لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدر6

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدر6   الأحد أبريل 27, 2014 9:05 am

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ ﺍﻟﺴﺎﺩﺳﻪ .. ..
ﺑﻌﺪ ﺍﻟﻨﺎﺱ ﻛﻠﻬﻢ ﺍﺗﻐﺪﻭ ﻓﻀﻠﺔ ﺧﻴﺮﻛﻢ ﻭﺷﺮﺑﻮﺍ ﺍﻟﺸﺎﻱ .. ﺍﻟﺰﻋﻴﻢ ﺩﺧﻞ ﻋﻠﻰ
ﺍﻟﻀﻴﻮﻑ ﻃﺒﻌﺎ ﺍﻟﺪﻳﻮﺍﻥ ﻓﻴﻬﻮ ﺣﻮﺵ ﻛﺒﻴﺮ ﻭﺑﺮﻧﺪﻩ ﺩﺍﺋﺮﻳﻪ ﻻﻓﺔ ﺣﻮﻝ ﺍﻟﺼﺎﻟﻮﻥ
ﻓﻲ ﺷﻜﻞ ( ﻳﻮ ) ﺑﺘﺸﻴﻞ ﻛﻤﻴﺔ ﻣﻦ ﺍﻟﻨﺎﺱ ﻓﻴﻬﺎ ﻣﺎﻻﻳﻘﻞ
ﻋﻦ ﺍﻟﺘﻼﺗﻴﻦ ﺳﺮﻳﺮ ﻣﻔﺸﺮ ﺑﺎﻻﺿﺎﻓﺔ ﻟﻠﺼﺎﻟﻮﻥ ﺍﻟﻠﻬﻮ ﺑﻜﻮﻥ ﻣﺨﺼﺺ ﻟﻠﻀﻴﻮﻑ
ﺫﻭﻱ ﺍﻟﻤﻘﺎﻡ ﺍﻟﺮﻓﻴﻊ ﺍﻟﻤﻬﻢ ﺍﻟﺰﻋﻴﻢ ﺩﺧﻞ ﻋﻠﻴﻬﻢ ﻭﺑﻘﻮ ﻳﺘﻮﻧﺴﻮ ..ﻃﻮﺍﻟﻲ
ﺍﺑﻮ ﻣﻌﺘﺼﻢ ﻓﺘﺢ ﺍﻟﻜﻼﻡ ﻭﻗﺎﻝ ﻟﻴﻬﻮ ﺣﻘﻴﻘﺔ ﻳﺎ ﺣﺎﺝ
ﺍﺣﻤﺪ ﻧﺤﻦ ﺟﺎﻳﻴﻨﻚ ﻭﺩﺍﻳﺮﻳﻦ ﺑﺪﺭﻳﻪ ﻟﻲ ﻣﻌﺘﺼﻢ ﻭﻟﺪﻱ .. ﻭﺍﻟﻨﺎﺱ ﻛﻠﻬﻢ
ﺑﺴﻤﻌﻮﺍ ﻓﻲ ﺍﻟﻜﻼﻡ .. ﺍﻟﻨﺎﺱ ﺍﻟﺒﺘﻮﻧﺴﻮﺍ ﺑﺮﺓ ﻓﻲ ﺍﻟﺒﺮﻧﺪﺍﺕ ﺳﻜﺘﻮ
ﺻﻨﻨﻨﻦ ..ﺍﻟﺰﻋﻴﻢ ﻗﺎﻝ ﻟﻴﻬﻮ .. ﻭﺍﻟﻠﻪ ﺷﺮﻑ ﻟﻲ ﻛﺒﻴﺮ ﺍﻧﻮ ﺍﻧﺘﻮ ﺗﻔﻜﺮﻭﺍ ﻣﺠﺮﺩ
ﺗﻔﻜﻴﺮ ﻓﻲ ﻧﺴﺒﻲ .. ﺍﻧﺎ ﻣﺎﺑﻘﺪﺭ ﺍﺭﻓﺾ ..
ﻭﻻﺑﻘﺪﺭ ﺍﻭﺍﻓﻖ ....ﻻﻧﻲ ﺩﺍﻳﺮ ﺯﻣﻦ ﻭﺗﺮﺟﻌﻮﺍ ﻟﻲ .. ﺍﺑﻮﻣﻌﺘﺼﻢ ﻗﺎﻝ ﻟﻴﻬﻢ
ﺯﻣﻦ ﻗﺪﺭ ﻛﻢ ﻳﻌﻨﻲ ..؟ ﻗﺎﻝ ﻟﻴﻬﻮ ﺳﻨﺔ ﻭﺗﻤﺎﻧﻴﺔ ﺷﻬﻮﺭ .. ﻗﺎﻝ ﻟﻴﻬﻮ ﺑﺲ ﺩﻩ
ﺯﻣﻦ ﻃﻮﻳﻞ .. ﻗﺎﻝ ﻟﻴﻬﻮ ﻭﺍﻟﻠﻪ ﺍﻥ ﺑﻘﻴﺘﻮ ﺭﺍﻏﺒﻴﻦ ﻓﻲ ﻧﺴﺒﻲ
ﺗﻨﺘﻈﺮﻭﻧﻲ ﻃﻮﻝ ﺍﻟﻤﺪﺓ ﺩﻱ .. ﻭﺍﻥ ﺑﻘﻰ ﺷﺎﻳﻔﻨﻬﺎ ﻃﻮﻳﻠﺔ .. ﻛﻤﺎﻥ ﺑﻨﺎﺕ ﺣﻮﺍﺀ
ﻣﺎﻟﻴﺎﺕ ﺍﻟﺒﻠﺪ .. ﻛﻠﻬﻢ ﺳﻜﺘﻮ .. ( ﻃﺒﻌﺎ ﺳﻨﺔ ﻭﺗﻤﺎﻧﻴﺔ ﺷﻬﻮﺭ ﺑﺘﻨﺘﻬﻲ ﺍﻟﻤﺪﺓ
ﺍﻟﻤﺪﻳﻬﺎ ﻟﻠﺠﻴﻠﻲ ﻻﻧﻮ ﻓﺎﺗﺖ ﻓﻴﻬﺎ ﺍﺭﺑﻌﺔ ﺷﻬﻮﺭ ) ..
ﻗﺎﻡ ﻣﻌﺘﺼﻢ ﻧﻄﻪ ﻗﺎﻝ ﻧﺤﻦ ﺑﻨﻨﺘﻈﺮ .. ﺍﻧﺎ ﻣﺎ ﻣﺴﺘﻌﺠﻞ .. ﺍﺑﻮﻫﻮ ﻗﺎﻝ ﻟﻴﻬﻮ
ﺍﻧﺖ ﻣﺘﺄﻛﺪ؟ ﺍﻧﺖ ﻛﻨﺖ ﻣﺴﺘﻌﺠﻞ ﻟﻠﻌﺮﺱ .. ﻗﺎﻝ ﻟﻴﻬﻮ ﻻ ﺑﻨﺘﻈﺮ .. ﺧﻼﺹ ﻳﺎ
ﺯﻋﻴﻢ ﺍﺧﺪ ﺭﺍﺣﺘﻚ ﻫﺴﻲ ﺍﻟﺴﻨﺔ ﻭﺗﻤﺎﻧﻴﺔ ﺷﻬﻮﺭ ﺑﺘﻤﺮ .. ﻭﻧﺤﻦ ﺭﺍﺟﻴﻦ ..
ﺑﻌﺪ ﺍﻟﺠﻤﺎﻋﺔ ﻓﺎﺗﻮ .. ﻧﺎﺱ ﺍﻟﺤﻠﺔ ﺩﺧﻠﻮ ﻋﻠﻰ ﺍﻟﺰﻋﻴﻢ .. ﻭﻗﺎﻟﻮ ﻟﻴﻬﻮ ﺍﻧﺖ
ﺑﺎﻟﺠﺪ ﺗﺴﺘﺎﻫﻞ ﺗﻜﻮﻥ ﺯﻋﻴﻤﻨﺎ ..
ﻣﺎﻏﺮﺗﻚ ﺍﻟﻤﻈﺎﻫﺮ .. ﻭﻻ ﺍﺧﺪﺗﻚ ﻫﻴﺒﺔ ﺍﻟﻘﺮﻭﺵ ..
ﻗﺎﻝ ﻟﻴﻬﻢ ﺍﻧﺎ ﻣﻦ ﺍﻟﻠﻪ ﺧﻠﻘﻨﻲ ﻣﺎ ﺧﻠﻔﺖ ﻣﻮﺍﻋﻴﺪﻱ ﺯﻭﻝ .. ﻛﻴﻒ ﺍﺧﻮﻥ ﺍﻟﺰﻭﻝ
ﺍﻟﺴﺎﻓﺮ ﻭﻫﺠﺎ ﻣﻦ ﺍﻟﺒﻠﺪ ﻋﺸﺎﻥ ﻳﻮﻓﻲ ﻟﻲ ﻣﻮﺍﻋﻴﺪﻱ .. ﺍﻛﻮﻥ ﻣﺎﻋﻨﺪﻱ ﺍﺧﻼﻕ
ﻭﻻﺫﻣﺔ .. ﻭﺍﻧﺎ ﻣﻨﺘﻈﺮ ﺍﻟﺠﻴﻠﻲ ﻟﻤﻦ ﻣﺪﺓ ﻭﻋﺪﻱ ﻣﻌﺎﻫﻮ
ﺗﻨﺘﻬﻲ ﻭﺗﺎﻧﻲ ﻣﺎﻋﻨﺪﻱ ﻟﻴﻬﻮ ﺣﺎﺟﺔ ..
ﻭﻃﺒﻌﺎ ﻭﺍﻟﺠﻴﻠﻲ ﻣﺎﻣﻨﻮ ﺧﺒﺮ .. ﻻﻣﻌﺮﻭﻑ ﺷﻐﺎﻝ ﻻﻣﻌﺮﻭﻑ ﻋﺎﻃﻞ ﻻﻣﻌﺮﻭﻑ
ﺑﺎﻗﻲ ﻋﻠﻰ ﺍﻟﻤﻮﺿﻮﻉ ﻭﻻ ﻏﻴﺮ ﺭﺍﻳﻮ ..
ﻭﻣﺎﺟﺎ ﻣﻨﻮ ﺍﻱ ﺟﻮﺍﺏ ﻭﻻﻓﻲ ﺯﻭﻝ ﻋﺎﺭﻑ ﻟﻴﻬﻮ ﻋﻨﻮﺍﻥ .. ﺑﺲ
ﻭﺍﻟﺨﺒﺮ ﻭﺻﻞ ﻟﻲ ﺑﺪﺭﻳﺔ ﻗﺎﻟﻮ ﻟﻴﻬﺎ ﺍﻟﻀﻴﻮﻑ ﺍﻟﺠﻮ ﺩﻳﻞ ﺟﻮ ﻳﺨﻄﺒﻮﻙ ﻭﺍﺑﻮﻙ
ﻗﺎﻝ ﻟﻴﻬﻢ .. ﺗﺠﻮﻧﻲ ﺑﻌﺪ ﺳﻨﺔ ﻭﺗﻤﺎﻧﻴﺔ ﺷﻬﻮﺭ .. ﺑﺪﺭﻳﺔ ﻗﺎﻟﺖ ﻟﻴﻬﻢ ﻳﺠﻮ
ﻟﺸﻨﻮ ؟
ﻗﺎﻟﻮ ﻟﻴﻬﺎ ﻋﺸﺎﻥ ﻟﻮ ﺍﻟﺠﻴﻠﻲ ﻣﺎﻭﺻﻞ ﻓﻲ ﺍﻟﻤﺪﺓ ﺩﻱ ﺍﻟﺰﻋﻴﻢ ﺑﻌﺮﺳﻚ ﻟﻲ
ﻣﻌﺘﺼﻢ . ﻭﺩ ﺍﻟﻮﺯﻳﺮ .
ﺑﺪﺭﻳﺔ ﻗﺎﻟﺖ ﺍﻟﺠﻴﻠﻲ ﺣﻴﺠﻲ ﺣﻴﺠﻲ .. ﻓﻲ ﺍﺛﻨﺎﺀ ﻣﺎ ﺑﺮﻳﺔ ﺑﺘﺘﻜﻠﻢ ﺑﺮﺍﻫﺎ ..
ﺍﻟﺰﻋﻴﻢ ﺟﺎ ﺩﺍﺧﻞ ﺻﻦ ﺳﻜﺘﺖ ..
ﻗﺎﻝ ﻟﻴﻬﺎ ﺳﻜﺘﻲ ﻣﺎﻟﻚ؟ ﻭﺍﺻﻠﻲ ﺍﺗﻜﻠﻤﻲ .. ﻭﺍﻟﻠﻪ ﺩﻩ ﺍﺧﺮ ﺍﻟﺰﻣﻦ .. ﺑﻘﺘﻦ
ﻛﻤﺎﻥ ﺗﺘﺤﺸﺮﻥ ﻓﻲ ﺍﻟﻌﺮﺱ ﻭﻏﻴﺮﻭ ..
ﺍﺳﻤﻌﻲ ﺍﻧﺎ ﻟﻤﻦ ﻗﻄﻌﺖ ﻟﻠﺠﻴﻠﻲ ﻭﻋﺪ ﻣﺎﻋﺸﺎﻥ ﺩﺍﻳﺮﻭ .. ﻻ ﺑﺲ ﻋﺸﺎﻥ
ﺍﻋﺠﺰﻭ ﻭﺍﻗﻨﻌﻮ .. ﻟﻜﻦ ﻫﻮ ﻃﻠﻊ ﺭﺍﺟﻞ ﻭﻭﺍﻓﻖ .. ﻭﻣﺸﻰ ﺿﺮﺏ ﺍﻻﺭﺽ ﻋﺸﺎﻥ
ﻳﻘﺪﺭ ﻳﺠﻴﺐ ﺣﻖ ﻳﺴﺘﺤﻘﻚ ﺑﻴﻬﻮ .. ﻭﺍﻧﺎ ﻋﻠﻰ ﻭﻋﺪﻱ ﻣﻊ
ﺍﻟﺠﻴﻠﻲ ﻭﻣﻊ ﻧﺎﺱ ﻣﻌﺘﺼﻢ ﻭﺍﺑﻮﻩ .. ﻛﺎﻥ ﺍﻟﺠﻴﻠﻲ ﺟﺎ ﻓﻲ ﻣﻮﺍﻋﻴﺪﻭ ﻭﺟﺎﺏ
ﻃﻠﺒﺎﺗﻲ .. ﺍﻧﺘﻲ ﻣﺮﺗﻮ ﺑﺪﻭﻥ ﻧﻘﺎﺵ ..
ﻭﻛﺎﻥ ﺍﺗﺄﺧﺮ ﻳﻮﻡ ﻭﺍﺣﺪ .. ﺍﻭ ﻣﺎﻗﺪﺭ ﻳﻮﻓﻲ ﺑﺎﻟﺸﺮﻭﻁ ﺍﻧﺖ ﺡ ﻳﺘﺰﻭﺟﻚ
ﻣﻌﺘﺼﻢ .. ﺍﻟﻜﻼﻡ ﺩﻩ ﻭﺍﺿﺢ ﻭﻣﺎﻣﺤﺘﺎﺝ ﻧﻘﺎﺵ .. ﻭﺗﺎﻧﻲ ﻣﺎﺗﻔﺘﺤﻲ ﺧﺸﻤﻚ ﻓﻲ
ﺍﻟﻤﻮﺿﻮﻉ ﺩﻩ ﻻ ﺍﻧﺘﻲ ﻭﻻ ﺍﻣﻚ ..
ﺑﺪﺭﻳﺔ ﺑﻘﺖ ﻗﺎﻋﺪﺓ ﻣﺘﻮﺗﺮﺓ ﻭﻣﺎﻋﺎﺭﻓﺔ ﺗﻌﻤﻞ ﺷﻨﻮ ﻭﺧﺎﻳﻔﺔ ﻣﻦ ﺍﻧﻮ ﺍﻟﺠﻴﻠﻲ
ﻣﺎﻳﻘﺪﺭ ﻻﻧﻮ ﻓﻌﻼ ﺍﻟﻄﻠﺒﺎﺕ ﺻﻌﺒﺔ ﻭﺗﻌﺠﻴﺰﻳﺔ .. ﻭﻛﻮﻧﻬﺎ ﺗﺘﺰﻭﺝ ﻏﻴﺮ ﺍﻟﺠﻴﻠﻲ
ﺩﻩ ﺍﺧﻴﺮ ﻣﻨﻮ ﺍﻟﻤﻮﺕ ..
ﺗﺎﻧﻲ ﻳﻮﻡ ﻣﺸﺖ ﻟﻲ ﺻﻔﻴﺔ ﻭﻗﺎﻟﺖ ﻟﻴﻬﺎ ﻳﺎﺻﻔﻴﺔ ﺍﻟﺠﻴﻠﻲ ﻣﺎﺭﺳﻞ ﺍﻱ
ﺭﺳﺎﻟﺔ .؟ ﻗﻼﺕ ﻟﻴﻬﺎ ﺍﺑﺪﺍ " ﻭﺍﻟﻠﻪ ﻧﺤﻦ ﺯﺍﺗﻮ ﺷﻔﻘﻨﺎ ﺍﻟﻨﺎﺱ ﺍﻟﻔﻲ ﺍﻟﺴﻌﻮﺩﻳﺔ
ﻛﻠﻬﻦ ﻗﺎﻟﻮ ﻣﻮﻥ ﻋﺎﺭﻓﻴﻨﻮ ﺳﺎﻛﻦ ﻓﻲ ﻳﺎﺗﻮ ﺣﻲ ﻭﻻ ﺷﻐﺎﻝ ﻭﻳﻦ ..
ى ﻣﺎﻋﺎﺭﻓﻴﻦ ﻟﻴﻨﺎ ﻋﻨﻮﺍﻥ ﻧﺮﺍﺳﻠﻪ ﺑﻴﻬﻮ ﺍﻟﺰﻭﻝ ﺩﻩ ﻓﻌﻼ ﺑﺎﻟﻎ ﻣﻌﻘﻮﻝ
ﺍﻟﻔﺘﺮﺓ ﺩﻱ ﻛﻠﻬﺎ ..
ﻭﺍﻟﺤﻘﻴﻘﺔ ﻃﺒﻌﺎ ﺍﻟﺠﻴﻠﻲ ﺍﺣﻮﺍﻟﻪ ﺑﻲ ﻏﺎﺩﻱ ﻣﺤﺘﺎﺟﺔ ﻟﺮﻭﺍﻳﺔ ﻗﺎﻳﻤﺔ ﺑﻲ
ﺯﺍﺗﻬﺎ ..
ﻭﻧﺤﻦ ﺍﻟﺤﻠﻘﺔ ﺍﻟﺠﺎﻳﺔ ﺭﺍﺡ ﻧﻤﺸﻲ ﺍﻟﺴﻌﻮﺩﻳﺔ ﻧﺸﻮﻓﻮ ﻭﻧﺸﻮﻑ ﺍﺧﺒﺎﺭﻩ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدر6
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: