺩﺧﻞ ﻋﻤﻚ ﻣﻬﺪﻱ ﻋﻠﻰ ﺍﻟﺠﻴﻠﻲ . ﻭﺍﻟﺠﻴﻠﻲ ﺣﻜﺎ ﻟﻴﻬﻮ
ﺍﻟﺤﺎﺻﻞ ﺑﺎﻟﺘﻔﺼﻴﻞ .. ﻋﻤﻚ ﻣﻬﺪﻱ ﻗﺎﻝ ﻟﻴﻬﻮ ﺍﻧﺖ ﻏﻠﻄﺎﻥ ﻟﻴﻪ ﺗﺸﻴﻞ ﻟﻴﻚ
ﺟﺮﻳﻤﺔ ﺍﻧﺖ ﻣﺎﻋﻤﻠﺘﻬﺎ ؟ﻗﺎﻝ ﻟﻴﻬﻮ ﻭﺍﻟﻠﻪ ﺍﻧﺎ ﻣﺎﻓﻜﺮﺕ ﻛﻮﻳﺲ ﻭﻛﻨﺖ ﻣﻠﺨﻮﻡ
ﻭﺻﺎﺣﻲ ﻣﻦ ﺍﻟﻨﻮﻡ .. ﺑﺲ ﺧﻔﺖ ﻋﻠﻴﻚ ﺍﻧﺖ ﺷﺪﻳﺪ ﻭﺧﻔﺖ ﻳﺴﺪﻭﻙ ﻓﻲ
ﺍﻟﺴﺠﻦ .
ﻭﺍﻧﺖ ﻇﺮﻭﻓﻚ ﻣﺎﺑﺘﺴﻤﺢ ﻭﻇﺮﻭﻑ ﺑﻨﺎﺗﻚ ﻭﻣﺴﺆﻟﻴﺎﺗﻚ ﺍﻧﺎ ﻣﺎﻋﻨﺪﻱ ﻣﺴﺆﻟﻴﺎﺕ
ﺯﻳﻚ.. ﻗﺎﻝ ﻟﻴﻬﻮ ﺍﻧﺖ ﻧﺴﻴﺖ ﺍﻧﻚ ﻣﺴﺎﺑﻖ ﻣﻊ ﺍﻟﺰﻣﻦ؟ ﻭﻟﻘﻴﺖ ﺍﻟﺸﻐﻞ
ﺑﺎﻟﺘﻠﺘﻠﺔ ؟ﻭﻫﺴﻊ ﻛﻔﻴﻠﻚ ﺟﺎﻳﻂ ﻭﺍﺣﺘﻤﺎﻝ ﻳﺴﻔﺮﻙ .. ﻗﺎﻝ ﻟﻴﻬﻮ ﺍﻧﺎ ﻣﺘﻮﻛﻞ ﻋﻠﻰ
ﺍﻟﻠﻪ ﻭﺍﻟﻴﺤﺼﻞ ﻳﺤﺼﻞ ..
ﺍﻟﻤﻬﻢ ﻋﻤﻚ ﻣﻬﺪﻱ ﻣﺸﻰ ﻗﻌﺪ ﻣﻊ ﺍﻟﻀﺒﺎﻁ ﻭﺣﻜﻰ ﻟﻴﻬﻢ ﺍﻧﻮ ﺍﻟﻮﻟﺪ ﺩﻩ ﺍﻟﺸﻨﻄﺔ
ﻣﺎﺣﻘﺘﻪ ﻭﺍﻟﺒﻨﻘﻮ ﻣﺎﺣﻘﻮ ..
ﻧﺤﻦ ﺍﻟﺤﻘﻴﻘﺔ ﻣﻌﺎﻧﺎ ﻭﻟﺪﻳﻦ ﺑﺪﺧﻨﻮ ﺑﻨﻘﻮ .. ﺑﺲ ﺍﻧﺎ ﺑﺸﻬﺪ ﺍﻧﻬﻢ ﻣﺎﺷﻐﺎﻟﻴﻦ
ﻓﻬﻴﻮ ﺗﺠﺎﺭﺓ .. ﻭﻻﺷﻲ ﺑﺴﻄﻠﻮ ﺑﺮﺍﻫﻢ ﻏﺎﻳﺘﻮ .. ﺍﻫﺎ ﺍﻇﻨﻬﻢ ﺭﻣﻮ ﺍﻟﻤﺨﺪﺭﺍﺕ
ﻓﻲ
ﺷﻨﻄﺘﻲ .. ﻭﺍﻟﺸﻨﻄﺔ ﺣﻘﺘﻲ ﻭﺍﻟﻮﻟﺪ ﺩﻩ ﻋﻤﻞ ﻛﺪﺍ ﻋﺸﺎﻥ ﻳﻄﻠﻌﻨﻲ ﺍﻧﺎ .. ﻃﺒﻌﺎ
"
ﻧﺎﺱ ﺍﻟﺸﺮﻃﺔ ﺍﺳﺘﻐﺮﺑﻮﺍ ﺟﺪﺍ ﻓﻲ ﺍﻟﺤﺎﻟﺔ ﺍﻟﻐﺮﻳﺒﺔ ﺩﻱ ..
ﻭﻗﺎﻟﻮ ﻟﻴﻬﻮ ﻧﺤﻦ ﻣﺎﺭﺍﺡ ﻧﻄﻠﻌﻮ ﻟﻴﻚ .. ﻻﻧﻮ ﻫﻮ ﺍﻋﺘﺮﻑ .. ﻟﻜﻦ ﺑﻴﻨﻬﻢ ﻭﺑﻴﻦ
ﺑﻌﺾ ﻋﺮﻓﻮﺍ ﺍﻧﻪ ﺍﻟﺠﻴﻠﻲ ﺑﺮﺉ .. ﺑﺲ ﻋﻨﺪﻫﻢ ﺭﺍﻱ .. ﺍﻟﺮﺍﻱ ﻫﻮ ﺍﻧﻬﻢ ﺻﺪﻗﻮﺍ
ﻛﻼﻡ ﻋﻤﻚ ﻣﻬﺪﻱ .. ﻭﻋﺎﻳﺰﻳﻦ ﻳﺮﻣﻮﺍ ﺍﻟﺸﺒﺎﺏ ﺍﻻﺗﻨﻴﻦ ﻓﻲ ﺷﺮﻙ ﺑﺎﻟﺜﺎﺑﺘﺔ ..
ﻋﺸﺎﻥ ﻭﺛﻴﻘﺔ ﺍﻻﺗﻬﺎﻡ ﺍﻟﻮﺻﻠﺖ ﺍﻟﻤﺤﻜﻤﺔ ﺗﺠﺮﻱ ﻣﺠﺮﺍﻫﺎ ﺍﻟﺼﺤﻴﺢ .. ﻭﺍﻟﻘﺼﺔ
ﻃﺎﻟﺖ ﻭﺟﺮﺟﺮﺓ .. ﻭﻓﻲ ﻭﺍﺣﺪ ﻣﻦ ﻧﺎﺱ ﺍﻟﺸﺮﻃﺔ ﺍﺗﻔﻖ ﻣﻊ ﻋﻤﻚ ﻣﻬﺪﻱ ﻋﻠﻰ
ﺍﻧﻮ ﺣﻴﺠﻲ ﻓﻲ ﺍﻟﺒﻴﺖ ﻓﻲ ﺷﻜﻞ ﺻﺪﻳﻖ .. ﻭﻳﻜﺸﻒ ﺍﻟﺤﻘﻴﻘﺔ ﺑﻨﻔﺴﻪ .. ﻭﺑﻘﻰ
ﻳﺠﻴﻬﻮ ﻓﻲ ﺍﻟﺒﻴﺖ ﻻﺑﺲ ﻣﻠﻜﻲ .. ﻭﻣﺎﺯﺍﻝ ﺍﻟﺠﻴﻠﻲ ﻓﻲ ﺍﻟﺤﺒﺲ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدر10
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: