لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ
مرحبا بـــــــــك في منتديات لوعــــــــة قلب
Welcome to the Forum for anguish of the hear

نتمنى لك ان تجد كل ما يسعدك


وشكرا (حمادة)

لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ

ﻧﺤﻦ ﻻ ﻧﻜﺘﺐ ﻟﻜﻲ ﻧﺴﻤﻊ ﺍﻟﺘﺼﻔﻴﻖ ﻭﻟﺴﻨﺎ ﻣﺠﺮﺩ منتدى ﺯﺍﺋﺪﺓ ﻋﻠﻰ الانترنت , ﻧﺤﻦ ﻫﻮﺍﺀٌ ﻳُﺘﻨﻔﺲ, ﻭﺃﺣﻼﻡٌ ﺗﺮﺍﻓﻘﻚ ﺩﺍﺋﻤﺎ
 
الرئيسيةاليوميةس .و .جبحـثالتسجيلدخول

شاطر | 
 

 ضيــــــــــــــــــــــــــاع الدرح16

اذهب الى الأسفل 
كاتب الموضوعرسالة
hmadakhan
مدير منتديات لوعة قلب
مدير منتديات لوعة قلب
avatar

عدد المساهمات : 108
تاريخ التسجيل : 31/01/2012
العمر : 22
الموقع : الخرطوم/الحاج يوسف/شارع واحد

مُساهمةموضوع: ضيــــــــــــــــــــــــــاع الدرح16   الأحد أبريل 27, 2014 9:12 am

ﺿﻴﺎﻉ ﺍﻟﺪﺭ ..
ﺍﻟﺤــﻠﻘﺔ 16.. ..
ﺍﻟﺰﻋﻴﻢ ﺍﺳﺘﻠﻢ ﺍﻟﺠﻮﺍﺏ ﻣﻦ ﻣﻌﺘﺼﻢ ﻭﻗﺮﺍﻫﻮ .. ﻃﺒﻌﺎ " ﺍﺗﻔﺎﺟﺄ ﺟﺪﺍ ﻟﻤﻦ ﻗﺮﺍ
ﻋﺒﺎﺭﺓ ﺍﻟﺠﻴﻠﻲ ﻣﺴﺠﻮﻥ ﻓﻲ ﻗﻀﻴﺔ ﻣﺨﺪﺭﺍﺕ .. ﻭﺳﻜﺖ ﻣﺴﺎﺍﺍﺍﺍﺍﻓﻪ .. ﻗﺎﻝ
ﻟﻲ ﻣﻌﺘﺼﻢ .. ﻭﺍﻧﺎ ﺃﺻﺪﻕ ﻛﻴﻒ ﺍﻧﻮ ﺍﻟﺠﻮﺍﺏ ﺩﻩ ﺟﺎﻱ ﻣﻦ ﻧﺎﺻﺮ ..؟
ﻗﺎﻝ ﻟﻴﻬﻮ ﻣﻦ ﺣﻘﻚ ﺗﺘﺄﻛﺪ ﺑﺎﻟﻄﺮﻳﻘﺔ ﺍﻟﺒﺘﺮﻳﺤﻚ ﻳﺎﺣﺎﺝ ﺍﺣﻤﺪ .. ﺍﻟﺰﻋﻴﻢ ﻗﺎﻝ
ﻟﻴﻬﻮ ﺍﻧﺖ ﺗﺼﺒﺮ .. ﻭﻣﺎﺗﺴﺎﻓﺮ ﻟﻐﺎﻳﺔ ﻣﺎ ﺃﻧﺎ ﺍﺷﻮﻑ ﺍﻟﻤﻮﺿﻮﻉ ﺩﻩ ﺷﻨﻮ ؟
ﺍﻟﻤﻬﻢ ﺍﻟﺰﻋﻴﻢ ﻃﻠﻊ ﺑﺮﺓ ﻭﻛﻤﻞ ﻗﻌﺪﺗﻮ ﻣﻊ ﺍﻟﺠﻤﺎﻋﺔ .. ﻭﺧﻠﺼﻮ ﺍﺟﺘﻤﺎﻋﻬﻢ
ﻭﻣﺸﻮ ..
ﺍﻟﺰﻋﻴﻢ ﻧﺎﺩﻱ ﻭﺍﺣﺪ ﻣﻦ ﺍﻻﻭﻻﺩ .. ﻗﺎﻝ ﻟﻴﻬﻮ ﺗﻤﺸﻲ ﺗﻨﺎﺩﻱ ﻟﻲ . ﻧﺼﺮ
ﺍﻟﺪﻳﻦ .. ﻧﺼﺮ ﺍﻟﺪﻳﻦ ﺷﻘﻴﻖ ﻧﺎﺻﺮ ﺍﻟﻤﺮﺳﻞ ﺍﻟﺠﻮﺍﺏ ﺗﻤﺎﻡ ؟ ..
ﻟﻤﻦ ﺟﺎﺀ ﻧﺼﺮﺍﻟﺪﻳﻦ .. ﺍﻟﺰﻋﻴﻢ ﻗﺎﻝ ﻟﻴﻬﻮ ﻳﺎﻧﺼﺮ ﺍﻟﺪﻳﻦ .. ﺑﺘﻌﺮﻑ ﺧﻂ ﺍﺧﻮﻙ
ﻧﺎﺻﺮ؟
ﻧﺼﺮ ﺍﻟﺪﻳﻦ ﻗﺎﻝ ﻟﻴﻬﻮ ﺩﻩ ﻛﻼﻣﻚ ﻳﺎﺣﺎﺝ؟ .. ﺑﻌﺮﻓﻮ ﻣﻌﺮﻓﺔ ﺷﺪﻳﺪﺓ .. ﻟﻜﻦ
ﻓﻲ ﺷﻨﻮ ﺑﺎﻟﻀﺒﻂ ﻛﺪﺍ؟ .. ﻭﺍﻟﺰﻭﻝ ﺍﻟﻤﻌﺎﻙ ﺩﻩ ﻣﻨﻮ؟ .. ﺍﻥ ﺷﺎﺀ ﺍﻟﻠﻪ ﻣﺎﻓﻲ
ﻣﺸﻜﻠﺔ ..
ﻗﺎﻝ ﻟﻴﻬﻮ ﻣﺎﻓﻲ ﻋﻮﺟﺔ ﻟﻐﺎﻳﺔ ﺣﺴﻲ .. ﻫﺎﻙ ﺷﻮﻑ ﺩﻩ ﺧﻂ ﺍﺧﻮﻙ ﻧﺎﺻﺮ . ؟؟
ﻧﺼﺮ ﺍﻟﺪﻳﻦ ﻣﻦ ﻋﺎﻳﻦ ﻟﻠﻈﺮﻑ ﻣﻦ ﺑﺮﻩ .. ﻋﺮﻑ ﺧﻂ ﻧﺎﺻﺮ .. ﻓﻘﺎﻝ
ﻟﻠﺰﻋﻴﻢ ..ﺍﻳﻮﺓ ﻳﺎﺣﺎﺝ ﺍﺣﻤﺪ ﺩﻱ ﻛﺘﺎﺑﺔ ﻧﺎﺻﺮ ﺃﺧﻮﻱ .. ﺍﻟﺰﻋﻴﻢ ﺍﺩﺍﻫﻮ ﺍﻟﺠﻮﺍﺏ
ﻛﻠﻮ ﻗﺎﻝ ﻟﻴﻬﻮ ﺍﺗﺎﻛﺪ ..
ﻭﻧﺼﺮ ﺍﻟﺪﻳﻦ ﺍﺯﺩﺍﺩ ﻟﻪ ﺗﺄﻛﻴﺪﺍ " .. ﺍﻧﻮ ﺩﻱ ﻛﺘﺎﺑﺔ ﻧﺎﺻﺮ ﻭﺧﻂ ﻳﺪﻭ ..
ﺍﻟﺰﻋﻴﻢ ﻫﻨﺎ ﺷﺎﻝ ﻧﻔﺴﻮ ﻭﺧﺘﺎﻫﻮ ..
ﻭﻗﺎﻝ : ﺧﺴﺎﺭﺓ ﻭﺍﻟﻠﻪ ﻳﺎ ﺍﻟﺠﻴﻠﻲ .. ﺍﻟﺮﺍﺟﻞ ﺍﻟﺤﺮ ﻭﺿﻜﺮ .. ﺍﺧﺮ ﺍﻟﻨﻬﺎﻳﺔ
ﺗﻄﻠﻊ ﺯﻭﻝ ﺻﻔﺮ .؟
ﻧﺼﺮ ﺍﻟﺪﻳﻦ ﻗﺎﻝ ﻟﻴﻬﻮ ﻓﻲ ﺷﻨﻮ ﻳﺎﺣﺎﺝ ..؟
ﻗﺎﻝ ﻟﻴﻬﻮ ﺍﺧﻮﻙ ﻣﺮﺳﻞ ﺍﻟﺠﻮﺍﺏ ﺩﻩ .. ﻭﻗﺎﻝ ﺍﻟﺠﻴﻠﻲ ﻣﻘﺒﻮﺽ ﻓﻲ ﻗﻀﻴﺔ
ﻣﺨﺪﺭﺍﺕ ..
ﻭﺍﻧﺎ ﻓﻲ ﺍﻟﺒﺪﺍﻳﺔ ﺷﻜﻴﺖ ﻓﻲ ﺍﻟﻮﻟﺪ ﺩﻩ .. ﻗﻠﺖ ﻋﻨﺪﻩ ﻫﺪﻑ ﺍﻟﻤﻨﺎﻓﺴﺔ ﻓﻲ
ﺍﻟﺒﺖ
ﻟﻜﻦ ﻣﺎﺩﺍﻡ ﺍﻧﺖ ﺍﻛﺪﺕ ﻟﻲ .. ﺗﺎﻧﻲ ﺍﻟﺠﻴﻠﻲ ﻣﺎﻋﻨﺪﻭ ﻋﻨﺪﻱ ﺣﺎﺟﺔ ..
ﻭﻣﻮﺍﻋﻴﺪﻭ ﺯﺍﺗﻬﺎ ﺑﻠﻐﻴﻬﺎ ..
ﺩﺍﻳﺮﻙ ﺗﻜﻠﻢ ﻟﻲ ﺍﻟﺠﻤﺎﻋﺔ ﻓﻲ ﺻﻼﺓ ﺍﻟﻀﻬﺮ .. ﻳﺠﻮ ﻳﺘﻐﺪﻭ ﻣﻌﺎﻱ .. ﻋﺸﺎﻥ
ﺍﻭﺭﻳﻬﻢ ﺍﻟﺠﻮﺍﺏ ﺩﻩ ..
ﻭﺗﺎﻧﻲ ﺯﻭﻝ ﻳﻠﻮﻣﻨﻲ ﻣﺎﻓﻲ .
ﻭﺍﻟﻤﺸﻜﻠﺔ ﻛﻠﻬﺎ ﺑﻘﺖ ﻛﺎﻣﻨﺔ ﻓﻲ ﻋﺪﻡ ﻣﻌﺮﻓﺔ ﺍﻟﻨﺎﺱ ﻟﺘﻔﺎﺻﻴﻞ ﺍﻟﻌﺒﺎﺭﺓ ﺍﻟﻔﻲ
ﺍﻟﺠﻮﺍﺏ ..
ﻭﺍﻟﻨﺎﺱ ﺍﺟﺘﻤﻌﻮﺍ ﻛﻠﻬﻢ ..ﻭﺍﻫﻞ ﺍﻟﺒﺖ .. ﻭﺍﻋﻤﺎﻡ ﺍﻟﺠﻴﻠﻲ .. ﻭﺍﻭﻻﺩ ﻋﻤﻮ ..
ﻭﺍﻱ ﺯﻭﻝ ﻋﻨﺪﻭ ﻋﻼﻗﺔ ﺣﺘﻲ ﺍﺻﺤﺎﺏ ﺍﻟﺠﻴﻠﻲ .. ﻛﻠﻬﻢ ﺟﻮ ﻟﻠﺰﻋﻴﻢ .. ﻻﻧﻮ
ﻧﺼﺮ ﺍﻟﺪﻳﻦ ﻗﺎﻝ ﻟﻴﻬﻢ ﺍﻟﺰﻋﻴﻢ ﻋﻨﺪﻭ ﻛﻼﻡ ﻣﻌﺎﻛﻢ ﺑﺨﺼﻮﺹ ﺍﻟﺠﻴﻠﻲ ..
ﺍﻫﺎ ﻟﻤﻦ ﻭﺻﻠﻮ ..ﺍﻟﺰﻋﻴﻢ ﻗﺎﻝ ﻟﻴﻬﻢ .. ﻭﺍﻟﻠﻪ ﻳﺎﺟﻤﺎﻋﺔ ﺍﻧﺎ ﻛﻨﺖ ﻣﻨﺘﻈﺮ
ﺍﻟﺠﻴﻠﻲ .. ﻣﺘﻴﻦ ﺗﺠﻲ ﻣﻮﺍﻋﻴﺪﻭ ﻋﺸﺎﻥ ﺍﺯﻭﺝ ﻟﻴﻬﻮ ﺑﺘﻲ .. ﻭﺍﻧﺎ ﻟﻤﻦ ﺍﺩﻳﺘﻮ
ﻣﻮﺍﻋﻴﺪﻱ ﻭﻃﻠﺒﺎﺗﻲ .. ﻣﺎﻃﻤﻌﺎﻥ ﻟﻲ ﻗﺮﻭﺵ ﺍﻧﺘﻮ ﻋﺎﺭﻓﻴﻦ ﻛﺪﻱ .. ﺑﺲ ﻋﺸﺎﻥ
ﻳﺸﺪ ﺣﻴﻠﻮ ..
ﻭﻋﻠﻲ ﺍﻟﻄﻼﻕ ﺍﻧﺎ ﻛﻨﺖ ﻧﺎﻭﻱ ﻛﺎﻥ ﺟﺎﻧﻲ ﺑﺄﻳﺪﻳﻬﻮ ﺑﻼﻗﺮﻭﺵ .. ﻭﻗﺎﻝ ﻟﻲ
ﺣﺎﻭﻟﺖ ﻭﻣﺎﻗﺪﺭﺕ .. ﺍﻧﺎ ﺍﻋﺮﺱ ﻟﻴﻬﻮ ﺑﺘﻲ .. ﻟﻜﻦ ﺍﻟﺠﻴﻠﻲ ﺟﺮﻓﻮ ﺍﻟﺸﻴﻄﺎﻥ ..
ﻭﻣﺸﻰ ﻳﺸﺘﻐﻞ ﻓﻲ ﺗﺠﺎﺭﺓ ﺍﻟﻤﺨﺪﺭﺍﺕ ﻟﻐﺎﻳﺔ ﻣﺎﻗﺒﻀﻮﻫﻮ ﻓﻲ ﺍﻟﺴﻌﻮﺩﻳﺔ
ﻭﺳﺠﻨﻮﻩ ..
ﺍﻟﻨﺎﺱ ﺻﻨﻦ .. ﺯﻱ ﺍﻟﺼﺒﺖ ﻓﻮﻗﻬﻢ ﻣﻄﺮﺓ .. ﺍﺧﻮ ﺍﻟﺠﻴﻠﻲ ﺍﻟﻜﺒﻴﺮ ﻛﺎﻥ
ﻗﺎﻋﺪ ..
ﻗﺎﻝ ﻟﻴﻬﻮ ﺩﻩ ﻛﻼﻡ ﺷﻨﻮ ﻳﺎﺣﺎﺝ ﺃﺣﻤﺪ .. ﻗﺎﻝ ﻟﻴﻬﻮ ﺯﻱ ﻣﺎﺳﻤﻌﺖ ..ﻗﺎﻝ ﻟﻴﻬﻮ
ﻭﺍﻟﻠﻪ ﻳﺎﺣﺎﺝ ﺍﻟﺠﻴﻠﻲ ﺍﺧﻮﻱ ﻭﺍﻧﺎ ﺑﻌﺮﻓﻮ .. ﺍﻧﺎ ﻭﻛﻞ ﺍﻟﻘﺎﻋﺪﻳﻦ ﺩﻳﻞ ﻟﻮ
ﺳﻮﻳﻨﺎﻫﺎ .. ﺍﻟﺠﻴﻠﻲ ﻣﺎﺑﺴﻮﻳﻬﺎ ..
ﺍﻟﺰﻋﻴﻢ : ﻗﺎﻝ ﻟﻴﻬﻮ ﺍﺳﻤﻊ ﻳﺎﺣﺎﻣﺪ .. ﺭﺍﻳﻚ ﺷﻨﻮ ﻓﻲ ﻧﺎﺻﺮ؟؟ .. ﺑﻜﻀﺐ؟؟ ..
ﻗﺎﻝ ﻟﻴﻬﻮ ﺍﺑﺪﺍ " ﺣﺎﺷﺎﻫﻮ ..
ﻗﺎﻝ ﻟﻴﻬﻮ ﻫﺎﻙ ﺍﻗﺮﺍ ﺍﻟﺠﻮﺍﺏ ﺩﻩ ..ﺭﺳﻠﻮ ﻧﺎﺻﺮ ﻻﺧﻮﻩ ﻓﻲ ﺍﻟﺨﺮﻃﻮﻡ ..
ﺍﻗﺮﺍﻫﻮ ﺑﺼﻮﺕ ﻋﺎﻟﻲ ﺧﻠﻲ ﺍﻟﻨﺎﺱ ﻳﺴﻤﻌﻮ . ..
( ﻭﻣﻌﺘﺼﻢ ﻭﺍﻗﻒ ﻭﺭﺍ ﻫﻨﺎﻙ ﺷﺎﻙ ﺑﻨﻄﻠﻮﻧﻮ . ﻭﻣﺮﺑﻊ ﺍﻳﺪﻳﻬﻮ ﻳﺘﺒﺴﻢ ) ..
ﺣﺎﻣﺪ ﺍﺧﻮ ﺍﻟﺠﻴﻠﻲ ﺑﻌﺪ ﻗﺮﺍ ﺍﻟﺠﻮﺍﺏ ﻭﺍﻟﻨﺎﺱ ﻛﻠﻬﺎ ﺗﺴﻤﻊ .. ﻗﺎﻝ ﻟﻴﻬﻮ ﻭﺍﻟﻠﻪ
ﻳﺎ ﺍﻟﺰﻋﻴﻢ .. ﺍﻟﺠﻴﻠﻲ ﻛﺎﻥ ﻛﺪﻱ ﻣﺎﺑﺴﺘﺤﻖ ﺍﻟﺒﺖ .. ﻭﻻﺑﺴﺘﺤﻖ ﻳﻜﻮﻥ ﻭﺳﻄﻨﺎ
ﻣﻦ ﺍﺳﺎﺳﻮ ..
ﻟﻜﻦ ﺍﺣﺘﻤﺎﻝ ﻳﻜﻮﻥ ﺍﻟﺠﻴﻠﻲ ﻣﺴﺠﻮﻥ ﻇﻠﻢ .. ﺍﻟﺰﻋﻴﻢ ﻗﺎﻝ ﻟﻴﻬﻮ ﺍﻟﺴﻌﻮﺩﻳﺔ ﻳﺎ
ﺍﺳﺘﺎﺫ ﻣﻄﺒﻘﻴﻦ ﺍﻟﺸﺮﻳﻌﻪ .. ﻣﺴﺘﺤﻴﻞ ﻳﺴﺠﻨﻮ ﺯﻭﻝ ﺑﺎﻟﻈﻠﻢ .. ﻫﻨﺎﻙ ﻣﺎﻓﻲ
ﺭﺷﺎﻭﻱ .. ﻭﻻ ﻛﺬﺏ ﻭﻧﻔﺎﻕ .. ﺩﻳﻚ ﺑﻠﺪ ﺍﻟﻠﻪ ﻭﺍﻟﺮﺳﻮﻝ ﻳﺎﺧﻮﻱ .. ﻗﺎﻝ ﻟﻴﻬﻮ
ﺻﺪﻗﺖ ﻳﺎ ﺍﻟﺰﻋﻴﻢ ..
ﻧﻘﻮﻝ ﺷﻨﻮ ﻋﺎﺩ .. ﻧﺤﻤﺪ ﺍﻟﻠﻪ ﻋﻠﻰ ﻛﻞ ﺣﺎﻝ .. ﺍﻟﺴﻮﺍﻫﺎ ﻓﻴﻨﺎ ﺍﻟﺠﻴﻠﻲ
ﻻﺑﺘﺰﻭﻝ ﻭﻻﺑﺘﻨﻌﺴﻞ .. ﻧﻜﺲ ﺭﺍﺳﻨﺎ ﻓﻲ ﺍﻟﻮﺍﻃﺎ ..
ﺍﻟﺰﻋﻴﻢ ﻗﺒﻞ ﻋﻠﻰ ﺍﻟﺠﻤﺎﻋﺔ ﻭﻗﺎﻝ ﻟﻬﻢ ﺍﻫﺎ ﺭﺍﻳﻜﻢ ﺷﻨﻮ ﻳﺎﺭﺟﺎﻟﺔ ؟
ﻗﺎﻟﻮ ﻟﻴﻬﻮ .. ﻣﺎﻓﻲ ﺭﺍﻱ ﻳﺎﺯﻋﻴﻢ ..
ﺍﻧﺖ ﻣﺎﻗﺼﺮﺕ ﻭﻭﻓﻴﺖ ﺑﻮﻋﺪﻙ .. ﺍﻟﺠﻴﻠﻲ ﺑﺮﺍﻫﻮ ﻃﻠﻊ ﻣﻠﻌﻮﻥ ﻭﻣﺎﺑﺴﺘﺎﻫﻞ ..
ﻃﻮﺍﻟﻲ ﺍﻟﺰﻋﻴﻢ ﺍﺗﻠﻔﺖ ﻋﻠﻰ ﻣﻌﺘﺼﻢ ..ﻭﻗﺎﻝ ﻟﻴﻬﻮ ﺍﺭﻛﺐ ﻋﺮﺑﻴﺘﻚ ﻳﺎﻭﻟﺪﻱ ..
ﻭﺃﻣﺶ ﻛﻠﻢ ﺍﺑﻮﻙ ﻭﺍﻫﻠﻚ ..ﻗﻮﻝ ﻟﻴﻬﻢ .. ﻋﻢ ﺍﺣﻤﺪ ﻗﺎﻝ ﻟﻴﻜﻢ ﺗﻌﺎﻟﻮ ﻟﻴﻨﺎ
ﺍﻻﺳﺒﻮﻉ ﺍﻟﺠﺎﻱ .. ﻭﺭﺑﻨﺎ ﻳﺘﻢ ﻟﻚ ﻋﻠﻰ ﺧﻴﺮ .. ﻭﺍﻟﺤﻠﺔ ﻛﻠﻬﺎ ﺑﻘﺖ ﺗﻨﻀﻢ ..
ﻧﺴﻮﺍﻥ ﻭﺭﺟﺎﻝ .. ﺍﻱ ﻣﺠﻠﺲ ﺍﻱ ﻟﻤﺔ .. ﻭﺑﺘﺮﻳﻘﻮ .. ﻭﻳﻘﻮﻟﻮ .. ﺍﻟﺠﻴﻠﻲ
ﺗﻠﻘﺎﻫﻮ ﺑﻘﻰ ﻣﻦ ﺭﺟﺎﻝ ﺍﻻﻋﻤﺎﻝ ..
ﻫﻮ ﻗﺎﻝ ﺍﻟﺴﻌﻮﺩﻳﺔ ﻣﻠﻌﺒﺔ ؟ ﻭﺍﻟﻠﻪ ﺗﻠﻘﻰ ﺍﻟﻘﺮﻭﺵ ﺍﻟﻠﻤﺎﻫﺎ .. ﻣﺴﺨﺖ
ﻋﻠﻴﻬﻮ .. ﻭﺍﺣﺪﻳﻦ ﻳﻘﻮﻟﻮ ﺍﻟﺠﻴﻠﻲ ﺑﻜﻮﻥ ﻣﺤﻜﻮﻡ ﻋﻠﻴﻬﻮ ﺑﺎﻻﻋﺪﺍﻡ .. ﻭﻫﻮ ﻓﻲ
ﺍﻟﺴﺠﻦ ﻣﻨﺘﻈﺮ ﺍﻟﺘﻨﻔﻴﺬ ..
ﻭﻃﺒﻌﺎ " ﺯﻱ ﻣﺎ ﺍﻧﺘﻮ ﻋﺎﺭﻓﻴﻦ ﻓﻲ ﺍﻟﻮﻛﺖ ﺩﻩ ﺍﻟﺠﻴﻠﻲ ﻃﻠﻊ ﻣﻦ ﺍﻟﺴﺠﻦ ..
ﻟﻜﻦ ﻣﻨﻮ ﺍﻟﺒﻮﺻﻞ ﺍﻟﺨﺒﺮ .. ﻟﻠﺰﻋﻴﻢ ﻗﺒﻞ ﻣﺎﻳﻐﻠﻂ ﻭﻳﺰﻭﺝ ﺑﺪﻭﺭ ﻟﻲ ﻣﻌﺘﺼﻢ
ﺍﻟﻤﻠﻌﻮﻥ ﺩﻩ ..
ﻃﺒﻌﺎ ﺍﻟﺨﺒﺮ ﻭﺻﻞ ﻟﻲ ﺑﺪﺭﻳﺔ ﺑﻜﻞ ﺗﻔﺎﺻﻴﻠﻮ .. ﻣﻦ ﺧﺎﻟﻬﺎ ﺍﻟﻜﺎﻥ ﺣﺎﺿﺮ ..
ﻭﺻﻞ ﻟﻴﻬﺎ ﺍﻟﻜﻼﻡ ﻣﻦ ﻃﻘﻄﻖ ﻟﻠﺴﻼﻡ ﻋﻠﻴﻜﻢ .. ﻗﺎﻟﻬﺎ ﺯﻭﺍﺟﻚ ﻓﻲ ﺍﻻﺳﺒﻮﻉ
ﺍﻟﺠﺎﻱ .. ﻣﻦ ﻣﻌﺘﺼﻢ ..
ﺷﺪﻱ ﺣﻴﻠﻚ ﺣﺘﻜﻮﻧﻲ ﻣﻦ ﺳﻜﺎﻥ ﺍﻟﺨﺮﻃﻮﻡ ..
ﺍﻟﻰ ﺍﻟﻠﻘﺎﺀ
الرجوع الى أعلى الصفحة اذهب الى الأسفل
http://loaaqlb.wwooww.net
 
ضيــــــــــــــــــــــــــاع الدرح16
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
لُـ‘ـُــــــــــــــۅعُـ‘ـُة قُـ‘ـُلُـ‘ـُـــــــــبُـ‘ـُ :: منتدى المنوعـــــــــات-
انتقل الى: