لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدر ح22

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدر ح22   الأحد أبريل 27, 2014 9:17 am

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 22 ..
ﻓﻲ ﺣﺎﺟﺔ ﻏﺮﻳﺒﺔ ﺣﺼﻠﺖ ﺍﻟﻠﻴﻠﻪ ﺍﻟﺼﺒﺎﺡ ,ﺍﻟﺤﺼﻞ ﻛﺎﻻﺗﻲ .. ﻓﻲ ﻭﺍﺣﺪ ﺑﺘﺎﻉ
ﻛﺎﺭﻭ .. ﺟﺎ ﻭﻗﻒ ﺍﻟﺼﺒﺎﺡ ﻗﺒﻞ ﺍﻟﺸﻤﺲ ﻣﺎﺗﺸﺮﻕ .. ﻭﻗﻒ ﻗﺪﺍﻡ ﺑﻴﺖ ﻧﺎﺱ
ﺍﻟﺠﻴﻠﻲ ..ﺍﺳﺎﺳﺎ ﺍﻟﺠﻴﻠﻲ ﺍﻟﻠﻴﻞ ﻛﻠﻮ ﻣﺎﻧﺎﻡ .. ( ﻳﺎﺭﺑﻲ ﺑﺪﺭﻳﺔ .. ﺩﻱ ﺗﻜﻮﻥ
ﺣﺼﻞ ﻟﻴﻬﺎ ﺷﻨﻮ؟ ﻳﺎﺭﺑﻲ ﺣﻴﻪ ﻭﻟﻼ ﻣﻴﺘﺔ .. ﻳﺎﺭﺑﻲ ﻳﺎﺭﺑﻲ ﺍﻟﻠﻴﻞ ﻛﻠﻮ ) ..
ﺍﻫﺎ ﺍﻟﺰﻭﻝ ﺍﻟﺠﺎ . ﺩﻩ ﻗﺎﻝ ﺍﻧﺎ ﺩﺍﻳﺮ ﺍﻟﺠﻴﻠﻲ .. ﻧﺎﺩﻭﻫﻮ ﻟﻴﻬﻮ .. ﺳﻠﻢ ﻋﻠﻴﻬﻮ
ﻭﺍﻟﺠﻴﻠﻲ ﻣﺎﻋﺮﻓﻮ .. ﻗﺎﻝ ﻟﻴﻬﻮ ﻛﻴﻔﻚ ﻳﺎ ﺍﻟﺠﻴﻠﻲ .. ﺍﻧﺎ ﺩﺣﻴﻦ ﺑﺘﻌﺮﻓﻨﻲ؟ ﻗﺎﻝ
ﻟﻴﻬﻮ ﻭﺍﻟﻠﻪ ﺷﺎﻳﻔﻚ .. ﻟﻜﻦ ﻭﻳﻦ ﻣﺎﻋﺎﺭﻑ .. ﻗﺎﻝ ﻟﻴﻬﻮ ﺍﻧﺎ ﻋﺒﻮﺩ ﻭﺩ
ﺍﻟﻠﺤﻤﺮ . ﻣﻦ ﺍﻟﺤﻠﻪ ﺍﻟﻔﻼﻧﻴﻪ . ﻋﻨﺪﻧﺎ ﻣﺸﻮﺍﺭ ﻓﻲ ﺯﻭﻝ ﺩﺍﻳﺮﻙ ﺿﺮﻭﺭﻱ ..
ﻭﻣﺮﺳﻠﻨﻲ ﻟﻴﻚ ﺗﺼﻠﻮ ﻫﺴﺴﺴﻊ ﺩﻱ ..
ﺍﻟﺠﻴﻠﻲ ﻗﺎﻝ ﻟﻴﻬﻮ ﺍﻟﺰﻭﻝ ﻣﻨﻮ ﺍﻟﺪﺍﻳﺮﻧﻲ ؟ ﻭﻭﻳﻦ ﺍﻟﺰﻭﻝ ﻫﺴﻲ ..؟
ﻭﺍﻟﻤﻮﺿﻮﻉ ﺷﻨﻮ ﺑﺎﻟﻀﺒﻂ .. ﻗﺎﻝ ﻟﻴﻬﻮ ﺃﻧﺎ ﻣﺎﻋﺎﺭﻑ ﺍﻱ ﺣﺎﺟﺔ . ﺑﺲ ﺍﻧﺖ
ﺍﺭﻛﺐ ﻣﻌﺎﻱ ﻓﻮﻕ ﺍﻟﻜﺎﺭﻭ ﻭﺍﺭﺡ .. ﻭﺍﻛﺎﻥ ﻣﺎ ﻣﺎﺷﻲ ﻭﺭﻳﻨﻲ ﻋﺸﺎﻥ ﺍﻧﺎ
ﻣﺴﺘﻌﺠﻞ ... ﻗﺎﻝ ﻟﻴﻬﻮ ﻃﻴﺐ ﻃﻴﺐ .. ﺩﻗﻴﻘﺔ ﺍﺩﺭﻉ ﻟﻲ ﺟﻼﺑﻴﺔ ﻭﺍﻣﺮﻕ
ﻣﻌﺎﻙ ..
ﺍﻟﺠﻴﻠﻲ ﺩﺧﻞ ﺍﻟﺒﻴﺖ .. ﻟﺒﺲ ﻭﻃﻠﻊ ﺭﻛﺐ ﻣﻌﺎﻫﻮ ﻭﻣﺸﻮ .. ﻭﺍﻟﺠﻴﻠﻲ
ﻣﺴﺘﻐﺮﺏ ﻓﻲ ﺍﻟﻤﺸﻮﺍﺭ ﺍﻟﻤﺠﻬﻮﻝ ﺩﻩ ..
ﺍﻟﻤﻬـــــﻢ ..
ﻓﺎﺗﻮ ﺍﻟﺤﻠﺔ ﺍﻻﻭﻟﻰ ﻭﺍﻟﺘﺎﻧﻴﺔ .. ﺍﻟﺠﻴﻠﻲ ﻣﺎﺯﺍﻝ ﺑﻜﺮﺭﻓﻲ ﺍﻻﺳﺌﻠﺔ ﻟﻲ ﺑﺘﺎﻉ
ﺍﻟﻜﺎﺭﻭ .. ﻳﺎﺯﻭﻝ ﻧﺤﻦ ﻣﺎﺷﻴﻦ ﻭﻳﻦ .؟ ﻭﺩﺍﻙ ﻳﺴﻮﻱ ﻟﻴﻬﻮ ﺍﺻﺒﺮ .. ﺑﺘﻌﺮﻑ
ﻣﺎﺗﺸﻔﻖ ﻗﺮﺑﻨﺎ ﻧﺼﻞ . ﻭﺻﻠﻮ ﺣﻠﺔ ﻛﺪﺍ ﺍﻟﺠﻴﻠﻲ ﺑﻌﺮﻓﻬﺎ ﺗﻤﺎﻣﺎ " .. ﻭﻧﺰﻟﻪ ﺟﻢ
ﺑﻴﺖ .. ﻗﺎﻝ ﻟﻴﻬﻮ ﺩﻕ ﺍﻟﺒﺎﺏ .. ﻓﺘﺤﺖ ﻟﻴﻬﻮ ﺍﻟﺒﺎﺏ ﺇﺣﺴﺎﻥ ﺧﺎﻟﺔ ﺑﺪﺭﻳﺔ ..
ﻗﺎﻟﺖ ﻟﻴﻬﻮ ﻣﺮﺣﺐ ﻋﻠﻴﻜﻢ ﺍﻟﺴﻼﻡ .. ﺍﺩﺧﻞ ﻳﺎ ﺍﻟﺠﻴﻠﻲ .. ﺩﻩ ﺑﻴﺘﻲ . ﺳﻠﻢ
ﻋﻠﻴﻬﺎ ﺣﻖ ﺍﻟﻠﻪ ﺑﻖ ﺍﻟﻠﻪ .. ﻗﺎﻝ ﻟﻴﻬﺎ ﻛﻴﻒ ﺍﻟﺤﺎﻝ ؟ .. ﺍﻥ ﺷﺎ ﺍﻟﻠﻪ ﺧﻴﺮ ؟
ﻟﻘﻴﺘﻲ ﺧﺒﺮ؟
ﻗﺎﻟﺖ ﻟﻴﻬﻮ .. ﺩﻩ ﺍﻟﻤﻮﺿﻮﻉ ﺍﻟﻨﺎﺩﻳﺘﻚ ﻟﻴﻬﻮ .. ﺯﺍﺍﺍﺍﺍﺍﺍﺍﺗﻮ ؟ ..
ﻗﺎﻝ ﻟﻴﻬﺎ ﺍﻧﺎ ﺍﺗﺬﻛﺮﺕ ﺍﻧﻚ ﺳﺎﻛﻨﺔ ﻓﻲ ﺍﻟﺤﻠﺔ ﺩﻱ .. ﺑﺲ ﻣﺎﻛﻨﺖ ﺑﻌﺮﻑ
ﺑﻴﺘﻜﻢ .. ﻗﺎﻟﺖ ﻟﻴﻬﻮ ﺍﻧﺎ ﺳﺎﻛﻨﺔ ﻫﻨﺎ ﻣﻌﺎﻱ ﺍﺧﺖ ﺯﻭﺟﻲ .. ﻭﻭﻟﻴﺪﺍﺗﻲ ﺍﻟﺼﻐﺎﺭ
ﺩﻳﻞ . ﻭﺍﺣﺪ 3 ﺳﻨﺔ ﻭﺍﺣﺪ ﺳﻨﺔ ﺍﻭ ﺍﻗﻞ .. .. ﺯﻭﺟﻲ ﻣﺴﺎﻓﺮ ﻓﻲ ﺍﻟﺠﻨﻮﺏ
ﺿﺎﺑﻂ ﻓﻲ ﺍﻟﺠﻴﺶ . ﻗﺎﻟﺖ ﻟﻴﻬﻮ .. ﺍﻧﺎ ﺳﻤﻌﺖ ﺍﻣﺒﺎﺭﺡ ﺑﺎﻟﻠﻴﻞ ﺍﻧﻚ ﺟﻴﺖ ﻣﺎﻛﻨﺖ
ﺑﻌﺮﻑ ﺍﻧﻚ ﺟﻴﺖ .. ﻭﺭﺳﻠﺖ ﻟﻴﻚ ﻭﺩ ﺍﻻﺣﻤﺮ .. ( ﺑﺘﺎﻉ ﺍﻟﻜﺎﺭﻭ ) .. ﻳﻨﺎﺩﻳﻚ
ﻟﻲ .. .. ..
ﺍﻟﺤﺎﺻﻞ ﻳﺎ ﺍﻟﺠﻴﻠﻲ .. ﻗﺼﺔ ﺑﺪﺭﻳﺔ . ﻗﺼﺔ ﺍﻏﺮﺏ ﻣﻦ ﺍﻟﺨﻴﺎﻝ .. ﺍﻧﺖ ﻃﺒﻌﺎ "
ﺳﻤﻌﺖ ﺑﻲ ﻗﺼﺔ ﺍﻟﻨﺎﺱ ﺍﻟﺠﻮ ﻣﻦ ﺍﻟﺨﺮﻃﻮﻡ .. ﻋﺸﺎﻥ ﻳﻌﺮﺳﻮ ﺑﺪﺭﻳﺔ
ﻟﻮﻟﺪﻫﻢ .. ﺑﺪﺭﻳﺔ ﻛﺎﻧﺖ ﺑﺘﺤﻠﻒ ﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ﺍﻧﻬﺎ ﺡ ﺗﻨﺘﺤﺮ ..ﺡ
ﺗﻨﺘﺤﺮ ..
ﻭﺍﻣﻬﺎ ﻗﺎﻟﺖ ﻟﻴﻬﺎ ﺍﻧﺘﺤﺮﻱ ﺑﻌﺪ ﺍﻟﻌﺮﺱ .. ﻭﺍﺑﻮﻫﺎ ﻗﺎﻝ ﻟﻴﻬﺎ ﺍﻋﻤﻠﻲ
ﺍﻟﻌﺎﻳﺰﺍﻫﻮ .. ﺍﻟﻌﺮﺱ ﺑﺘﻢ ﻓﻮﻕ ﺭﺍﺳﻚ .. ﻭﺍﻧﺎ ﺣﺮﺳﻮﻧﻲ ﻟﻴﻬﺎ ﺍﺗﺎﺑﻌﻬﺎ ..ﻋﺸﺎﻥ
ﺍﻣﻬﺎ ﻛﺎﻧﺖ ﻣﺸﻐﻮﻟﺔ ..
ﻭﻓﻌﻼ ﺑﺪﺭﻳﺔ ﺟﺮﺑﺖ ﺍﻻﻧﺘﺤﺎﺭ ﻣﺮﺗﻴﻦ .. ﺍﻟﻤﺮﺓ ﺍﻻﻭﻟﻰ .. ﻟﻤﻦ ﻛﺎﻥ ﺑﺤﻨﻨﻮ
ﻓﻴﻬﺎ .. ﺍﻟﺤﻨﺎﻧﺔ ﺧﻠﺖ ﺟﻨﺒﻬﺎ ﻛﻴﺲ ﺍﻟﺼﺒﻐﺔ .. ﺧﻠﺖ ﺍﻟﺤﻨﺎﻧﺔ ﻃﻠﻌﺖ .. ﻭﺷﺎﻟﺖ
ﺍﻟﻜﻴﺲ ﺳﻔﺖ ﻣﻨﻮ .. ﻭﺍﻧﺎ ﻛﻨﺖ ﻣﺮﺍﻗﺒﺎﻫﺎ .. ﺟﻴﺖ ﺟﺎﺭﻳﺔ ﻋﻠﻴﻬﺎ
ﻭﻛﻔﻔﺘﻬﺎ .. ﻭﻃﻠﻌﺖ ﺍﻟﺼﺒﻐﺔ ﻣﻦ ﺧﺸﻤﻬﺎ .. ﻭﺩﻗﻴﻘﺘﻬﺎ ﺑﻲ ﻋﺼﺒﻴﺔ ﻭﺍﻧﻔﻌﺎﻝ ..
ﻭﻏﺴﻠﺖ ﻟﻴﻬﺎ ﺧﺸﻤﻬﺎ ﺑﺎﻟﻠﻴﻤﻮﻥ .. ﻭﻣﺎﻓﻲ ﺯﻭﻝ ﺍﻛﺘﺸﻒ ﺍﻟﻘﺼﺔ ﺩﻱ .. ﻭﺍﻧﺎ
ﺍﺑﻴﺖ ﺍﻛﻠﻢ ﺍﻣﻬﺎ ﻻﻧﻬﺎ ﻛﺎﻧﺖ ﻣﺎﻓﺎﺿﻴﺔ ﻟﻴﻨﺎ ..
ﺍﻟﻤﺮﺓ ﺍﻟﺘﺎﻧﻴﺔ ﻛﺎﻧﺖ ﻳﻮﻡ ﺍﻟﻌﺮﺱ .. ﻭﻧﺤﻦ ﻛﻨﺎ ﻃﺎﺑﻘﻴﻦ ﻟﻴﻬﺎ ﺍﻟﺤﻨﺔ .. ﻭﺍﻧﺎ
ﻓﻀﻴﺖ ﻧﻔﺴﻲ ﻧﻬﺎﺋﻲ .. ﻭﺑﻘﻴﺖ ﺑﺲ ﺑﺮﺍﻗﺐ ﻓﻴﻬﺎ .. ﻣﻦ ﺑﻌﻴﺪ .. ﺑﻠﺒﺪ ﻓﻲ
ﺣﺘﺔ .. ﻭﺑﻜﻮﻥ ﺑﻌﺎﻳﻦ ﻟﻴﻬﺎ ﻭﻟﻲ ﺗﺼﺮﻓﺎﺗﻬﺎ .. ﺑﺪﺕ ﺗﺘﺼﺮﻑ ﺗﺼﺮﻓﺎﺕ
ﻏﺮﻳﺒﺔ .. ﻭﻭﺗﺘﻜﻠﻢ ﺑﺮﺍﻫﺎ .. ﻭﺍﻟﺤﺎﻟﺔ ﺑﺘﺰﻳﺪ ﻋﻠﻴﻬﺎ ﻛﻞ ﻣﺎﻭﻗﺖ ﺍﻟﻌﺮﺱ ﻗﺮﺏ ..
ﺣﺘﻲ ﻓﻲ ﺍﻟﻨﻬﺎﻳﺔ ﺑﻘﺖ ﺗﻀﺤﻚ ﺑﻼﺳﺒﺐ .. ﻟﻤﻦ ﺍﻟﺒﻨﺎﺕ ﻻﺣﻈﻦ ..
ﻗﺎﻟﺖ ﻟﻲ ﻟﻠﺒﻨﺎﺕ ﻃﻠﻌﻦ ﻣﻨﻲ ﺍﻟﺤﻨﺔ .. ﻭﺍﻃﻠﻌﻦ ﺑﺮﺓ ﺧﻠﻨﻲ ﺍﺧﺪ ﻟﻲ ﻧﻮﻣﺔ ..
ﺍﻧﺎ ﺗﻌﺒﺎﻧﺔ ﺷﺪﻳﺪ ..
ﻭﺍﻧﺎ ﻛﻨﺖ ﻗﺎﻋﺪﺓ ﻓﻲ ﺍﻟﺰﻗﺎﻕ ﺍﻟﻐﺮﺑﻲ ﺑﺴﻤﻊ ﻓﻲ ﺍﻟﻜﻼﻡ ﻛﻠﻮ .. ﺍﻟﻜﻼﻡ ﺩﻩ
ﻛﺎﻥ ﻓﻲ ﺑﻴﺖ ﻧﺎﺱ ﻧﻔﻴﺴﺔ ﺯﻭﺟﺔ ﺍﻟﻨﻮﺭ ..
ﻭﺍﻟﺒﻨﺎﺕ ﻃﻠﻌﻦ ﻗﻌﺪﻥ ﻓﻲ ﺍﻟﺒﺮﻧﺪﺓ .. ﺍﺗﻮﻧﺴﻦ ﻭﻧﺎﻣﻦ .. ﻭﺍﻧﺎ ﻻﺑﺪﺓ ﻓﻲ
ﺍﻟﺰﻗﺎﻕ .. ﺍﻭﻝ ﻣﺎ ﺍﻟﺒﻨﺎﺕ ﺳﻜﺘﻦ ﻣﻦ ﺍﻟﻮﻧﺴﻪ ..
ﻭﺑﺪﺭﻳﺔ ﺍﺗﺄﻛﺪﺕ ﺍﻧﻬﻦ ﻧﺎﻣﻦ .. ﻭﻛﺎﻥ ﻓﻲ ﻭﺍﺣﺪﺍﺕ ﻃﻠﻌﻦ ..
ﺑﺪﺭﻳﻪ ﻓﺘﺤﺖ ﺍﻟﺸﺒﺎﻙ ﺑﺮﺍﺍﺍﺣﻪ .. ﻭﺍﻧﺎ ﺑﻌﺎﻳﻦ ﻟﻴﻬﺎ ..
ﻭﻣﺮﻗﺖ ﺑﺸﺎﺭﻉ ﺟﻨﻴﻨﺔ ﺻﺎﻟﺢ .. ﻭﺟﺎﺭﻳﺔ ﺑﺴﻔﻨﺠﺘﻬﺎ ﻭﻃﺮﺣﺘﻬﺎ ..ﻭﺍﻧﺎ ﺟﺎﺭﻳﺔ
ﻭﺭﺍﻫﺎ .. ﻭﺻﻠﺖ ﺍﻟﺒﺤﺮ ..
ﻭﻣﻠﺼﺖ ﺳﻔﻨﺠﺘﻬﺎ .. ﻭﺩﺧﻠﺖ ﺍﻟﺒﺤﺮ ﻭﺍﻧﺎ ﺑﻌﻴﺪﻩ ﻣﻨﻬﺎ ﺍﻣﻜﻦ ﻋﺸﺮﻳﻦ ﻣﺘﺮ ..
ﺑﺲ ﺍﻟﺤﻤﺪ ﻟﻠﻪ ﺭﺑﻚ ﺭﺏ ﺍﻟﺨﻴﺮ .. ﻟﻘﻴﺖ ﻭﺩ ﺍﻻﺣﻤﺮ ( ﺑﺘﺎﻉ ﺍﻟﻜﺎﺭﻭ ) ..ﺑﺴﻘﻲ
ﻓﻲ ﺣﻤﺎﺭﻭ ﻓﻮﻕ ﺍﻟﺒﺤﺮ .. ﺣﺼﻠﻬﺎ ﺑﻌﺪ ﺩﺧﻠﺖ ﺍﻟﻤﻮﻳﺔ .. ﻭﻗﺒﻀﻬﺎ .. ﻭﺍﻧﺎ
ﺣﺼﻠﺘﻬﺎ ﻓﻲ ﺍﻟﻠﺤﻈﺔ ﺍﻻﺧﻴﺮﺓ ﻭﻧﻔﺴﻲ ﻣﻘﻄﻮﻉ ﻣﻦ ﺍﻟﺠﺮﻱ ..
ﻭﻣﺴﻜﺘﻬﺎ ﻭﻫﻲ ﻛﺎﻥ ﺑﺘﺒﻜﻲ ﺑﻬﺴﺘﺮﻳﺎ .. ﻗﻠﺖ ﻟﻴﻬﺎ ﻭﻋﺪﺩ ﻣﻨﻲ ﻳﺎﺑﺪﺭﻳﺔ ﻣﺎﻓﻲ
ﺯﻭﻝ ﺑﺘﺰﻭﺟﻚ ﻏﻴﺮ ﺍﻟﺠﻴﻠﻲ .. ﺑﺘﺼﺪﻗﻲ ﺧﺎﻟﺘﻚ ؟ ﻗﺎﻟﺖ ﻟﻲ ﺍﻳﻮﺓ ﺑﺼﺪﻗﻬﺎ ..
ﻗﻠﺖ ﻟﻴﻬﺎ ﺍﺭﻛﺒﻲ ﻓﻲ ﺍﻟﻜﺎﺭﻭ ..
ﻭﻛﺎﻧﺖ ﺍﻟﻄﺮﺣﺔ ﻭﻗﻌﺖ ﻓﻲ ﺍﻟﺒﺤﺮ .. ﻭﺍﻟﻔﻨﺠﺔ ﺧﻠﻴﻨﺎﻫﺎ ﻓﻲ ﻣﺤﻠﻬﺎ ﻭﻣﺸﻴﻨﺎ
ﺑﺎﺷﺎﺭﻉ ﺍﻟﺘﺤﺖ ﻭﻟﻔﻴﻨﺎﻫﺎ ﺑﻲ ﺷﻮﺍﻝ ﻓﺎﺿﻲ .. ﻭﺍﻟﺤﻠﺔ ﻛﺎﻧﺖ ﻓﺎﺍﺍﺍﺿﻴﺔ ﺍﻟﻨﺎﺱ
ﻛﻠﻬﺎ ﻓﻲ ﺍﻟﻌﺮﺱ ..
ﺟﺒﺘﻬﺎ ﻗﻔﻠﺘﻬﺎ ﻓﻲ ﺍﻟﺒﻴﺖ ﺍﻟﺠﻮﺍﻧﻲ .. ﻭﻃﺒﻠﺘﻬﺎ ﺑﺎﻟﻄﺒﻠﺔ ﻭﺭﺟﻌﺖ ﻧﺎﺱ ﺍﺧﺘﻲ
ﻧﺎﺱ ﺍﻟﻌﺮﺱ ﻟﻘﻴﺘﻬﻢ ﻃﺎﻟﻘﻴﻦ ﺍﻟﺒﻜﺎ .. ﻭﺍﻧﺎ ﺫﺍﺗﻲ ﺑﻘﻴﺖ ﺑﺒﻜﻲ ﻭﺍﺟﻮﻋﺮ ﺍﻛﺘﺮ
ﻣﻦ ﺍﻟﻨﺎﺱ .. ﻭﺑﻘﻴﺖ ﺯﺍﻳـﻐﺔ ﻣﻦ ﺍﺧﺘﻲ ﻭﺍﺧﺘﻲ ﻛﺎﻳﺴﻪ ﻟﻲ ﻋﺸﺎﻥ ﺍﻧﺎ ﺍﻟﻜﻨﺖ
ﺣﺎﺭﺳﺎﻫﺎ .. ﻭﻫﻲ ﺗﻜﻮﺭﻙ ( ﺷﻮﻓﻮ ﻟﻲ ﺍﺣﺴﺎﻥ .. ﺍﺣﺴﺎﻥ ﻭﻳﻨﻬﺎ ؟؟ ﻭﺍﻧﺎ
ﺳﻤﻊ ﻓﻴﻬﺎ ﻭﻛﻞ ﻣﺮﺓ ﺍﺩﺳﻪ ﻓﻲ ﺣﺘﻪ .. ﺃﻣﻜﻦ ﻟﻲ ﺗﺎﻟﺖ ﻳﻮﻡ ﻻﻗﻴﺘﻬﺎ ﻭﺑﻜﺖ
ﻣﻌﺎﻱ ﻭﻓﻲ ﺍﻟﻨﻬﺎﻳﺔ ﺟﻀﻤﺖ ﻟﻲ .. ﻭﻗﺎﻟﺖ ﻟﻲ ﺩﻩ ﻛﻠﻮ ﻣﻨﻚ ﺍﻧﺘﻲ .. ﺍﻧﺘﻲ
ﺍﻧﺎ ﻣﺎﺣﺮﺳﺘﻚ ﺑﺪﺭﻳﻪ .؟ ﻭﺍﻧﺎ ﺳﺎﻛﺘﺔ ﻭﻛﺎﺗﻤﺔ ﺍﻟﺴﺮ .. ﻭﻗﻠﺖ ﺍﺻﻠﻮ ﻣﺎﺑﺘﻜﻠﻢ ..
ﻗﻠﺖ ﺍﻟﺤﻤﺪ ﻟﻠﻪ ﺧﻠﻴﻬﻢ ﻳﻌﺮﻓﻮ ﻗﺪﺭﻫﺎ .. ﺧﻠﻴﻬﻢ ﻳﻔﺘﻜﺮﻭﺍ ﺍﻧﻬﺎ ﻣﺎﺗﺖ .. ﻭﺍﻟﻠﻪ
ﻣﺎﻳﺸﻮﻓﻮﻫﺎ ﺗﺎﻧﻲ ﺍﻻ ﻳﺠﻲ ﺍﻟﺠﻴﻠﻲ .. ﻭﻳﻮﻡ ﺍﻟﺒﻜﺎ ﻗﻠﺖ ﺑﻜﻠﻢ ﺍﺑﻮﻫﺎ ﺑﻌﺪ
ﻳﻔﻮﺗﻮ ﻧﺎﺱ ﺍﻟﺨﺮﻃﻮﻡ ..ﻭﺑﺮﺿﻮ ﻏﻴﺮﺗﺎ ﺭﺍﻱ .. ﺑﺲ ﺍﻟﻤﺸﻜﻠﺔ ﻣﻦ ﻳﻮﻣﻬﺎ
ﺍﻟﺪﺧﻠﺖ ﺍﻟﺒﻴﺖ ﻭﻫﻲ ﺳﺎﻛﺘﺔ ﻭﻣﺎﻣﺮﻛﺰﺓ ﻣﺎﻋﺎﺭﻓﺔ ﺍﻟﺤﺎﺻﻞ ﻋﻠﻴﻬﺎ ﺷﻨﻮ ﺍﺣﺘﻤﺎﻝ
ﺗﻜﻮﻥ ﺟﺎﺗﻬﺎ ﻧﻔﺴﻴﺎﺕ .. ﺑﺲ ﺍﻧﺎ ﻣﺎﺍﺷﺘﻐﻠﺖ ﺑﻴﻬﺎ ﻛﺘﻴﺮ ﺍﺻﻼ ﻣﺎﻋﺎﻳﺰﺍﻫﺎ
ﺗﻈﻬﺮ .. ﻭﺍﻟﺴﺮ ﺩﻩ ﻣﺎﻓﻲ ﺯﻭﻝ ﻋﺎﺭﻓﻮ ﺍﻻﺑﺨﻴﺘﺔ ﺣﻤﺎﺗﻲ ﻭﻭﺩ ﺍﻻﺣﻤﺮ ﺑﺘﺎﻉ
ﺍﻟﻜﺎﺭﻭ ﺍﻟﺠﺎﺑﻚ ﺩﻩ ..
ﻭﺩﻳﻞ ﺍﻻﺗﻨﻴﻦ ﻣﻌﺎﻫﺪﻳﻨﻲ ﺍﻧﻬﻢ ﻣﺎﻳﺘﻜﻠﻤﻮ .. ﻭﻧﺎﺱ ﺍﻟﺤﻠﺔ ﻣﻦ ﻳﻮﻡ ﺑﺪﺭﻳﻪ
ﺍﻟﻐﺎﺑﺖ ﻫﻢ ﻓﻮﻕ ﺍﻟﺒﺤﺮ ﻳﻔﺘﺸﻮ ﻟﻴﻞ ﻭﻧﻬﺎﺭ .. ﺑﺨﻴﺘﺔ ﺣﻤﺎﺗﻲ ﻗﺎﻟﺖ ﻟﻲ ﺍﻧﺎ
ﻋﻨﺪﻱ ﻓﻜﺮﺓ ﻧﻮﻗﻔﻬﻢ ﺑﻴﻬﺎ .. ﻭﻫﻲ ﻛﺎﻧﺖ ﺑﺘﻘﺮﺍ ﻓﻲ ﺍﺑﻮﺣﻤﺪ .. ﻛﺘﺒﺖ ﺟﻮﺍﺏ
ﻣﺮﺳﻞ ﻣﻦ ﻣﻨﻄﻘﺔ ﻓﻲ ﺍﻟﺸﻤﺎﻟﻴﺔ ﻣﺎﻋﺎﺭﻓﺔ ﺍﺳﻤﻬﺎ ﺷﻨﻮ ﻛﺪﺍ .. ﺍﻧﻬﻢ ﻟﻘﻮ
ﺍﻟﺠﺜﺔ ﻭﺷﻨﻮ ﻭﺷﻨﻮ .. ﺍﻟﻤﻬﻢ ﺧﻠﻲ ﺑﺨﻴﺘﺔ ﺗﺠﻲ ﺗﻮﺭﻳﻚ ﻛﺘﺒﺖ ﺷﻨﻮ .. ﺍﺻﻠﻬﺎ
ﺑﺖ ﻣﺼﻠﺘﻪ .. ﻭﻫﻲ ﺻﺎﺣﺒﺔ ﺑﺪﺭﻳﺔ ﻭﺻﺎﺣﺒﺔ ﺍﺧﺘﻚ ﺻﻔﻴﺔ .. ﻭﻛﺎﻥ ﻣﺎﺧﺎﻑ
ﺍﻟﻜﻀﺐ ﺻﻔﻴﺔ ﺧﺎﺑﺮﺓ ﺍﻧﻮ ﺑﺪﺭﻳﺔ ﻋﺎﻳﺸﺔ .. ﻭﺍﺣﺘﻤﺎﻝ ﺗﻜﻮﻥ ﺑﺨﻴﺘﺔ ﺍﻟﻐﺘﻴﺘﺔ
ﻛﻠﻤﺘﻬﺎ ﺑﺲ ﻣﺎﻣﺘﺄﻛﺪﺓ ﺣﺘﻰ ﻟﻮ ﻛﻠﻤﺘﻬﺎ ﺑﺘﻜﻮﻥ ﻣﺤﻠﻔﺎﻫﺎ .. ﺍﻟﻤﻬﻢ ..
ﻫﺴﻊ ﺑﺪﺭﻳﻪ ﻗﺎﻋﺪﺓ ﻓﻲ ﺍﻻﻭﺿﺔ ﺍﻟﺠﻮﺍﻧﻴﺔ ﻓﻲ ﺍﻟﺒﻴﺖ ﺍﻟﻮﺭﺍ ﻣﻌﺎﻫﺎ ﺑﺨﻴﺘﺔ ..
ﻛﻞ ﻣﺎ ﺯﻭﻝ ﻳﺪﻕ ﺍﻟﺒﺎﺏ ﺑﻮﺩﻳﻬﻦ ﺑﻴﻐﺎﺩﻱ ﺣﺘﻦ ﺍﺟﻲ ﺍﻓﺘﺢ ﺍﻟﺒﺎﺏ .. ((ﺑﺪﺭﻳﻪ
ﺩﺭﺓ ﻳﺎ ﺍﻟﺠﻴﻠﻲ .. ﻭﺍﻟﺪﺭ ﻋﻤﺮﻭ ﻣﺎﺑﻀﻴﻊ .. ﻋﺸﺎﻥ ﺭﺑﻨﺎ ﺑﺤﻔﻈﻮ ﻭﺑﺴﺨﺮ ﻟﻴﻬﻮ
ﺍﻟﻨﺎﺱ ﺗﺨﺎﻑ ﻋﻠﻴﻬﻮ ﻭﺗﺮﺍﻋﻴﻬﻮ ... ))...
ﺑﺲ ﺑﺪﺭﻳﺔ ﺣﺎﻟﺘﻬﺎ ﻣﺎﻋﺎﺟﺒﺎﻧﻲ .. ﻭﻣﺘﺄﻛﺪﻩ ﺍﻧﻬﺎ ﻋﻴﺎﻧﻪ .. ﻧﻬﺎﺋﻲ ﻻﺳﺄﻟﺖ ﻣﻦ
ﺍﻫﻠﻬﺎ ﻭﻻ ﺍﻣﻬﺎ ﻭﻻ ﺍﺑﻮﻫﺎ ..ﻭﻻﺳﺎﻟﺖ ﻣﻦ ﺧﺒﺮ ﺍﻟﻌﺮﺱ ﻭﻻ ﺳﺎﻟﺖ ﻣﻨﻚ ..
ﺑﺲ ﺳﺎﻛﺘﻪ ..
ﻭﻣﻦ ﻳﻮﻣﺎ ﺍﻟﺠﺎﺕ ﻣﺎﻧﻄﻘﺖ ﻛﻠﻤﺔ .. ﺍﻻﺗﻘﻮﻝ ﺩﺍﻳﺮﺓ ﻣﻮﻳﻪ ..
ﺍﻟﻤﻬﻢ ﻳﺎ ﺍﻟﺠﻴﻠﻲ ﻳﺎ ﺍﺑﻨﻲ .. ﻓﻲ ﺍﻻﺧﻴﺮ ﺍﻧﺎ ﺑﻲ ﺗﺼﺮﻓﻲ ﺩﻩ ﺭﻏﻢ ﺍﻧﻲ
ﻣﺎﻏﻠﻄﺎﻧﺔ ..ﻟﻜﻦ ﺣﺴﻴﺖ ﺍﻧﻲ ﻓﻲ ﻣﺸﻜﻠﺔ ﺣﻘﻴﻘﻴﺔ .. ﻭﻣﺎﻋﺎﺭﻓﺔ ﺭﺩﺓ ﻓﻌﻞ
ﺍﻫﻠﻬﺎ ﺣﻴﻜﻮﻥ ﺷﻨﻮ؟ .. ﻭﺣﺎﺝ ﺍﺣﻤﺪ ﻳﺴﻮﻱ ﻣﻌﺎﻱ ﺷﻨﻮ ..؟ ﺣﻘﻴﻘﺔ ﺍﻧﺎ ﺧﺎﻳﻔﺔ
ﺷﺪﻳﺪ ﻳﺎ ﺍﻟﺠﻴﻠﻲ .. ﺑﺲ ﺍﻛﺘﺮ ﺣﺎﺟﺔ ﻃﻤﻨﺘﻨﻲ ﻭﻓﺮﺭﺣﺘﻨﻲ .. ﺍﻟﺒﺎﺭﺡ ﺳﻤﻌﺖ ﺍﻧﻮ
ﺣﺎﺝ ﺍﺣﻤﺪ .. ﻭﻋﺪﻙ ﻟﻮ ﺍﺗﻠﻘﺖ ﺑﺪﺭﻳﻪ ..
ﺣﻴﺰﻭﺟﻬﺎ ﻟﻴﻚ .. ﻭﻋﻨﺪﻭ ﻟﻴﻚ ﻭﻫﺒﻴﻪ ﻛﻤﺎﻥ .. ﻭﺑﻘﺖ ﻣﺸﻜﻠﺘﻚ ﺗﻠﻘﺎ ﺑﺪﺭﻳﻪ
ﻛﻴﻒ؟
ﻭﺍﻧﺎ ﻫﺴﻲ ﺣﻠﻴﺖ ﻟﻚ ﻣﺸﻜﻠﺘﻚ .. ﻟﻜﻦ ﺍﻧﺎ ﺍﻟﻮﺍﻗﻌﺔ ﻓﻲ ﻣﺸﻜﻠﺔ .. ﺑﺘﺤﻠﻨﻲ
ﻛﻴﻒ؟ ..
ﺍﻟﻰ ﺍﻟﻠﻘﺎﺀ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدر ح22
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: