لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدرح3

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدرح3   الأحد أبريل 27, 2014 9:04 am

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ ﺍﻟﺘﺎﻟﺘﺔ ..
ﻭﻛﺘﻦ ﻣﺸﺖ ﺑﺪﺭﻳﺔ ﻋﺸﺎﻥ ﺗﻜﻠﻢ ﺍﻣﻬﺎ ﺑﺎﻟﻤﻮﺿﻮﻉ . ﻟﻘﺖ ﺍﻣﻬﺎ ﻣﺘﺤﻨﻨﺔ ﻭﺍﻟﻮﺍﻃﺎ
ﻋﺼﺮ . ﻭﻟﻘﺘﻬﺎ ﺑﺮﺍﻫﺎ . ﻗﻌﺪﺕ ﺟﻤﺒﻬﺎ ﻭﺗﻔﺮﻙ ﻓﻲ ﻳﺪﻳﻨﻬﺎ .. ﻭﺍﻻﻡ ﺗﺒﻞ ﺑﻲ ﻓﻲ
ﺍﺻﺒﻌﺎﻫﺎ ﺑﻲ ﺭﻳﻘﺎ ﻭﺗﻬﺒﺶ ﻓﻲ ﺍﻟﺤﻨﺔ.
ﻭﺗﺘﻔﺘﻒ . ﻗﺎﻟﺖ ﻟﻴﻬﺎ : ﻣﺎﻟﻚ ﻳﺎﺑﺪﺭﻳﺔ .. ﻻﺯﻡ ﺣﺎﺻﻠﻪ ﻟﻚ ﻣﺸﻜﻠﺔ . ﻗﺎﻟﺖ ﻟﻴﻬﺎ
ﻳﻤﻪ ﻳﺎﺣﺒﻴﺒﺘﻲ ﺍﻧﺎ ﺩﺍﻳﺮ ﺍﻗﻮﻟﻚ ﻛﻼﻡ .. ﻋﻼ ﺧﺎﻳﻔﺎﻙ ﺗﻘﻬﻤﻴﻨﻲ ( ﺗﺤﺮﺟﻴﻨﻲ ) .
ﻗﺎﻟﺖ ﻗﻮﻟﻲ ﺍﻧﺎ ﺍﻣﻚ ﻳﺎﺑﺖ ..
ﻗﺎﻟﺖ ﻟﻬﺎ ﺍﻟﺠﻴﻠﻲ ﺍﺧﻮ ﺻﻔﻴﺔ ﺻﺎﺣﺒﺘﻲ ﺑﺘﻌﺮﻓﻴﻬﻮ ؟
ﺍﻣﻬﺎ ﻗﺎﻟﺖ ﻟﻴﻬﺎ ﺑﻠﺤﻴﻞ ﺑﻌﺮﻓﻮ ﻣﺎﻟﻮ ؟ ﻗﺎﻟﺖ ﻟﻬﺎ ﺻﻔﻴﻪ ﻗﺎﻟﺖ ﺑﻨﻀﻢ ﺑﻲ ﺍﻧﺎ
ﻃﻮﺍﻟﻲ ..
ﻗﺎﻟﺖ ﻟﻬﺎ ﻳﻨﻀﻢ ﻃﻮﺑﻮ .. ﺑﻨﻀﻤﺒﻚ ﻣﺎﻟﻮ؟
ﻗﺎﻟﺖ ﻟﻴﻬﺎ ﻗﺎﻟﻮ ﺑﺪﻭﺭﻧﻲ ..
ﻗﺎﻟﺖ ﻟﻬﺎ ﻳﺪﻭﺭ ﺑﻚ ﺷﻨﻮ ؟ ﺗﺪﻭﺭ ﻓﻮﻗﻮ ﺍﻟﻌﺼﺎﺭﻩ .. (ﺩﻱ ﻋﺼﺎﺭﺓ ﺍﻟﺰﻳﺖ
ﺑﺴﻮﻗﻬﺎ ﺍﻟﺠﻤﻞ ) ﻫﻬﻬﻪ
ﻏﺎﻳﺘﻮ ﺍﻟﻤﺮﺓ ﺩﻱ ﺩﺍﻋﺎﻳﻪ ﺩﻋﺎ !!
ﻗﺎﻟﺖ ﻟﻬﺎ ﻳﻤﻪ ﻣﺎﺗﺪﺍﻋﻴﻬﻮ ﺍﻧﺎ ﺯﺍﺗﻲ ﺑﺮﻳﺪﻭ ..
ﻗﺎﻟﺖ ﻟﻬﺎ ﺍﻟﻠﻪ ﺍﻟﻠﻪ .. ﺑﺘﻲ ﺍﻧﺎ ﻛﻤﺎﻥ ﺑﺘﺘﻜﻠﻢ ﻛﺪﻱ .. ﻳﺎﺑﺖ ﺍﻧﺘﻲ ﺍﻟﻜﻼﻡ ﺩﻩ
ﻟﺴﻊ ﻣﺎﺑﻘﻴﺘﻲ ﻟﻴﻬﻮ .
ﺑﻌﺪﻳﻦ ﺍﻟﺠﻴﻠﻲ ﺷﻨﻮ ﻛﻤﺎﻥ ﺍﻟﺒﺘﺴﻤﻲ ﺑﻴﻬﻮ ..
ﻗﺎﻟﺖ ﻟﻴﻬﺎ ﻭﺍﻟﻠﻪ ﻳﺎ ﺍﻣﻲ ﺍﻧﺎ ﺑﺮﻳﺪﻭ ﺍﻛﺘﺮ ﻣﻤﺎ ﻫﻮ ﺑﺮﻳﺪﻧﻲ ﻭﻣﺎﺑﻌﺮﺱ ﻏﻴﺮﻭ
ﻛﻠﻮ ﻛﻠﻮ ..
ﻭﻛﺎﻥ ﻭﻗﻔﺘﻮ ﺿﺪﻱ ﻓﻲ ﺍﻟﻤﻮﺿﻮﻉ ﺩﻩ ﺑﻨﺘﺤﺮ ﺑﻨﺘﺤﺮ .. ﺩﻩ ﻛﻼﻣﻲ ﻭﺍﺳﻤﻌﻴﻬﻮ ..
ﻗﺎﻟﺖ ﻟﻴﻬﺎ ﻳﻌﻨﻲ ﺑﺘﻬﺪﺩﻳﻨﻲ ﻳﺎ ﺑﺪﺭﻳﺔ ..
ﻣﺎﺗﻨﺘﺤﺮﻱ ﻛﺎﻥ ﻣﻨﺘﺤﺮﻩ .. ﺑﻌﺪﻳﻦ ﻳﺎﺑﺘﻲ ﺍﻻﻣﻮﺭ ﻣﺎﺑﺤﻠﻮﻫﺎ ﻛﺪﻱ ..
ﺍﻧﺘﻲ ﻛﺪﻱ ﺍﺻﺒﺮﻱ ﺷﻮﻳﺔ ﻭﺍﻋﺮﻓﻲ ﺍﻟﻮﻟﺪ ﻭﺍﺧﻼﻗﻮ ..
ﻭﺍﻋﺮﻓﻴﻬﻮ ﺑﻘﺪﺭ ﻳﻌﻴﺸﻚ ﺯﻱ ﺍﻟﻌﻴﺸﺔ ﺍﻟﻌﺎﻳﺸﺎﻫﺎ ﻋﻨﺪ ﺍﻫﻠﻚ .. ﺩﻩ ﺯﻭﻝ ﻓﻘﺮﺍﻥ
ﻭﻣﻘﻄﻊ ..
ﻭﺍﻟﻠﻪ ﻳﻌﻴﺸﻚ ﺑﺎﻟﺠﻮﻉ ﻭﻳﺒﻴﺘﻚ ﺍﻟﻘﻮﺍ ..
ﻗﺎﻟﺖ ﻟﻴﻬﺎ ﻳﺎﻳﻤﻪ ﺍﻧﺎ ﻗﺒﻼﻧﻪ ﺑﺎﻱ ﻭﺿﻊ ﺑﺲ ﺍﻟﺰﻭﻝ ﺩﻩ ﺍﻧﺎ ﺩﺍﻳﺮﺍﻫﻮ ﺩﺍﻳﺮﺍﻫﻮ ..
ﺍﻧﺎ ﺑﻌﺮﻓﻮ ﻣﻦ ﺍﻧﺎ ﺷﺎﻓﻌﺔ ..
ﺍﻧﺎ ﻣﻦ ﻣﺘﻴﻦ ﻣﻊ ﺻﻔﻴﺔ ﻫﺴﻊ ﺗﻤﻴﺖ ﻣﻌﺎﻫﺎ ﺧﻤﺴﺔ ﺳﻨﻴﻦ ﻭﻧﺤﻦ ﺍﺻﺤﺎﺏ ﻳﻮﻡ
ﻫﻲ ﻣﻌﺎﻱ ﻭﻳﻮﻡ ﺍﻧﺎ ﻣﻌﺎﻫﺎ ﺑﺎﻗﻲ ﻟﻴﻚ ﻣﺎﺑﻌﺮﻑ ﺍﺧﻮﻫﺎ .. ﻭﺍﻟﻠﻪ ﺭﺍﺟﻞ ﺑﻲ
ﻣﻌﻨﻲ ﺍﻟﻜﻠﻤﺔ
ﻭﺍﻧﺎ ﻓﻲ ﺍﻟﺤﻠﺔ ﺩﻱ ﻣﺎﺷﺎﻳﻔﺔ ﺭﺍﺟﻞ ﺑﺸﺒﻬﻮ ﻭﻻﺭﺍﺟﻞ ﺑﻘﺮﺏ ﻟﻴﻪ.
ﺍﻣﻬﺎ ﺑﻘﺖ ﺗﻌﺎﻳﻦ ﻟﻴﻬﺎ ﻭﻟﻘﺖ ﺍﻟﺒﺖ ﻣﻮﺿﻮﻋﻬﺎ ﻣﻮﻛﺮ ﺷﺪﻳﺪ ﻭﻣﺴﺘﻌﺼﻲ ﻏﺎﻳﺔ
ﺍﻻﺳﺘﻌﺼﺎﺀ ..
ﻭﻓﻜﺮﺕ ﻟﻮ ﻛﻠﻤﺖ ﺍﺑﻮﻫﺎ .. ﺍﺑﻮﻫﺎ ﺑﻌﻤﻞ ﻣﺸﻜﻠﺔ ﻛﺒﻴﺮﺓ ﻭﺭﺑﻤﺎ ﺗﺄﺛﺮ ﻋﻠﻰ
ﺍﻟﺒﺖ ..
ﻭﺍﻟﺒﺖ ﺑﺖ ﻋﻨﻴﺪﺓ ﻭﻣﺪﻟﻌﺔ .. ﻭﻣﻤﻜﻦ ﺟﺪﺍ ﺗﻌﻤﻞ ﻓﻲ ﺭﻭﺣﻬﺎ ﺣﺎﺟﺔ ﻣﺎﻳﺎﻫﺎ ..
ﻻﻧﻬﺎ ﻟﺴﻊ ﻃﺎﻳﺸﺔ ﻭﻃﺒﻌﺘﻬﺎ ﺻﻌﺒﺔ ﺍﺳﺎﺳﺎ " ﻭﺍﺭﺛﺎﻫﻮ ﻣﻦ ﺍﺑﻮﻫﺎ .. ﻭﺍﻣﻬﺎ
ﻋﺎﺭﻓﺔ ﻛﺪﺍ ﻛﻮﻳﺲ ..
ﻭﺍﻟﻤﻮﺿﻮﻉ ﻓﻲ ﺍﻟﻨﻬﺎﻳﺔ ﺣﺴﺎﺱ ﺟﺪﺍ ..
ﻓﻘﺎﻣﺖ ﺍﻣﻬﺎ ﻓﻜﺮﺕ ﻭﻗﺎﻟﺖ ﻟﻴﻬﺎ ﺧﻼﺹ ﻳﺎ ﺑﺪﺭﻳﺔ ﺍﻧﺎ ﻣﻮﺍﻓﻘﺔ ﻋﻠﻰ ﺍﻟﻤﻮﺿﻮﻉ
ﻣﻮﺍﻓﻘﺔ ﻣﺒﺪﺋﻴﺔ ﻟﻜﻦ ﻃﺎﻟﺒﺔ ﻣﻨﻚ ﻃﻠﺐ ..
ﺍﻟﻜﻼﻡ ﺩﻩ ﻫﺴﻊ ﻣﺎﻧﻜﻠﻢ ﺑﻴﻬﻮ ﺍﺑﻮﻙ . ﻟﻐﺎﻳﺔ ﻣﺎ ﺗﺘﺄﻛﺪﻱ ﻭﺗﺸﻮﻓﻲ ﻗﺮﺍﺭﻙ
ﺍﻻﺧﻴﺮ ..
ﺍﻧﺎ ﻣﻦ ﻧﺎﺣﻴﺔ ﺍﺩﺑﻮ ﻭﺍﺧﻼﻗﻮ ﻭﺍﺛﻘﺔ ﻓﻴﻬﻮ ﻭﻋﺎﺭﻓﺎﻫﻮ ﻣﻦ ﺷﺎﻓﻊ .. ﻟﻜﻦ
ﺍﻟﻤﺸﻜﻠﺔ ﻛﻠﻬﺎ ﺍﻟﻔﻠﺲ ﺍﻟﻠﻌﻴﻦ ..
ﻗﺎﻟﺖ ﻟﻴﻬﺎ ﺧﻼﺹ ﻳﺎ ﺍﻣﻲ ﺍﻧﺘﻲ ﻛﻠﻤﻲ ﺍﺑﻮﻱ ﺣﺒﺔ ﺣﺒﺔ .. ﻣﺎﺗﺮﻣﻴﻬﺎ ﻟﻴﻬﻮ ﺭﺏ
ﻛﺪﺍ .. ﻳﻌﻨﻲ ﺍﻧﺘﻲ ﺑﺘﻌﺮﻓﻲ ﺗﻘﻨﻌﻲ ﺍﺑﻮﻱ ..
ﻗﺎﻟﺖ ﻟﻴﻬﺎ ﺍﻧﺴﻲ ﺍﻟﻤﻮﺿﻮﻉ ﺑﺘﺎﻉ ﺍﺑﻮﻙ ﺩﻩ ﻋﻠﻲ ﺍﻧﺎ .. ﺑﺲ ﺍﻧﺘﻲ ﺍﻋﻤﻠﻲ
ﺣﺴﺎﺑﻚ ﻋﻠﻰ ﺭﻭﺣﻚ ..
ﻣﺎﺗﺨﻴﺒﻲ ﻇﻨﻲ ﻓﻴﻚ .. ﻭﺗﻤﺸﻲ ﺗﺠﺮﻱ ﻭﺭﺍ ﺍﻟﻮﻟﺪ ..
ﻗﺎﻟﺖ ﻟﻴﻬﺎ ﺍﻧﺎ ﺑﺘﻚ ﺁﻟﺰﻋﻴﻢ .. ﺩﻱ ﻣﻨﻮ ﺍﻟﺒﺘﺠﺮﻱ ﻭﺭﺍ ﺍﻻﻭﻻﺩ .. ﻭﺣﺎﺕ ﺍﻟﻠﻪ ﻳﺎ
ﺍﻣﻲ ﻟﻐﺎﻳﺔ ﺍﻟﻠﻴﻠﺔ ﻣﺎﻗﺎﺑﻠﻨﻲ ﻭﺵ ﻟﻮﺵ .. ﻭﻻ ﺍﺗﻜﻠﻢ ﻣﻌﺎﻱ ﻭﻻ ﺍﺗﻜﻠﻤﺖ
ﻣﻌﺎﻫﻮ .. ﺑﺲ ﺑﺸﻮﻑ ﻛﻼﻣﻮ ﻣﻊ ﺍﻣﻮ ﻭﺍﺧﺘﻮ ﻭﻧﺎﺱ ﺍﻟﺒﻴﺖ .. ﻋﺸﺎﻥ ﻛﺪﺍ ﺭﺩﺗﻮ
ﻣﻦ ﺟﻮﺓ ﻗﻠﺒﻲ ..
ﻗﺎﻟﺖ ﻟﻴﻬﺎ ﺍﻧﺎ ﻟﻮ ﻋﻨﺪﻱ ﻓﻴﻚ ﺷﻚ ﻗﺪﺭ ﺩﻩ ( ﻭﻣﺪﺕ ﺍﻟﺴﺒﺎﺑﻪ ﻟﻔﻮﻕ ) ﻣﺎﻛﻨﺖ
ﺑﺨﻠﻴﻚ ﺗﺎﻧﻲ ﺗﻤﺸﻲ ﻟﻲ ﺑﻴﺖ ﺍﻟﻨﺎﺱ ﺩﻳﻞ ..
ﺍﻟﻤﻬﻢ ﺑﺪﻭﺭ ﻓﺮﺣﺖ ﺷﺪﻳﺪ ﻭﻇﻨﺖ ﺍﻧﻮ ﺍﻣﻬﺎ ﺩﺍﻋﻤﺎﻫﺎ ﻭﻣﻮﺍﻓﻘﺔ ﻋﻠﻰ ﺍﻟﺠﻴﻠﻲ ..
ﻭﺍﻻﻡ ﻣﻦ ﺍﻟﻮﻛﺖ ﺩﺍﻙ ﻭﺷﺎﻟﺖ ﺍﻟﻬﻢ ﻭﺑﺪﺕ ﺗﻔﻜﺮ ﻓﻲ ﺍﻟﺘﻔﺎﻛﻴﺮ ﺍﻟﻄﻮﻳﻠﺔ
ﻭﻋﺮﻳﻀﺔ ..
ﻭﻣﻦ ﺍﻟﻴﻮﻡ ﺩﺍﻙ ﻭﺑﺪﻭ ﻋﺎﻳﺸﺔ ﻓﻲ ﺍﻟﺤﺐ ﻭﺍﻟﺮﻳﺪ .. ﻭﻛﻞ ﻳﻮﻡ ﺗﺰﺩﺍﺩ ﻫﻴﺎﻡ
ﻭﺷﺠﻦ ..
ﻭﺗﺸﻜﻲ ﻣﻦ ﻃﻮﻝ ﺍﻟﺒﻌﺎﺩ .. ﻭﺭﺍﺟﻴﺔ ﺍﻣﻬﺎ ﺗﻜﻠﻢ ﺍﺑﻮﻫﺎ ..
ﻭﻛﻞ ﻳﻮﻡ ﺗﺴﺎﻟﻬﺎ ﻳﺎ ﺍﻣﻲ ﻣﺎﻛﻠﻤﺘﻲ ﺍﺑﻮﻱ ؟
ﺗﻘﻮﻝ ﻟﻴﻬﺎ ﺍﺻﺒﺮﻱ . ﺍﻧﺎ ﺷﻐﺎﻟﺔ ﻟﻴﻚ ﻓﻲ ﺍﻟﻤﻮﺿﻮﻉ ﺣﺒﺔ ﺣﺒﺔ ﻣﺎﺗﺴﺘﻌﺠﻠﻲ
ﻋﺸﺎﻥ ﺍﻻﻣﻮﺭ ﻣﺎﺗﺒﻮﻅ .
.ﺍﻫﺎ ﺍﻟﺠﻴﻠﻲ ﻃﺒﻌﺎ ﻓﻮﻕ ﺍﻟﻘﻮﺯ ﺭﺟﻊ ﻃﺒﻴﻌﻲ ﻭﺑﻘﻰ ﺯﻭﻝ ﺑﺸﻮﺵ ﻭﻳﺘﻮﻧﺲ ..
ﻭﺑﺤﻜﻲ ﻭﺑﻀﺤﻚ .. ﻭﺻﺎﺣﺒﻮ ﻗﺴﻢ ﻻﺣﻆ ﺍﻟﻤﻮﺿﻮﻉ ﺩﻩ ﻭﺣﺲ ﺑﺎﻧﻮ ﺍﻣﻮﺭﻭ
ﻣﺎﺷﺔ ﺗﻤﺎﻡ ﺑﻌﺪ ﻛﻢ ﻳﻮﻡ ﻛﺪﺍ ﻧﺎﺩﺍﻫﻮ ﺑﺮﺍﻫﻮ ﻭﺳﺎﻟﻪ .. ﻗﺎﻝ ﻟﻴﻬﻮ ﻣﻮﺿﻮﻋﻚ
ﺍﻟﺤﻜﻴﺘﻮ ﻟﻲ ﻣﺎﺷﻲ ﻛﻴﻒ ؟
ﻗﺎﻝ ﻟﻴﻬﻮ ﻭﺍﻟﻠﻪ ﺍﻟﺤﻤﺪ ﻟﻠﻪ .. ﺍﻻﻣﻮﺭ ﻇﺎﺑﻄﺔ ﻟﻐﺎﻳﺔﻫﺴﻲ ﻭﻛﻼﻣﻚ ﺻﺢ ..
ﻋﻼﻗﺘﻲ ﺑﻲ ﺻﻔﻴﺔ ﺧﺪﻣﺖ ﺍﻟﻤﻮﺿﻮﻉ ﺧﺪﻣﺔ ﻋﺠﻴﺒﺔ .. ﻋﺎﺭﻑ ﻃﺮﻳﻘﺔ ﺍﻟﺘﻮﺍﺻﻞ
ﺍﻟﻤﻌﺘﺎﺩﺓ ؟
ﺍﻧﺎ ﺑﺘﻮﻧﺲ ﻣﻊ ﺻﻔﻴﺔ ﻋﻦ ﺑﺪﺭﻳﺔ .. ﺑﺪﺭﻳﺔ ﺗﺸﻴﻞ ﺍﻟﻮﻧﺴﺔ ﺑﺎﻟﻜﺮﺑﻮﻥ ﻟﻲ
ﺑﺪﺭﻳﺔ ...
ﺑﺪﺭﻳﺔ ﺗﺘﻮﻧﺲ ﻣﻊ ﺻﻔﻴﺔ ﻋﻨﻲ .. ﺻﻔﻴﺔ ﺗﺸﻴﻞ ﻭﻧﺴﺔ ﺑﺪﺭﻳﺔ ﺗﺠﻴﺒﻬﺎ ﻟﻲ..
ﻫﻬﻬﻬﻪ
ﻭﺍﻟﻠﻪ ﻗﻤﺔ ﺍﻟﻨﻘﺎﺀ ﻓﻲ ﺍﻟﺘﻮﺍﺻﻞ .. ﻻﺭﺳﺎﻳﻞ ﻧﺼﻴﺔ ﺗﺎﻓﻬﺔ ﻭﻻﻭﺍﺗﺴﺎﺏ
.. ﻳﻌﻨﻲ ﺗﻮﺍﺻﻞ ﻣﻬﺬﺏ .. ﻻﻧﻪ ﺍﻟﻮﺳﻴﻠﺔ ﺍﻟﻨﺎﻗﻠﺔ ﻫﻲ ﺍﻻﺧﺖ ﺭﻣﺰ ﺍﻟﻌﻔﺔ
ﻭﺍﻻﺣﺘﺮﺍﻡ ..
ﻭﻫﻨﺎﻙ ﻣﺎﺯﺍﻟﺖ ﺑﺪﺭﻳﺔ ﻣﻀﺎﻳﻘﺔ ﺍﻣﻬﺎ ﻓﻲ ﺍﻧﻬﺎ ﺗﻜﻠﻢ ﺍﺑﻮﻫﺎ ﻭﺍﻣﻬﺎ ﺗﺼﺒﺮ ﻓﻴﻬﺎ
ﻟﻐﺎﻳﺔ ﻣﺎﺣﺼﻞ ﺍﻟﺤﺼﻞ ..
ﺍﻟﻰ ﺍﻟﻠﻘﺎﺀ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدرح3
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: