لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدر ح21

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدر ح21   الأحد أبريل 27, 2014 9:16 am

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 21
ﺍﻟﺠﻴﻠﻲ ﻓﻲ ﻧﻔﺲ ﺍﻟﻴﻮﻡ ﻃﻠﻊ ﻋﻠﻰ ﺍﻟﺴﻜﺔ ﺣﺪﻳﺪ ﺯﻱ ﺍﻟﺴﺎﻋﺔ 4 ﻋﺼﺮ ﻭﺭﻛﺐ
ﻗﻄﺮ ﺑﻀﺎﻋﺔ ﻭﺳﺎﻓﺮ ﺍﻟﺸﻤﺎﻟﻴﺔ .. ﻭﻃﻮﻝ ﺍﻟﺴﻔﺮ ﻣﺎﺿﺎﻕ ﻟﻘﻤﺔ ﻃﻌﺎﻡ ﻓﻲ
ﺧﺸﻤﻮ . ﻭﺷﻮ ﺑﻘﻰ ﺍﺳﻮﺩ
ﻭﻋﻴﻮﻧﻮ ﻣﻐﻮﺭﻗﺎﺕ ﻭﺟﺴﻤﻮ ﺷﺎﺣﺐ .. ﻭﺧﺸﻤﻮ ﻧﺎﺷﻒ .. ﻭﺣﺎﻟﺘﻮ ﺑﻘﺖ ﺻﻌﺒﺔ
ﻓﻮﻕ ﺣﺪ ﺍﻟﺘﺼﻮﺭ ..ﻟﻜﻦ ﻇﺎﻫﺮ ﻋﻠﻴﻬﻮ ﺍﻟﺠﻤﻮﺩ ﻭﺍﻟﻘﻮﺓ .. ﻭﻣﺎ ﺍﻧﻬﺎﺭ ﻟﻐﺎﻳﺔ
ﺍﻻﻥ ..
ﻭﺻﻞ ﻣﻨﻄﻘﺔ ﻛﺠﻲ .. ( ﻛﺠﻲ ) ﻗﺮﻳﻪ ﻋﻠﻰ ﺍﻟﺒﺤﺮ . ﻓﻲ ﺍﻟﺠﺰﻳﺮﺓ ﻣﻘﺮﺍﺕ ..
ﺑﻴﻨﻬﺎ ﻭﺑﻴﻦ ﺍﺑﻮﺣﻤﺪ ﺑﺲ ﺍﻟﺒﺤﺮ .. ﻭﻓﻴﻬﺎ ﺑﻨﻄﻮﻥ ﺑﻴﻌﺪﻱ ﻣﻨﻬﺎ ﻻﺑﻮﺣﻤﺪ..
ﻭﻣﻨﻄﻘﺔ ﺧﻀﺮﺍﺀ ﻭﺟﻤﻴﻠﺔ ..
ﻛﻠﻬﺎ ﻧﺨﻴﻞ ﻭﺧﻀﺮﺓ ﻭﺟﻤﺎﻝ ﻭﺑﻬﺎ .. ﻓﻴﻬﺎ ﻃﻴﺒﺔ ﺍﻟﻘﺮﻳﺔ .. ﻭﺟﻤﺎﻝ ﺍﻟﺠﻮ ..
ﻭﻋﺠﻮﺓ ( ﻭﺩ ﻟﻘﺎﻱ ) ﻣﺠﺪﻋﺔ ﻓﻲ ﺍﻟﺸﻮﺍﺭﻉ .. ﺍﻟﻨﺨﻞ ﺧﺎﺗﻲ ﺣﺘﻴﺖ ﻋﺠﻴﺐ ..
ﻭﺩﺧﻞ ﺍﻟﻤﻨﻄﻘﺔ ﻭﺳﺎﻝ ﻣﻦ ﺍﻟﻨﺎﺱ ﺍﻟﻜﺒﺎﺭ ﻭﺯﻋﻤﺎﺀ ﺍﻟﻤﻨﻄﻘﺔ .. ﻋﺸﺎﻥ ﻳﻮﺻﻔﻮ
ﻟﻴﻬﻮ ﺍﻟﺒﺖ ﺍﻟﻠﻘﻮﻫﺎ ﻭﺷﻜﻠﻬﺎ ﺷﻨﻮ .. ﻭﻃﻮﻟﻬﺎ ﻭﻛﺪﺍ ..ﻭﺻﻔﻮ ﻟﻴﻬﻮ ﺑﻴﺖ ﺷﻴﺦ
ﺍﻟﺒﻠﺪ .. ﻳﻌﻨﻲ ﺯﻱ ﻋﻤﺪﺓ ﺍﻟﻤﻨﻄﻘﺔ ﻛﺪﺍ .. ﻭﻣﺸﻰ ﺳﺄﻟﻪ .. ﻭﺍﻟﺸﻴﺦ ﻧﻔﻰ
ﺍﻟﻜﻼﻡ ﺩﻩ ﻧﻬﺎﺋﻲ .. ﻗﺎﻝ ﻟﻴﻬﻮ ﺩﻱ ﺑﻠﺪﻱ ﺍﻧﺎ ﺑﻌﺮﻓﻮ ﻣﻦ ﺍﻟﺸﺎﻓﻊ ﺍﻟﺼﻐﻴﺮ
ﻟﻠﺮﺍﺟﻞ ﺍﻟﻌﺠﻮﺯ ﺑﻴﺖ ﺑﻴﺖ .. ﻭﻛﻞ ﻣﺎﻳﺤﺼﻞ ﺑﺎﺩﻕ ﺍﻟﺘﻔﺎﺻﻴﻞ ﺍﻧﺎ ﺑﻜﻮﻥ ﻋﻨﺪﻱ
ﻣﻨﻪ ﺧﺒﺮ ..
ﺍﻟﻤﻬﻢ ﺍﻛﺘﺸﻒ ﺍﻧﻮ ﻣﺎﻓﻲ ﻛﻼﻡ ﺯﻱ ﺩﻩ .. ﻭﻣﺎﻃﻠﻌﻮ ﺍﻱ ﺑﺖ .. ﻭﻣﺎﻓﻲ ﺯﻭﻝ
ﺭﺳﻞ ﺟﻮﺍﺏ ﺯﻱ ﺩﻩ .. ﻭﻟﻮ ﻓﻲ ﺯﻭﻝ ﺭﺳﻞ ﻣﻌﻨﺎﻫﺎ ﻋﻨﺪﻭ ﻫﺪﻑ ﻣﻦ ﺍﻟﻜﻀﺒﺔ
ﺩﻱ .. ﺍﻭ ﻳﻜﻮﻧﻮ ﻗﺎﺻﺪﻳﻦ ﻣﻨﻄﻘﺔ ﻏﻴﺮ ﺍﻟﺒﻠﺪ ﺩﻱ ..
ﻭﻗﺎﻝ ﻟﻴﻬﻮ ﻟﻮ ﻓﻲ ﺷﻲ ﺯﻱ ﺩﻩ .ﻧﺤﻦ ﻛﻨﺎ ﺑﻨﺒﻠﻎ ﺍﻟﺸﺮﻃﺔ ﻗﺒﻞ ﻣﺎﻧﺪﻓﻦ ..
ﻭﻣﺎﻓﻲ ﺑﻼﻍ ﻓﻲ ﺷﺮﻃﺔ ﺍﺑﻮﺣﻤﺪ .. ﻳﻌﻨﻲ ﻻﻓﻲ ﻛﺠﻲ .. ﻭﻻ ﻛﺴﻴﻜﻞ .. ﻭﻻ
ﺍﻟﺴﻨﺠﺮﺍﺏ .. ﻭﻻ ﻓﻲ ﻣﻘﻞ .. ﻭﻻ ﺍﻟﺠﺮﻳﻒ .. ﻳﻌﻨﻲ ﻟﻐﺎﻳﺔ ﻏﺮﺏ ﺍﻟﻀﻴﻔﻼﺏ
ﻭﻋﺘﻤﻮﺭ .. ﻣﺎﻓﻲ ﺧﺒﺮ ﺯﻱ ﺩﻩ .. (ﺩﻱ ﻛﻠﻬﺎ ﻣﻨﺎﻃﻖ ﻣﺤﻴﻄﺔ ﺑﻲ ﻛﺠﻲ ﺩﺍﺧﻞ
ﺍﻟﺠﺰﻳﺮﺓ ﻣﻘﺮﺍﺕ .. ﻗﺎﻝ ﻟﻴﻬﻮ ﻣﺎﻓﻲ ﻣﻮﺿﻮﻉ ﺯﻱ ﺩﻩ ﺑﺘﺎﺗﺎ .. ﻭﻧﺤﻦ ﻣﺎﺳﻤﻌﻨﺎ
ﺑﻲ ﺧﺒﺮ ﺯﻱ ﻭﻣﺴﺘﺤﻴﻞ ﻧﺪﻓﻦ ﺟﺜﺔ ﻣﻦ ﺩﻭﻥ ﻳﺠﻮ ﺍﻫﻠﻬﺎ ..
ﺑﺲ ﺍﻟﺨﺒﺮ ﺩﻩ ﻣﻜﺬﻭﺏ ...
ﺍﻟﺠﻴﻠﻲ ﺍﺗﺎﻛﺪ ﻣﻦ ﺍﻧﻮ ﻓﻲ ﻟﻌﺒﺔ ﻓﻲ ﺍﻟﻤﻮﺿﻮﻉ ..
ﻭﺷﺎﻝ ﺧﻄﺎﺏ ﻣﻜﺘﻮﺏ ﻣﻦ ﺍﻟﺸﺮﻃﺔ .. ﻭﻣﻦ ﺷﻴﺦ ﺍﻟﺒﻠﺪ ﻓﻲ ( ﻛﺠﻲ ) ..
ﻭﻣﺸﻰ ..ﺳﺎﻓﺮ ﺭﺟﻊ ﺍﻟﺤﻠﺔ ﺑﻲ ﺃﻣﻞ ﻣﺎﺳﺎﻫﻞ ..
ﻓﻲ ﺍﻟﻴﻮﻡ ﺩﻩ ﻛﺎﻧﺖ ﺍﻟﺒﻠﺪ ﻛﻠﻬﺎ ﻣﺸﻐﻮﻟﺔ ﺑﻘﻀﻴﺔ .. ﺍﻧﻮ ﻧﻤﻴﺮﻱ ﻧﻔﺬ ﺍﻟﺤﻜﻢ ﻋﻠﻰ
ﻣﺤﻤﻮﺩ ﻣﺤﻤﺪ ﻃﻪ ﺯﻋﻴﻢ . ﺍﻟﺠﻤﻬﻮﺭﻳﻴﻦ . ﺑﺎﻻﻋﺪﺍﻡ . ﺑﺘﻬﻤﺔ ﺍﻟﺮﺩﺓ ﻋﻦ ﺍﻟﺪﻳﻦ ..
ﺍﻟﻜﻼﻡ ﺩﻩ ﻛﺎﻥ ﻓﻲ ﻓﻲ ﻳﺎﻧﺎﻳﺮ ﺳﻨﺔ 85..
ﺍﻫﺎ ﻳﺎﺟﻤﺎﻋﺔ ﺍﻟﺨﻴﺮ .. ﺍﻟﺠﻴﻠﻲ ﻭﺻﻞ ﺍﻟﺒﻠﺪ ﻭﺷﺎﻳﻞ ﺍﺛﺒﺎﺕ ﺍﻧﻮ ﺧﺒﺮ ﺍﻟﺠﺜﺔ ﺑﺘﺎﻋﺔ
ﺍﻟﺸﻤﺎﻟﻴﺔ ﻣﻜﺬﻭﺏ .. ﺍﻟﺠﻴﻠﻲ ﺳﺎﻓﺮ ﻭﺟﺎﺀ ﻓﻲ ﺗﻼﺗﺔ ﻳﻮﻡ ﺑﺲ ..
ﺍﻭﻝ ﻣﺎﻭﺻﻞ ﻟﺤﺎﺝ ﺍﺣﻤﺪ .. ﻗﺎﻝ ﻟﻴﻬﻮ ﻳﺎﺣﺎﺝ ﺍﺣﻤﺪ .. ﺑﺪﺭﻳﺔ ﺩﻱ
ﻣﺎﻏﺮﻗﺖ ..ﺑﺪﺭﻳﻪ ﺍﻣﺎ ﺍﺗﺨﻄﻔﺖ ﺍﻭ ﺷﺮﺩﺕ .. ﺍﻭ ﺍﺗﻘﺘﻠﺖ ﻋﺪﻳﻞ .. ﻟﻜﻦ ﻣﻮﺿﻮﻉ
ﺍﻟﻐﺮﺍﻕ ﺩﻩ ﻣﺎﺻﺤﻴﺢ .. ﻫﺎﻙ ﺍﻗﺮﺍ ﺍﻟﺨﻄﺎﺑﻴﻦ ﺩﻳﻞ ..
ﺩﻩ ﻣﻦ ﺷﺮﻃﺔ ﺍﺑﻮ ﺣﻤﺪ ﻭﺩﻩ ﻣﻦ ﺷﻴﺦ ﺍﻟﺒﻠﺪ ﻓﻲ ﻛﺠﻲ ..
ﺍﻟﺰﻋﻴﻢ ﻟﻤﻦ ﻗﺮﺍ ﺍﻟﺠﻮﺍﺑﻴﻦ ﻭﻗﻒ ﻋﻠﻰ ﺣﻴﻠﻮ .. ﻭﻗﻠﻊ ﻋﻴﻨﻴﻬﻮ ﻣﻦ ﺭﺍﺳﻮ ..
ﻭﺍﺗﻔﺎﺟﺎﺃ ﻣﻔﺎﺟﺄﺓ ﻏﺮﻳﺒﺔ .. ﻭﻗﺎﻝ ﻛﻴﻒ ﻧﺤﻦ ﻓﺎﺗﺖ ﻋﻠﻴﻨﺎ ﺍﻧﻮ ﻧﺘﺄﻛﺪ؟ﻣﻦ ﺍﻟﺨﺒﺮ
ﺩﻩ ؟ ﺍﻱ ﻭﺍﻟﻠﻪ ﺑﺲ ﻧﺤﻦ ﻣﺎﻛﻨﺎ ﺑﻨﻈﻦ ﺍﻧﻮ ﻣﻤﻜﻦ ﺯﻭﻝ ﻳﻜﻀﺐ ﻛﻀﺒﺔ ﻗﺪﺭ
ﺩﻱ ...
ﺍﻟﺠﻴﻠﻲ ﻗﺎﻝ ﻟﺤﺎﺝ ﺍﺣﻤﺪ .. ﻳﺎﺣﺎﺝ ﺍﺣﻤﺪ ﺍﻧﺎ ﺑﻮﻋﺪﻙ ﻟﻮ ﻣﺎﻟﻘﻴﺖ ﺑﺪﺭﻳﺔ ﺍﻭ ﻋﺮﻓﺖ
ﻋﻨﻬﺎ ﺧﺒﺮ ﺍﻛﻴﺪ .. ﻣﺎﺑﺮﺗﺎﺡ ﻓﻲ ﺍﻟﺒﻠﺪ ﺩﻱ ﺗﺎﻧﻲ ﻧﻬﺎﺋﻲ .. ﻭﻟﻮ ﺑﺪﺭﻳﺔ ﻓﻌﻼ
ﻣﺎﺗﺖ ﺍﻧﺎ ﺍﻟﺤﺮﻳﻢ ﻣﺤﺮﻣﺎﺕ ﻋﻠﻲ ﻻﻣﻦ ﺍﻣﻮﺕ ..
ﺍﻟﺰﻋﻴﻢ ﻗﺎﻝ ﻟﻴﻬﻮ ﻭﺍﻧﺎ ﺑﻘﺴﻢ ﻟﻴﻚ ﺑﺎﻟﻠﻪ ﻳﺎ ﺍﻟﺠﻴﻠﻲ ﺑﺪﺭﻳﺔ ﺗﻜﻮﻥ ﺣﻴﺔ .. ﻭﺗﺠﻴﺐ
ﻟﻲ ﻣﻨﻬﺎ ﺧﺒﺮ
ﻣﺎﻓﻲ ﺭﺍﺟﻞ ﻳﻤﺴﻚ ﻳﺪﻫﺎ ﻏﻴﺮﻙ .. ﻭﻟﻴﻚ ﻣﻨﻲ ﻭﻫﻴﺒﺔ ﻣﺎﺗﺤﻠﻢ ﺑﻴﻬﺎ .. ﻟﻜﻦ
ﺍﺗﺎﻛﺪ ﺍﻧﺖ ﻣﺎﺷﻲ ﻓﻲ ﺩﺭﺏ ﺍﻟﻤﺤﺎﻝ ..
ﻭﻓﻌﻼ ﺍﻟﺰﻋﻴﻢ ﻭﻧﺎﺱ ﺍﻟﻤﻨﻄﻘﺔ ﻛﻠﻬﻢ ﺷﻜﻮ ﺑﻌﺪ ﺧﺒﺮ ﺍﻟﻜﺬﺑﺔ ﺑﺘﺎﻋﺔ ﺟﺜﺔ
ﺍﻟﺸﻤﺎﻟﻴﺔ ..ﺷﻜﻮ ﺍﻧﻮ ﻗﺼﺔ ﺍﻟﻐﺮﺍﻕ ﺩﻱ ﺗﻜﻮﻥ ﻣﺪﺑﺮﺓ ﻭﺑﺪﺭﻳﺔ ﻣﺨﻄﻮﻓﻪ ..
ﺧﺼﻮﺻﺎ ﺍﻻﻳﺎﻡ ﺩﻳﻚ ﻣﻨﺸﺮﺓ ﻗﺼﺔ ﺍﻟﻨﺎﺱ ﺍﻟﺒﺸﻴﻠﻮ ﺍﻟﺪﻡ .. ﻭﺑﺘﺎﺟﺮﻭ ﺑﺎﻻﻋﻀﺎﺀ ..
ﻭﺍﻟﻨﺎﺱ ﺍﺗﻨﺎﻗﻠﻮ ﺍﻟﺨﺒﺮ ..
ﻭﺍﻟﺠﻴﻠﻲ ﻃﻮﻝ ﻗﻌﺪﺗﻮ ﻓﻲ ﺍﻟﺤﻠﺔ ﺍﻱ ﺯﻭﻝ ﻳﻼﻗﻴﻬﻮ ﻋﻨﺪﻭ ﻟﻴﻬﻮ ﻋﺒﺎﺭﺓ ﻳﻜﺮﺭ ﻓﻴﻬﺎ
ﻻﻱ ﺯﻭﻝ ﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ..ﺑﻘﻮﻝ ( ﻛﻴﻒ ﺗﺘﺎﻛﺪﻭ ﻣﻦ ﻏﺮﺍﻕ ﺯﻭﻝ
ﻣﺎﻟﻘﻴﺘﻮ ﺟﻨﺎﺯﺗﻮ ؟ ﻭﻣﺎﺷﻔﺘﻮﻫﻮ ﻟﻤﻦ ﻏﺮﻕ ) ؟؟ ﻭﻓﻌﻼ " ﺳﺆﺍﻝ ﻣﻨﻄﻘﻲ ﺑﺲ
ﺍﻟﺤﺎﺻﻞ ﺷﻨﻮ؟
ﺍﻟﺤﺎﺻﻞ ﺷﻨﻮ ؟ ﺍﻟﻨﺎﺱ ﻛﻠﻬﺎ ﺑﺪﺕ ﺗﺘﺴﺎﺀﻝ ..
ﻭﺍﻟﺠﻴﻠﻲ ﺑﺪﺍ ﻣﻦ ﺍﻟﻴﻮﻡ ﺩﺍﻙ .. ﻳﻤﺮﻕ ﻣﻦ ﺍﻟﺼﺒﺎﺡ ..ﻭﺣﺎﻳﻢ ﺍﻟﺤﻼﻝ ﺣﻠﺔ ﺣﻠﺔ ..
ﻭﻳﺴﺄﻝ ﻭﻳﺴﺘﻔﺴﺮ .. ﻭﻋﻤﻞ ﻋﻼﻗﺎﺕ ﻣﻊ ﻧﺎﺱ ﺍﻟﺸﺮﻃﺔ .. ﻭﺑﻘﻮ ﺣﺎﻳﻤﻴﻦ
ﻣﻌﺎﻫﻮ ﻭﺷﻐﺎﻟﻴﻦ ﺗﺤﻘﻴﻘﺎﺕ ﻏﺮﻳﺒﺔ .. ﺑﺲ ﻛﻞ ﻣﺮﺓ ﺗﻈﻬﺮ ﺣﺎﺟﺔ ﻭﺗﻄﻠﻊ
ﻛﻀﺐ .. ﺍﻟﺰﻭﻝ ﺩﻩ ﻓﻲ ﺧﻤﺴﺔ ﻳﻮﻡ
ﺣﺎﻳﻢ ﻟﻴﻬﻮ 13 ﺣﻠﺔ.. ﻻﻣﻦ ﻧﺎﺱ ﺍﻟﺤﻠﺔ ﺣﻨﻮ ﻓﻲ ﺣﺎﻟﻮ .. ﻭﺍﺻﻠﻮ ﻣﺎﻃﻠﺐ
ﻣﺴﺎﻋﺪﺓ ﻣﻦ ﺯﻭﻝ
ﻳﻮﻡ ﺟﻤﺎﻋﺘﻮ ﻧﺎﺱ ﺍﻟﻘﻮﺯ ﻗﺎﻟﻮ ﻟﻴﻬﻮ ﻧﺤﻦ ﻣﻌﺎﻙ .. ﻭﺩﺍﻳﺮﻳﻦ ﻧﻔﺘﺶ ﻣﻌﺎﻙ ..
ﻗﺎﻝ ﻟﻴﻬﻢ ﺑﺪﺭﻳﺔ ﻣﺴﺆﻟﻴﺘﻲ ﺑﺮﺍﻱ ﻭﺍﻧﺎ ﺍﻟﺒﻠﻘﺎﻫﺎ .. ﻭﻛﻞ ﻳﻮﻡ ﻳﺠﻲ ﺍﻧﺼﺎﺹ
ﺍﻟﻠﻴﺎﻟﻲ ..
ﻭﻳﺠﻲ ﺑﻼﺧﺒﺮ ﻭﻳﻮﻡ ﻭﺍﺣﺪ ﻣﺎﻓﺘﺮ ﻭﻻﻗﻨﻊ ﻭﻻﻳﺌﺲ .. ﻟﻐﺎﻳﺔ ﻣﺎﻧﺎﺱ ﺍﻟﺤﻠﺔ ﺣﻨﻮ
ﻓﻲ ﺣﺎﻟﻮ ..
ﻭﻧﺎﺱ ﺍﻟﺤﻠﺔ ﻧﻔﺴﻬﻢ ﺑﻘﻮ .. ﺑﻴﻦ ﺷﺎﻛﻴﻦ ﻭﻗﻨﻌﺎﻧﻴﻦ .. .
ﺣﺎﺟﺔ ﻏﺮﻳﺒﺔ ﻓﻌﻼ "..
ﻟﻜﻦ ﻓﻲ ﺣﺎﺟﺔ ﺣﺼﻠﺖ ﺍﻟﻠﻴﻠﺔ ﺍﻟﺼﺒﺎﺡ
ﺍﻟﻰ ﺍﻟﻠﻘﺎﺀ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدر ح21
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: