لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدر ح19

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدر ح19   الأحد أبريل 27, 2014 9:14 am

ﺿﻴﺎﻉ ﺍﻟﺪﺭ ....19
ﻃﺒﻌﺎ " ﻛﺎﻧﺖ ﺍﻟﺨﻄﺔ ﺍﻟﻌﻤﻠﻮﻫﺎ ﺍﻟﺠﻤﺎﻋﺔ ﺍﻟﻔﻲ ﺍﻟﺴﻌﻮﺩﻳﺔ، ﺧﻄﺔ ﻏﻴﺮ ﻣﺪﺭﻭﺳﺔ،
ﻻﻧﻬﺎ ﻣﺒﻨﻴﺔ ﻋﻠﻰ ﻣﻌﻠﻮﻣﺎﺕ ﻧﺎﻗﺼﺔ، ﺍﻭ ﻗﻮﻝ ﺍﻧﻬﺎ ﺧﻄﻪ ﻋﺮﺣﺎﺀ .ﻻﻧﻬﻢ . ﻣﺎﻛﺎﻧﻮ
ﻋﺎﺭﻗﻴﻦ ﺧﺒﺮ ﺍﻟﻮﻓﺎﻩ . ﺍﻟﻤﻬﻢ ﺍﻟﺨﻄﺔ ﺑﺪﺕ ﻓﻲ ﺍﻟﺘﻨﻔﻴﺬ ﺍﻻﻥ، ﻭﻧﺤﻦ ﻣﺘﺎﺑﻌﻴﻦ .
ﻣﺴﻌﺪ ﺍﺻﺮ ﺍﺻﺮﺍﺭ ﺷﺪﻳﺪ ﺍﻧﻮ ﺣﺎﺝ ﻣﻬﺪﻱ ﻳﺴﺎﻓﺮ ﺍﻟﺒﻠﺪ، ﻻﻧﻪ ﺣﺎﻣﺪ ﻓﻲ ﺍﻟﺠﻮﺍﺏ
ﻣﺎﺣﻜﻰ ﻟﻴﻬﻢ ﺍﻧﻮ ﺍﻟﺰﻭﺍﺝ ﻣﻮﺍﻋﻴﺪﻭ
ﺟﺎﺕ . ﺑﺲ ﻃﻠﺐ ﻣﻨﻬﻢ ﺍﻻﺧﺒﺎﺭ ﺑﺎﻟﺘﻔﺼﻴﻞ ، ﻭﺍﺧﺒﺮﻫﻢ ﺑﻔﺴﺦ ﺍﻟﺨﻄﻮﺑﺔ . ﺍﻟﻤﻬﻢ
ﻭﺍﺗﻔﻘﻮﺍ ﻋﻠﻰ ﺍﻟﻄﺮﻳﻘﺔ ﺍﻟﺒﺘﻢ ﺑﻴﻬﺎ ﺗﺒﺮﺋﺔ ﺍﻟﺠﻴﻠﻲ ﺍﻣﺎﻡ ﺍﻫﻠﻪ ﻭﻧﺎﺱ ﺣﻠﺘﻪ ﻣﻦ
ﺍﻟﺘﻬﻤﺔ .
ﻭﺑﻌﺪ ﻣﺎﻳﺴﺎﻓﺮ ﻋﻤﻚ ﻣﻬﺪﻱ ﺑﻲ ﻳﻮﻣﻴﻦ ﺗﻼﺗﺔ ، ﻣﺴﻌﺪ ﻫﻮ ﺫﺍﺕ ﻧﻔﺴﻪ
ﺣﻴﺤﻜﻲ . ﻟﻠﺠﻴﻠﻲ ﺍﻟﺤﺎﺻﻞ ﻭﻳﺠﻬﺰ ﻟﻴﻬﻮ . ﺑﻌﺾ ﺍﻟﺘﺮﺗﻴﺒﺎﺕ ﻭﺍﻟﻨﺜﺮﻳﺎﺕ ﺍﻟﻤﻤﻜﻦ
ﺗﺴﺎﻋﺪﻭ ، ﻟﻮ ﻣﺎ ﻭﻓﺎﺀ ﺑﺎﻟﻄﻠﺒﺎﺕ ﻛﺎﻣﻠﻪ ﺑﺠﺰﺀ ﻛﺒﻴﺮ ﻣﻨﻬﺎ ، ﺑﺲ ﻛﺎﻧﻮ ﺧﺎﻳﻔﻴﻦ
ﺍﻧﻮ ﺍﻟﺠﻴﻠﻲ ﻣﺎﻳﻘﺒﻞ ﻗﺮﻭﺵ ﻣﻦ ﻣﺴﻌﺪ ، ﺑﻐﻴﺮ ﻋﻤﻞ ﺧﺼﻮﺻﺎ ﻫﻮ ﻗﺒﻞ ﻛﺪﺍ
ﺍﻟﺘﺒﺮﻋﺎﺕ ﻭﻛﺖ ﻃﻠﻮﻋﻮ ﻣﻦ ﺍﻟﺴﺠﻦ ﻗﺒﻠﻬﺎ ﺑﺎﻟﺘﻠﺘﺔ .ﻋﻢ ﻣﻬﺪﻱ ﺍﺻﻼ ﻫﻮ ﻛﺎﻥ
ﻣﺴﺎﻓﺮ ﻻﻭﻻﺩﻭ ﺑﻌﺪ ﺷﻬﺮ ﻋﺸﺮﻳﻦ ﻳﻮﻡ .. ﻗﺎﻟﻴﻬﻢ ﻣﺎﻓﻲ ﻣﺸﻜﻠﺔ ﻟﻮ ﺍﻧﺎ
ﺍﺳﺘﻌﺠﻞ ﻋﺸﺎﻥ ﺍﻟﺠﻴﻠﻲ . ﺩﻱ ﺍﻗﻞ ﺣﺎﺟﺔ ﻣﻤﻜﻦ ﺍﻟﻮﺍﺣﺪ ﻳﻌﻤﻼ ﻋﺸﺎﻧﻪ .ﺍﺳﺘﻌﺪﺍ
ﻟﻠﺴﻔﺮ ﻭﻗﺎﻡ ﺣﺎﺝ ﻣﻬﺪﻱ .. ﺑﻌﺪ ﻣﺎ ﺃﺧﺪ ﺍﻟﻮﺻﻒ ﻛﺎﻣﻞ ﻣﻦ ﺍﻻﺥ ﻧﺎﺻﺮ ﺻﺎﺣﺐ
ﺍﻟﺠﻮﺍﺏ ..
ﻭﻃﺒﻌﺎ " ﻣﺘﻔﻴﻦ ﻋﻠﻰ ﺍﻟﺤﺎﺟﺔ ﺍﻟﻤﻤﻜﻦ ﻳﻌﻤﻠﻬﺎ ﻫﻨﺎﻙ ﻓﻲ ﺍﻟﺒﻠﺪ .. ﻭﺃﻭﻝ ﻣﺎﻭﺻﻞ
ﺍﻟﺨﺮﻃﻮﻡ . ﺭﻛﺐ ﻃﻮﺍﻟﻲ ﻣﺸﻰ ﻻﻭﻻﺩﻭ ﻭﺳﻠﻢ ﻋﻠﻴﻬﻮ ﻭﺧﺖ ﻋﻔﺸﻮ ﻭﺷﻨﻄﻮ .
ﻭﻗﺎﻝ ﻟﻴﻬﻢ ﺍﻧﺎ ﻋﻨﺪﻱ ﺳﻔﺮﻳﺔ ﺻﻐﻴﺮﺓ ﻛﺪﺍ ﻭﺑﺠﻲ . ﻗﺎﻝ ﻭﺳﺎﻓﺮ ﻃﻮﺍﻟﻰ ﻋﻠﻰ
ﻗﺮﻳﺔ ﻧﺎﺱ ﺍﻟﺠﻴﻠﻲ .. ﻛﺎﻥ ﺍﻟﻴﻮﻡ ﻳﻮﻡ ﺧﻤﻴﺲ . ﺳﺄﻝ ﻣﻦ ﺑﻴﺖ ﺍﻟﺰﻋﻴﻢ ﺣﺎﺝ
ﺃﺣﻤﺪ . ﻭﻣﺸﻰ ﻟﻘﻰ ﺍﻟﻨﺎﺱ ﻣﺘﻠﻤﻴﻦ ﻭﻣﻔﺮﺷﻴﻦ ﻓﻲ ﺍﻻﺭﺽ ﻭﺑﺴﺘﻘﺒﻠﻮ ﻓﻲ
ﺍﻟﻌﺰﺍﺀ ﻭﺍﻟﻔﻮﺍﺗﺢ .. ﺍﻟﻤﻬﻢ ﺭﻓﻊ ﺍﻟﻔﺎﺗﺤﺔ ﻭﻗﻌﺪ . ﻭﻣﺎﻓﻲ ﺯﻭﻝ ﻣﻦ ﺍﻟﻨﺎﺱ ﻋﺎﺭﻓﻮ
ﺩﻩ ﻣﻨﻮ .؟ ﻭﻫﻮ ﻣﺎﻋﺮﻑ ﺍﻟﺰﻋﻴﻢ ﺩﻩ ﺍﻟﻤﺎﺕ ﻟﻴﻬﻮ ﻣﻨﻮ .
ﺑﻌﺪ ﺍﺩﻩ ﺍﻟﻔﺎﺗﺤﺔ ﻭﻗﻌﺪ . ﻭﺍﻟﺪﻳﻮﺍﻥ ﻣﻠﻴﺎﻥ ﻧﺎﺱ . ﺟﺎﺑﻮ ﻟﻴﻬﻮ ﻣﻮﻳﻪ ﺷﺮﺏ ﻭﺧﺘﻮ
ﻟﻴﻬﻮ ﻣﺨﺪﺓ ﻻﻧﻮ ﻇﺎﻫﺮ ﻋﻠﻴﻬﻮ ﺍﺛﺎﺭ ﺍﻟﺴﻔﺮ ﻭﺍﻟﻐﺒﺎﺭ . ﻳﻌﻨﻲ ﻣﻦ ﻗﺎﻡ ﻣﻦ
ﺍﻟﺴﻌﻮﺩﻳﺔ ﻭﺻﻞ ﺍﻟﺤﻠﺔ ﻓﻲ ﺍﺭﺑﻌﺔ ﺍﻳﺎﻡ .. ﻭﻫﻨﺎ ﻛﺎﻧﺖ ﺍﻟﻮﻓﺎﺓ ﻟﻴﻬﺎ ﺍﺳﺒﻮﻉ
ﺑﺎﻟﺘﻤﺎﻡ ﻭﺍﻟﻜﻤﺎﻝ ..
ﻭﺟﺎﺑﻮ ﻟﻴﻬﻮ ﺷﺎﻱ ﺷﺮﺏ .. ﻭﺍﻟﻨﺎﺱ ﺍﻟﻘﺎﻋﺪﻳﻦ ﻛﻞ ﻭﺍﺣﺪ ﻳﻌﺎﻳﻦ ﻟﻠﺘﺎﻧﻲ ﻭﻓﻲ
ﻋﻴﻮﻧﻬﻢ ﺳﺆﺍﻝ ﻫﻮ : ﺍﻟﺰﻭﻝ ﺍﻟﻐﺮﻳﺐ ﺩﻩ ﻣﻨﻮ؟ ﺍﻟﺰﻋﻴﻢ ﺫﺍﺗﻮ ﻣﺎﻋﺮﻓﻮ ..
ﻓﻲ ﻟﺤﻈﺔ ﻭﺍﻟﻨﺎﺱ ﺳﺎﻛﺘﻴﻦ ﻛﻠﻬﻢ .. ﻗﺎﻡ ﺣﺎﺝ ﻣﻬﺪﻱ ﻋﻠﻰ ﺣﻴﻠﻮ .. ﻭﻗﺎﻝ ﻟﻬﻢ :
) ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ .. ﻃﺒﻌﺎ " ﺍﻧﺎ ﺯﻭﻝ ﻏﺮﻳﺐ ﻋﻦ ﺍﻟﺒﻠﺪ ﺩﻱ ..
ﻭﺟﻴﺖ ﻣﺎﻋﺎﺭﻑ ﺍﻟﻮﻓﺎﺓ ﻭﻟﻐﺎﻳﺔ ﻫﺴﻊ ﻣﺎﻧﻌﺎﺭﻑ ﺍﻟﻤﻴﺖ ﻣﻨﻮ؟ ﻟﻜﻦ ﺟﻴﺖ ﺍﻟﺤﻠﺔ
ﻣﺨﺼﻮﺹ ﻋﺸﺎﻥ ﺯﻭﻝ ﻣﻦ ﺍﻭﻻﺩﻫﺎ ..
ﺍﻟﺤﻘﻴﻘﺔ ﻳﺎﺟﻤﺎﻋﺔ ﺍﻧﺎ ﺍﺳﻤﻲ ﻓﻼﻥ ﺍﻟﻔﻼﻧﻲ .. ﻣﻦ ﺍﻟﻤﻨﻄﻘﺔ ﺍﻟﻔﻼﻧﻴﺔ .. ﻣﺘﺰﻭﺝ
ﻭﻋﻨﺪﻱ ﺧﻤﺲ ﺑﻨﺎﺕ ﺍﻛﺒﺮ ﺑﺖ ﻓﻴﻬﻢ ﻋﻤﺮﻫﺎ 15 ﺳﻨﺔ . ﺷﻐﺎﻝ ﻭﻣﻘﻴﻢ ﻓﻲ
ﺍﻟﺴﻌﻮﺩﻳﺔ ﻓﻲ ﺟﺪﺓ .. ﻛﻨﺖ ﺳﺎﻛﻦ ﻓﻲ ﺑﻴﺖ ﻋﺰﺍﺑﺔ ﻭﻣﻌﺎﻱ ﺍﺗﻨﻴﻦ ﻣﻦ
ﺍﻟﺸﺒﺎﺏ .. ﻭﻛﺎﻧﻮ ﺍﻟﺸﺒﺎﺏ ﺍﻻﺗﻨﻴﻦ ﺑﺘﺎﻭﻟﻮ ﺍﻟﻤﺨﺪﺭﺍﺕ .. ﻭﺍﻧﺎ ﻛﻨﺖ ﻣﻀﻄﺮ ﺍﺳﻜﻦ
ﻣﻌﺎﻫﻢ ﺭﻏﻢ ﺍﻧﻲ ﻣﺘﻀﺎﻳﻖ ﻭﻛﺎﺭﻩ ﺭﻭﺣﻲ ..
ﻓﻲ ﻳﻮﻡ ﻣﻦ ﺫﺍﺕ ﺍﻻﻳﺎﻡ ﺟﺎﻧﺎ ﻭﺍﺣﺪ ﻳﺴﻜﻦ ﻣﻌﺎﻧﺎ ﻣﻦ ﺍﻟﺸﺒﺎﺏ ﺍﻻﻓﺎﺿﻞ ﺍﺳﻤﻮ
ﺍﻟﺠﻴﻠﻲ ﻭﺩ ﻓﻼﻥ .. ﻭﻛﺎﻥ ﺍﻧﺴﺎﻥ ﺑﻤﻌﻨﻰ ﺍﻟﻜﻠﻤﺔ ﻛﻠﻪ ﺧﻴﺮ ﻭﺑﺮﻛﺔ .. ﻭﻛﺎﻥ
ﺍﻧﺴﺎﻥ ﻧﺎﺩﺭ ﺍﻟﻮﺟﻮﺩ ﻓﻲ ﺍﻟﺰﻣﻦ ﺍﻟﻐﺮﻳﺐ ﺩﻩ ..
ﻓﻲ ﻳﻮﻡ ﻣﻦ ﺫﺍﺕ ﺍﻻﻳﺎﻡ ﻛﺎﻥ ﺍﻟﺠﻴﻠﻲ ﻧﺎﻳﻢ ﻭﺍﻧﺎ ﻣﺎﻓﻲ .. ﻛﺒﺴﺖ ﺍﻟﺸﺮﻃﺔ
ﻋﻠﻰ ﺍﻟﺒﻴﺖ ﺍﻟﻰ ﺁﺧﺮﻩ .. ﻭﺣﻜﻰ ﻟﻨﺎﺱ ﺍﻟﺤﻠﺔ ﺗﻔﺎﺻﻴﻞ ﺍﻧﻮ ﺍﻟﺠﻴﻠﻲ ﺑﺮﺉ ﻭﺩﺧﻞ
ﺍﻟﺴﻜﻦ ﻓﺪﺍﺋﻴﺔ ﻋﺸﺎﻧﻲ ﻭﻋﺸﺎﻥ ﻇﺮﻭﻑ ﺑﻨﺎﺗﻲ .. ﻟﻜﻦ ﺍﻟﺤﻤﺪ ﻟﻠﻪ ﺍﻟﻤﺤﻤﻜﻤﺔ
ﺑﺮﺍﺗﻪ ﻭﻃﻠﻊ ﻣﻦ ﺍﻟﺴﺠﻦ ﻋﺰﻳﺰﺍ ﻣﻜﺮﻣﺎ ﻣﺤﺘﺮﻣﺎ " ..
ﻭﺍﻧﺎ ﻣﺎﻋﺎﺭﻑ ﺍﺭﺩ ﻟﻴﻬﻮ ﺍﻟﺠﻤﻴﻞ ﺩﻩ ﻛﻴﻒ ﺑﺲ ﻗﻠﺖ ﺍﻗﻞ ﺣﺎﺟﺔ ﻣﻤﻜﻦ ﺍﻋﻤﻼ
ﻫﻲ ﺍﻧﻲ ﺍﺟﻲ ﺍﺯﻭﺭ ﻗﺮﻳﺘﻮ ﻭﺍﺳﻠﻢ ﻋﻠﻰ ﺍﻟﻨﺎﺱ ﺍﻟﻄﻠﻊ ﻣﻨﻬﻢ ﺍﻟﻮﻟﺪ ﺍﻟﻤﻠﻚ
ﺩﻩ ..
ﻭﺑﺎﻟﺠﺪ ﻳﺎﺟﻤﺎﻋﺔ ﺍﻧﺘﻮ ﻧﺎﺱ ﺗﺴﺘﺎﻫﻠﻮ ﻳﻜﻮﻥ ﺍﻟﺠﻴﻠﻲ ﻭﻟﺪﻛﻢ .. ﺍﻟﺠﻴﻠﻲ ﺍﻧﺴﺎﻥ
ﻧﺎﺩﺭ ﺍﻟﻮﺟﻮﺩ ((..
ﺑﻌﺪ ﺣﺎﺝ ﻣﻬﺪﻱ ﻛﻤﻞ ﻛﻼﻣﻮ ﺇﺗﻔﺎﺟﺄ ﺍﻧﻮ ﺍﻟﻔﺮﺍﺵ ﻛﻠﻪ ﺿﺠﺔ ﺑﺎﻟﺒﻜﺎ .. ﻭﺍﻱ ﺯﻭﻝ
ﻗﺒﻞ ﻋﻠﻰ ﺣﻴﻄﺔ ﻭﻗﻌﺪ ﻳﺠﻮﻋﺮ ..
ﻭﻋﻤﻚ ﻣﻬﺪﻱ ﺍﺳﺘﻐﺮﺏ ﻣﺎﺳﺮ ﻫﺬﺍ ﺍﻟﺒﻜﺎﺀ ..
ﺣﺘﻰ ﺍﻟﺰﻋﻴﻢ ﺍﻭﻝ ﻣﺮﺓ ﻓﻲ ﺣﻴﺎﺗﻮ ﻳﺒﻜﻲ .ﻭﺍﻟﻨﺎﺱ ﻳﺸﻮﻓﻮ ﺩﻣﻮﻋﻮ .. ﺳﺒﺤﺎﻥ
ﺍﻟﻠﻪ ﺍﻟﺮﺍﺟﻞ ﺍﻟﻘﻠﺒﻮ ﻗﺎﺳﻲ ، ﻋﻠﻰ ﺑﺘﻮ ﻣﺎ ﺑﻜﻰ . ﻳﺪﻣﻊ ﻣﻦ ﻗﺼﺔ ﺑﺮﺍﺀﺓ
ﺍﻟﺠﻴﻠﻲ ..
ﺍﻫﺎ ﺍﻟﺰﻋﻴﻢ ﺣﺎﺝ ﺍﺣﻤﺪ ﻗﺸﻘﺶ ﺩﻣﻴﻌﺎﺗﻮ ﻭﻭﻗﻒ ﻋﻠﻰ ﺣﻴﻠﻮ ..ﻭﺷﻜﺮ ﺍﻟﺮﺍﺟﻞ
ﺣﺎﺝ ﻣﻬﺪﻱ ..
ﻭﻗﺎﻝ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻲ ﺍﻳﺎﻣﻚ .. ﻭﻳﺤﻔﻆ ﻭﻟﺪﻧﺎ ﺍﻟﺠﻴﻠﻲ .. ﺍﻧﺖ ﺑﺎﻟﺠﺪ
ﺍﺯﺣﺖ ﻏﻢ ﻣﻦ ﻗﻠﻮﺑﻨﺎ ﻻﻳﻌﻠﻢ ﺑﻪ ﺍﻻ ﺍﻟﻠﻪ ..
ﻟﻜﻦ ﻟﻼﺳﻒ ﺍﺗﺄﺧﺮﺕ ﺗﺄﺧﻴﺮ ﺷﺪﻳﺪ .. ﻋﺎﺭﻑ ﻧﺤﻦ ﺍﻟﻤﻔﺮﻭﺽ ﻧﻌﺮﻑ ﻛﻼﻣﻚ ﺩﻩ
ﻣﻦ ﻗﺒﻞ ﺍﺳﺒﻮﻉ ﻋﻠﻰ ﺍﻻﻗﻞ .. ﻻﻧﻮ ﺍﻟﻌﺰﺍﺀ ﺍﻻﻧﺖ ﺷﺎﻳﻔﻮ ﺩﻩ .. ﻋﺰﺍﺀ ﺑﺘﻲ
ﺍﻟﻜﺎﻥ ﺍﻟﺠﻴﻠﻲ ﺣﻴﺘﺰﻭﺟﻬﺎ ، ﻭﻫﻲ ﻏﺮﻗﺖ ﻓﻲ ﺍﻟﺒﺤﺮ ،ﻻﻧﻬﺎ ﺳﻤﻌﺖ ﺑﺎﻧﻮ ﺍﻟﺠﻴﻠﻲ
ﺑﻴﺎﻉ ﻣﺨﺪﺭﺍﺕ، ﻭﻧﺤﻦ ﺣﻨﺰﻭﺟﻬﺎ ﻟﺰﻭﻝ ﻏﻴﺮﻭ . ﻋﺸﺎﻥ ﻛﺪﺍ ﻭﻗﻌﺖ ﺍﻟﺒﺤﺮ . ﻭﻧﺤﻦ
ﺑﻨﻤﺸﻂ ﻓﻲ ﺍﻟﻤﻮﺝ ﻟﻴﻞ ﻭﻧﻬﺎﺭ . ﻟﻐﺎﻳﺔ ﻣﺎ ﺟﺎﻧﺎ ﺟﻮﺍﺏ ﻣﻦ ﻣﻨﻄﻘﺔ ﻓﻲ
ﺍﻟﺸﻤﺎﻟﻴﺔ.. ﺍﻧﻬﻢ ﻃﻠﻌﻮ ﺟﺜﺔ ﺑﺖ ﻣﻦ ﺍﻟﺒﺤﺮ . ﻣﺸﻮﻫﺔ ﻭﻋﻠﻴﻬﺎ ﺍﺛﺮ
ﺍﻟﺤﻨﺔ ،ﻭﺩﻓﻨﻮﻫﺎ، ﻛﺪﺍ ﻧﺤﻦ ﻭﻗﻔﻨﺎ ﺍﻟﻔﺘﺎﺷﻪ ﻓﻲ ﺍﻟﺒﺤﺮ ﻭﺍﺳﺘﺴﻠﻤﻨﺎ ﻟﻘﺪﺭ ﺍﻟﻠﻪ ..
ﺣﺎﺝ ﻣﻌﺪﻱ ﺗﺦ ﻃﻮﺡ ﻭﻟﻔﻪ ﺻﻴﻨﺔ ﻭﺟﺎ ﺩﺍﻕ ﺍﻟﻮﺍﻃﺔ ﻻﻣﻦ ﺍﻟﻨﺎﺱ ﺍﻟﺠﻨﺒﻮ ﻟﺤﻘﻮﻫﻮ
ﻣﺎﻳﻘﻊ ﻳﻜﺴﺮ ﺭﺍﺳﻮ ﺑﻲ ﺣﺎﻓﺔ ﺍﻟﺼﺒﺔ ..ﻭﻗﻌﺪ ﻳﺠﻮﻋﺮ ﻭﻳﺒﻜﻲ ﺯﻱ ﺍﻟﺸﺎﻓﻊ
ﺍﻟﻔﻄﻴﻢ ..
ﻭﻃﻮﺍﻟﻲ ﻟﺒﺲ ﻧﻌﻼﺗﻪ ﻭﻣﺮﻕ ﻭﻗﺎﻝ ﻟﻬﻢ ﻭﺩﻋﺘﻜﻢ ﺍﻟﻠﻪ .. ﻳﺎﺟﻤﺎﻋﺔ .. ﻭﻗﺪﺭ
ﺍﻟﻨﺎﺱ ﻣﺎﺣﺎﻭﻟﻮ ﻳﻮﻗﻔﻮﻫﻮ ﻣﺎﻭﻗﻒ . ﻭﻓﺎﺕ ..
ﻃﺒﻌﺎ ﻓﻲ ﺍﻟﻮﻗﺖ ﺩﻩ ﻣﺴﻌﺪ ﻛﺎﻥ ﺣﻜﺎ ﻟﻠﺠﻴﻠﻲ ﻗﺼﺔ ﺍﻟﺠﻮﺍﺏ .. ﻭﻗﺎﻝ ﻟﻴﻬﻮ
ﺣﺎﺝ ﻣﻬﺪﻱ ﺳﺎﻓﺮ ﻗﺪﺍﻣﻚ ﻭﻣﺸﻰ ﻳﺜﺒﺖ ﺑﺮﺍﺀﺗﻚ ﻟﻨﺎﺱ ﺍﻟﺪﻳﺮﺓ .. ﻭﺍﻧﺖ ﺭﺍﺡ
ﺗﻤﺸﻲ ﻭﺗﻼﻗﻰ ﺍﻟﻤﻮﺍﺿﻴﻊ ﻗﺪﺍﻣﻚ ﺯﻳﻨﻪ ﻣﻴﺔ ﻓﻲ ﺍﻟﻤﻴﺔ .. ﺍﻧﺎ ﺩﻗﻴﺖ ﻟﻴﻚ ﺧﺮﻭﺝ
ﻭﻋﻮﺩﻩ .. ﻭﻣﻨﺘﻈﺮﻙ ﺗﺠﻴﻨﻲ ﺑﺎﻟﺒﺸﺎﻳﺮ .
ﻭﺍﻟﺠﻴﻠﻲ ﺍﺭﺗﺒﻚ ﻭﺧﺎﻑ ﺟﺪﺍ ﺍﻧﻮ ﺑﺪﻳﺮﻳﺔ ﺗﻔﻠﺖ ﻣﻦ ﻳﺪﻭ ﻭﻳﺰﻭﺟﻮﻫﺎ ﻟﺰﻭﻝ
ﺗﺎﻧﻲ ..
ﻭﻟﻤﻦ و ﻣﺪﺍ ﻟﻴﻬﻮ ﻗﺮﻭﺷﻮ .. ﻛﺎﻧﺖ ﻗﺮﻭﺵ ﻣﺎﻫﻴﻨﻪ ﻭﻣﺎﻗﺪﺭ ﺣﻘﻮ
ﺍﻟﺤﻘﻴﻘﻲ ﺍﻛﺘﺮ ﺑﻜﺘﻴﺮ .. ﺍﻟﺠﻴﻠﻲ ﻓﻌﻼ ﺍﺗﺮﺩﺩ .. ﻣﺴﻌﺪ ﻗﺎﻝ ﻟﻴﻴﻬﻮ ﺍﺻﻼ ﻣﺎﻓﻲ
ﻣﺸﻜﻠﺔ .. ﺑﻌﺪ ﺗﺘﺰﻭﺝ ﺗﻌﺎﻝ ﺭﺍﺟﻊ ﻭﺳﺪﺩﻫﻢ ﺑﺎﻟﺸﻐﻞ ..
ﻗﺎﻝ ﻟﻴﻬﻮ ﺍﻓﺮﺽ ﺣﺼﻠﺖ ﻟﻲ ﺣﺎﺟﺔ .. ﻳﻜﻮﻥ ﺩﻳﻦ ﻓﻲ ﺭﻗﺒﺘﻲ ؟ ﻗﺎﻝ ﻟﻴﻬﻮ ﺍﻧﺎ
ﻋﺎﻓﻴﻬﺎ ﻟﻴﻚ ..
ﺍﻟﻤﻬﻢ ﺍﻟﺠﻴﻠﻲ ﺳﺎﻓﺮ ﻓﻲ ﻋﺠﻠﺔ ﻭﺍﺳﺘﻌﺠﺎﻝ ﺷﺪﻳﺪ ..
ﺍﻟﻰ ﺍﻟﻠﻘﺎﺀ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدر ح19
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: