ضيــــــــــــــــــــــــــاع الدرح14

ﺿﻴﺎﻉ ﺍﻟﺪﺭ ..
ﺍﻟﺤﻠﻘﺔ 14.. ..
ﺍﻟﺠﻮﺍﺏ ﺍﺗﺮﺳﻞ ﻭﻓﻴﻬﻮ ﺍﻟﺨﺒﺮ ﺑﺘﺎﻉ ﺍﻧﻮ ﺍﻟﺠﻴﻠﻲ ﻣﺴﺠﻮﻥ ﻓﻲ ﻗﻀﻴﺔ ﻣﺨﺪﺭﺍﺕ ..
ﻭﻧﺤﻦ ﺭﺍﺡ ﻧﻤﺸﻲ ﺍﻟﺴﻮﺩﺍﻥ .. ﻧﺸﻮﻑ ﺗﺪﺍﻋﻴﺎﺕ ﺍﻟﺨﺒﺮ .. ﺍﻟﻤﻬﻢ ﺍﻻﻥ ﺍﻟﺤﺼﻞ
ﻛﺎﻻﺗﻲ .. ﺟﺎﺀ ﻣﺮﺳﻮﻡ ﻷﺩﺍﺭﺓ ﺍﻟﺴﺠﻦ .. ﻣﻦ ﺍﻟﻤﺤﻜﻤﺔ ﺑﺎﻃﻼﻕ ﺳﺮﺍﺡ
ﺍﻟﺠﻴﻠﻲ . ﻓﻲ ﺍﻟﺜﺎﻣﻦ ﻣﻦ ﺍﻏﺴﻄﺲ ﻋﺎﻡ 83 . ﻭﻛﺎﻥ ﺍﺧﺪ ﻱ ﺍﻟﺴﺠﻦ ﺑﺎﻟﻀﺒﻂ
7 ﺷﻬﻮﺭ ﻭﺳﺘﺔ ﻳﻮﻡ .. ﻭﻛﺎﻥ ﺍﻟﻨﺎﺱ ﺍﻟﻘﺎﻣﻮ ﺑﺎﻟﻤﺴﺎﻋﻲ .. ﻫﻢ ﻣﺴﻌﺪ ﻭﻋﻢ
ﻣﻬﺪﻱ .
ﻭﻛﺎﻧﺖ ﻗﺼﺔ ﺣﺴﻦ ﺍﻟﻤﺼﺮﻱ .. ﺑﻤﺠﺮﺩ ﻣﺎﻃﻠﻊ ﻣﻦ ﺍﻟﺴﺠﻦ ﻣﺸﻰ ﻟﻤﺴﻌﺪ
ﻭﻗﺎﻝ ﻟﻴﻬﻮ .. ﺍﻧﺎ ﻓﺎﺿﻲ ﻣﻦ ﺍﻟﻤﻐﺮﺏ .. ﻣﻤﻜﻦ ﺍﺷﺘﻐﻞ ﻣﻌﺎﻛﻢ ﻓﻲ ﻣﻜﺎﻥ
ﺍﻟﺠﻴﻠﻲ .. ﻭﺍﺳﺪ ﻟﻴﻬﻮ ﺧﺪﻣﺔ ﻣﺴﺎﺋﻴﺔ ﻟﻐﺎﻳﺔ ﻣﺎﻳﺠﻲ . ﻣﺴﻌﺪ ﻗﺎﻝ ﻟﻴﻬﻮ ﻣﺎﻓﻲ
ﺩﺍﻋﻲ .. ﺍﻟﺠﻴﻠﻲ ﻣﺮﺗﺒﻮ ﺷﻐﺎﻝ ﻣﻦ ﻳﻮﻡ ﺩﺧﻞ ﺍﻟﺴﺠﻦ .. ﻭﻣﺮﺗﺐ ﻣﻀﺎﻋﻒ ﻻﻧﻮ
ﺍﻟﺠﻴﻠﻲ ﻛﺎﻥ ﺷﻐﺎﻝ ﺩﻭﺍﻣﻴﻦ ﻗﺒﻞ ﻣﺎ ﻳﻨﺴﺠﻦ ..
ﻭﺍﻟﺠﻴﻠﻲ ﻃﻠﻊ ﻣﻦ ﺍﻟﺴﺠﻦ ﺑﻌﺪ ﺣﺴﻦ ﻓﻘﻂ ﺏ45 ﻳﻮﻡ .. ﻭﻳﻮﻡ ﻃﻠﻮﻉ ﺍﻟﺠﻴﻠﻲ
ﻣﻦ ﺍﻟﺴﺠﻦ ﻛﺎﻥ ﺣﺪﺙ .
ﺍﺣﺘﻔﺎﻝ ﻋﺠﻴﺐ ﻭﻛﺎﻥ ﻓﻲ ﺑﻜﺎ ﻋﺪﻳﻞ ﻣﻦ ﺍﻟﻤﺴﺎﺟﻴﻦ . ﺍﻟﻤﺴﺎﺟﻴﻦ ﺩﻳﻞ ﺣﺰﻳﻨﻴﻦ
ﺍﻟﺘﻘﻮﻝ ﻣﻴﺖ ﻟﻬﻢ ﺯﻭﻝ .. ﺣﺘﻲ ﺍﻟﻌﺴﺎﻛﺮ ﺳﺒﺤﺎﻥ ﺍﻟﻠﻪ ﺍﻟﻜﺎﻧﻮ ﺑﻌﺮﻓﻮ ﺍﻟﺠﻴﻠﻲ
ﺍﺻﺎﺑﻬﻢ ﺣﺰﻥ ﻋﻠﻰ ﻓﺮﺍﻗﻮ ..
ﻭﻛﺎﻥ ﺍﻟﻜﻔﻴﻞ ﻣﺴﻌﺪ ﻣﺠﻬﺰ ﺍﺣﺘﻔﺎﻝ ﻭﺿﺒﺎﻳﺢ ﻓﻲ ﺑﻴﺘﻮ ﻟﺨﺮﻭﺝ ﺍﻟﺠﻴﻠﻲ ﻭﺩﺍﻋﻲ
ﺍﺻﺤﺎﺑﻪ ﻭﺍﺻﺤﺎﺏ ﻋﻢ ﻣﻬﺪﻱ ﻭﺣﺴﻦ ﻭﺟﻤﺎﻋﺔ ﻣﺼﺮﻳﻴﻦ ﻋﺸﺎﻥ ﻳﺘﻌﺮﻓﻮﺍ ﻋﻠﻲ
ﺍﻟﺠﻴﻠﻲ ﻭﻛﺎ ﺍﻻﺣﺘﻔﺎﻝ ﺟﻴﺪﺍ .. ﻭﺍﻟﻨﺎﺱ ﺩﻳﻞ ﺍﺗﺒﺮﻋﻮﺍ ﻓﻲ ﺍﻻﺣﺘﻔﺎﻝ ﺩﺓ ﺗﺒﺮﻋﺎﺕ
ﺳﺨﻴﺔ ﻭﺷﻲ ﻻﻳﺨﻄﺮ ﻋﻠﻰ ﺑﺎﻝ .. ﻭﻣﺴﻌﺪ ﻗﺎﻝ ﻣﺮﺗﺐ ﺍﻟﺠﻴﻠﻲ ﻣﺴﺘﻤﺮ ﻣﻦ
ﻳﻮﻡ ﺩﺧﻮﻝ ﺍﻟﺴﺠﻦ
ﺑﺎﻻﺿﺎﻓﺔ ﻻﻧﻲ ﺍﻧﺎ ﺑﻌﺘﺒﺮ ﺍﻟﺠﻴﻠﻲ .. ﻛﺎﻧﻪ ﻭﻟﺪﻱ ﻭﺍﺧﻮﻱ ﺍﻟﺼﻐﻴﺮ .. ﻭﺍﻟﺠﻴﻠﻲ
ﻣﻦ ﺍﻟﻤﻮﻗﻒ ﻋﻴﻮﻧﻮ ﺩﻣﻌﺖ ﻣﻦ ﺭﺟﺎﻟﺔ ﺍﻟﻨﺎﺱ ﺩﻳﻞ ﻭﺣﻔﻈﻬﻢ ﻟﻠﻤﻌﺮﻭﻑ ..
ﻭﺍﻟﺠﻴﻠﻲ ﺍﺳﺘﻤﺮ ﻓﻲ ﺷﻐﻠﻪ .ﻋﺎﺩﻱ ﻛﺎﻥ ﻟﻢ ﺷﻲ .. ﻭﺭﺏ ﺿﺎﺭﺓ ﻧﺎﻓﻌﺔ
ﻭﺩﺍﺋﻤﺎ " ﺍﻟﻤﺼﺎﺋﺐ ﺗﻜﻮﻥ ﺟﻮﺍﻫﺎ ﺍﻟﺨﻴﺮ .. ﻓﺎﻻﻧﺴﺎﻥ ﻳﺄﺳﻮ ﻋﻠﻰ ﻣﺎ ﺃﺻﺎﺑﻪ
ﻭﻻﻳﻔﺮﺡ ﺑﻤﺎ ﻭﺗﻴﻪ .. ﻓﺎﻧﻪ ﻻﻳﻌﻠﻢ ﻣﺮﺍﺩ ﺍﻟﻠﻪ ..
ﺭﺏ ﺍﻟﻌﺎﻟﻤﻴﻦ ﻋﻨﺪﻭ ﺣﻜﻤﺔ ﻓﻲ ﺗﺼﺮﻑ ﻳﻘﻊ ﻋﻠﻰ ﺍﻟﻌﺒﺪ .. ﻭﺑﺎﻟﺘﺎﻛﻴﺪ ﻻﻳﺮﻳﺪ ﺑﻚ
ﺍﻻ ﺍﻟﺨﻴﺮ .. ﺍﻟﺠﻴﻠﻲ ﻛﺎﻥ ﻣﺴﺘﻴﻘﻦ ﺑﺎﻟﻤﻮﺿﻮﻉ ﺩﻩ .. ﻋﺸﺎﻥ ﻛﺪﺍ ﻣﺎ ﻛﺎﻥ ﻣﻨﺰﻋﺞ
ﻣﻦ ﺩﺧﻮﻝ ﺍﻟﺴﺠﻦ .. ﻭﻣﺎ ﻛﺎﻥ ﻣﺸﻠﻬﺖ ﻋﻠﻰ ﺍﻟﻤﻮﺍﻋﻴﺪ ..
ﻳﻼ ﻋﻠﻰ ﺳﻮﺩﺍﻧﻨﺎ ﺍﻟﺤﺒﻴﺐ ﺑﻌﺪ ﺍﻣﺄﻧﻴﻨﺎ ﻋﻠﻰ ﺍﻟﺠﻴﻠﻲ ﻭﻋﻠﻰ ﻣﺴﺘﻘﺒﻠﻮ .. ﺑﺪﺭﻳﺔ
ﺑﺖ ﺍﻟﺰﻋﻴﻢ ﺗﺤﺴﺐ ﻓﻲ ﺍﻟﻠﻴﺎﻟﻲ ﻭﺍﻻﻳﺎﻡ ﺑﺎﻟﺴﺎﻋﺎﺕ ﻭﺍﻟﺪﻗﺎﻳﻖ .. ﻭﻛﻞ ﻳﻮﻡ
ﻳﺎﻫﻲ ﻣﻊ ﺻﻔﻴﺔ ﻳﺎ ﺻﻔﻴﺔ ﻣﻌﺎﻫﺎ .. ﻫﺴﻊ ﻗﺎﻋﺪﺍﺕ ﻳﺘﻮﻧﺴﻦ ﻓﻲ ﺿﻞ ﺍﻟﻀﺤﻰ
ﻓﻲ ﺑﻴﺖ ﻧﺎﺱ ﺍﻟﺠﻴﻠﻲ ﻭﺻﻔﻴﺔ ﻛﺎﻥ ﺑﺘﻮﺭﻕ ﻟﻴﻬﺎ ﻓﻲ ﺧﺪﺭﺓ ﻭﻗﺎﻟﺖ ﻟﻲ
ﺑﺪﺭﻳﻪ .. ﻫﺴﻊ ﻳﺎﺑﺪﻭﺭ ﻛﺎﻥ ﺍﻟﺠﻴﻠﻲ ..
ﻣﺎ ﺍﺗﻮﻓﻖ ﻭﻣﺎﻗﺪﺭ ﻟﻢ ﺍﻟﻘﺮﻭﺵ ﺍﻻﺑﻮﻙ ﻗﺎﻟﻬﺎ ﻟﻴﻬﻮ .. ﺑﺘﻌﺮﺳﻲ ﻭﺩ ﺍﻟﺨﺮﺗﻮﻡ؟
ﻗﺎﻟﺖ ﻟﻴﻬﺎ ﻳﺨﺮﺗﻤﻮ ﺍﻟﺒﻼ ﺍﻟﻴﺎﺧﺪﻭ .
ﻭﺍﻟﻠﻪ ﻛﺎﻥ ﻣﺎﺕ ﻣﺎﻳﻤﺴﻚ ﺍﻳﺪﻱ .. ﻗﺎﻟﺖ ﻟﻴﻬﺎ ﺍﻫﺎ ﺑﺘﻘﻮﻟﻲ ﻻﺑﻮﻙ ﺷﻨﻮ؟ ..
ﻗﺎﻟﺖ ﻟﻴﻬﺎ ﺍﻧﺘﻲ ﻋﺎﺭﻓﺔ ﻳﺎﺻﻔﻴﻪ .. ﺍﺑﻮﻱ ﺩﻩ ﺑﺘﻜﻠﻢ ﺳﺎﻛﺖ ﻭﺍﻧﺎ ﻋﺎﺭﻓﺎﻫﻮ ..
ﻛﺎﻥ ﺟﺎﻫﻮ ﺍﻟﺠﻴﻠﻲ ﻓﻲ ﺍﻟﻤﻮﺍﻋﻴﺪ ﺣﺘﻰ ﻟﻮ ﻣﺎﻛﻤﻞ ﺍﻻﻣﻮﺍﻝ ﺍﻟﺨﻴﺎﻟﻴﺔ ﺩﻱ ..
ﺍﺑﻮﻱ ﺑﻘﺒﻠﻮ .. ﺍﻧﺎ ﺣﺎﺳﺔ ﺍﻧﻮ ﺍﺑﻮﻱ ﻋﺎﻳﺰ ﻳﻌﻤﻞ ﻟﻠﺠﻴﻠﻲ ﺗﻤﺎﺭﻳﻦ ﻋﻠﻰ ﻛﺴﺐ
ﺍﻟﻘﺮﻭﺵ .. ﻭﻣﺎﻳﻘﺘﻨﻊ ﺑﺎﻟﻤﺰﺍﺭﻋﻴﺔ ﻭﺍﻟﻌﻤﻞ ﺑﺎﻻﺟﺮﺓ ﺍﻟﻴﻮﻣﻴﻪ .. ﻭﻟﻮ ﺍﺑﻮﻱ ﺣﺲ
ﺑﻲ ﺍﻟﺠﻴﻠﻲ ﺑﻘﻰ ﻋﻨﺪﻭ ﻣﺼﺪﺭ ﺩﺧﻞ ﺛﺎﺑﺖ .. ﺗﺎﻧﻲ ﻣﺎﺑﺸﺘﻐﻞ ﺑﻲ ﻗﺼﺔ ﺟﺎﺏ
ﻛﻢ . ﺩﻩ ﺍﺑﻮﻱ ﻭﺍﻧﺎ ﺑﻌﺮﻓﻮ ... ﻗﺎﻟﺖ ﻟﻴﻬﺎ ﻃﻴﺐ ﻟﻮ ﻃﻠﻊ ﻛﻼﻣﻚ ﻏﻠﻂ .. ﻭﺍﺑﻮﻙ
ﺍﺻﺮ ﺍﻧﻮ ﻳﻌﺮﺳﻚ ﻟﻮﺩ ﺍﻟﺨﺮﺗﻮﻡ ..
ﻗﺎﻟﺖ ﻟﻴﻬﺎ ﺍﻧﺎ ﻗﻠﺖ ﻟﻲ ﺍﻣﻲ ﻭﻛﻞ ﺍﻟﻨﺎﺱ ﻋﺎﺭﻓﺔ .. ﻳﺎ ﺍﻟﺠﻴﻠﻲ ﻳﺎ ﺍﻟﺒﺤﺮ
ﻣﺎﻋﻨﺪﻱ ﺗﺎﻟﺖ .. ﻗﺎﻟﺖ ﻟﻴﻬﺎ ﺍﻧﺘﻲ ﻳﺎ ﺍﻟﺠﺒﺎﻧﺔ ﺑﺤﺮ ﺷﻨﻮ ﺍﻟﺒﺘﻤﺸﻲ ﻋﻠﻴﻬﻮ ﺍﻧﺘﻲ
ﺑﺘﺨﺎﻓﻲ ﻣﻦ ﺍﻟﻀﻠﻤﻪ .. ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ؟ ﺍﻧﺘﻲ ﻣﺎﺑﺘﻌﺮﻓﻴﻨﻲ ﻭﻛﺖ ﺍﺯﻋﻞ
ﻭﺍﺗﺤﻤﻖ ﺍﻟﺒﺴﻮﻳﻬﻮ ﻣﺎﺑﻮﻋﺎﻫﻮ .. ﻗﺎﻟﺖ ﻟﻴﻬﺎ ﻳﺎﻟﻄﻴﻒ ﻣﻨﻚ .. ﻳﻌﻨﻲ ﻛﺎﻥ
ﺍﻟﺠﻴﻠﻲ ﻋﺮﺳﻚ ﺑﺘﻨﺠﻀﻴﻨﺎ ﻧﺠﺎﺽ ..
ﻭﻧﺤﻦ ﻏﺎﻳﺘﻮ ﺷﺎﻳﻔﻴﻦ ﺍﻻﻣﻮﺭ ﻣﺎﺷﺔ ﺗﻤﺎﻡ ﻭﻛﻞ ﺷﻲ ﻣﺎﺷﻲ ﻋﻠﻰ ﻗﺪﻡ
ﻭﺳﺎﻕ ..
ﻭﺣﺘﻲ ﺍﻟﺠﻴﻠﻲ ﻟﻮ ﺟﺎ ﻓﻲ ﻣﻮﺍﻋﻴﺪﻭ .. ﺍﻥ ﺷﺎﺀ ﺍﻟﻠﻪ ﻳﻜﻔﻲ ﻛﻼﻡ ﺍﻟﺰﻋﻴﻢ
ﻭﻳﻔﻀﻞ ..
ﺭﺑﻨﺎ ﻳﺠﻴﺐ ﺍﻟﻌﻮﺍﻗﺐ ﺳﻠﻴﻤﺔ ﻭﻳﻜﻔﻲ ﺷﺮ ﺍﻟﻌﻮﺍﺭﺽ .. ﻭﻧﺸﻮﻑ
ﺍﻟﻰ ﺍﻟﻠﻘﺎﺀ